ჭიდაობა

ძიუდო

12:14 25-09-2018

ვარლამ ლიპარტელიანი მსოფლიოს ჩემპიონატის ნახევარფინალში გავიდა! [VIDEO]

AutoSharing Option Yes No

AUTO PLAY

25 სექტემბერს ვარლამ ლიპარტელიანი ბაქოში მიმდინარე მსოფლიოს ჩემპიონატის ნახევარფინალში გავიდა.

ლიპარტელიანი მეოთხედფინალში ეგვიპტელ რამადან დარვიშს შეხვდა და დამაჯერებლად მოუგო.

ქართველის მომდევნო მეტოქე მონღოლი ოგტონბაატარ ლხაგვასურენი იქნება. ფინალური ბლოკი 16:00 საათიდან დაიწყება. პირდაპირი ტრანსლაციის ნახვა SILK უნივერსალზე შეგიძლიათ.

აქამდე ლიპარტელიანი მერვედფინალში ტურნირის მასპინძელი ქვეყნის წარმომადგენელს, აზერბაიჯანელ ელმარ გასიმოვს შეხვდა. შეხვედრის ძირითადმა დრომ გამარჯვებული ვერ გამოავლინა, თუმცა დამატებით დროში ოქროს ქულა ლიპარტელიანმა იპონით მოიპოვა.

alt ვარლამ ლიპარტელიანი მსოფლიოს ჩემპიონატის მეოთხედფინალში გავიდა! [VIDEO]

შეგახსენებთ, რომ ქართველი სპორტსმენი პირველ წრეში ისვენებდა, ხოლო მეორე წრეში ფრანგ

ალექსანდრე იდირს შეხვდა და ვაზარით დაამარცხა.

alt ვარლამ ლიპარტელიანმა მსოფლიოს ჩემპიონატზე პირველი შეხვედრა მოიგო [VIDEO]

ტეგები:

ვარლამ ლიპარტელიანი

შეაფასეთ სტატია:

მკითხველის კომენტარები / 20 /

თარიღის მიხედვით

მოწონებების მიხედვით

მონღოლს უეჭველად გავივლით! საჩემპიონო ფონალში რუსი ჯობია, თუ /ღმერთმა ნუ ქნას და /ვაგებთ, კორეელი

მერაბი გ.

გამოხმაურება

25 სექტემბერი 2018 12:51

გაქებ კაპიტანო ურთულესი ბადე გაიარა და ეტყობა სრული პასუხისმგებლობით ეკიდება საქმეს, მობილიზებულია შემართული და შედეგზე ორიენტირებული რაც 66 81 და 90 წონებში არ იგრძნობოდა. წარმატებები ვარლამ თუმცა ჩემთვის შენ უკვე გმირი ხარ!!! გაახარე შენი სამშობლო და ოჯახიც!!!! მიბაძეთ კაპიტანს. იაპონელს ერიდე ძამაააDD.

იპონი

გამოხმაურება

25 სექტემბერი 2018 12:49

ფუი ეშმაკს,თვალი არა ვცე,მაგრამ ლიპო ჯერჯერობით ძალიან დამაჯერებლად ჭიდაობს,იგრძნობოდა,რომ ყველასთან მას მიჰყავდა ჭიდაობა,ხოლო როგორც გასიმოვთან გააკეთა გამარჯვების ილეთი,ეს ალბათ ტაქტიკის უმაღლესი პილოტაჟი იყო,ჯერ თვითონ დაიწყო გდება,გასიმოვმა რა თქმა უნდა ჩაბრუნების კონტრილეთი წამოიწყო,ლიპო თითქოს მიჰყვა გასიმოვს,მაგრამ საჭირო წამს ჩავლება შეცვალა და მოძრაობის კონტროლი,კვლავ თავის ხელში აიღო.ასეთის მსგავსი რაღაცა საბჭოთა კავშირის დროინდელ სპორტულ მოთხრობებში მაქვს წაკითხული და ანატოლი კოლესოვის ისტორიაა მოყოლილი,როცა მას სუფთა გამარჯვება სჭირდებოდა აუცილებლად.უზარმაზარი უპირატესობით იგებდა კოლესოვი,მეგრამ სუფთა მაშინ, მხოლოდ სუფთა გამარჯვება იყო და ბოლოს, როცა დრო იწურებოდა და საშველი ვეღარ ნახა,გამართული მივიდა,მეტოქე წელში შეუშვა კოლესოვმა და როცა მეტოქეს მკერდიდან გდება უნდა გაეკეთებინა,კოლესოვმა დაასწრო.ბრავო ლიპო.არ ვიცი,გახდება თუ არა ლიპო ჩემპიონი,(დიდი იმედი მაქვს რომ ასე იქნება),მაგრამ ეგ გამარჯვების ილეთი,არასოდეს დამავიწყდება.არა,არ შეიძლება,რომ ჩემპიონი ვერ გახდეს.გაიმარჯვებს.

სოსო

გამოხმაურება

25 სექტემბერი 2018 12:46

ლიპო უბერებელია, ისე იბრძვის დაღლაც არ ეტყობა. უზადო პროფესიონალია და დარწმუნებული ვარ მონღოლსაც მოუგვარებს.წარმატებები ქართველ ლომს
აქვე იმასაც ვიტყვი რომ მიუხედავად ღვინიაშვილისადმი დიდი პატივისცემისა, საკუთარ თავში ზედმეტად დარწმუნებულია და მის ნაცვლად ბევრად გამოცდილი ჭრიკიშვილი უკეთესს შედეგს დადებდა, თუმცა ეს უკვე წარსულია, იმედია მალე მოგვარდება ფედერაციაში სიტუაცია და ბიჭებიც უფრო მეტად ჭიდაობაზე გადაერთვებიან ვიდრე საქმის გარჩევაზე.

დიმა

გამოხმაურება

25 სექტემბერი 2018 12:45

ყოჩაღ ვარლამ, ასე გააგრძელე და სულ ცოტა ბრინჯაო ან ვერცხლი ჩვენი იქნება! საინტერესოა, რატომაა ასე ცოტა კომენტარები როცა ეს კაცი უკვე ნახევარფინალშია?! აქამდე რომ გამოვარდნილიყო, მაშინ ხომ წალეკავდნენ ინტერნეტ-სივრცეს ე.წ. "მცოდნეები"? შეიძლება პიროვნულად შენთვის მისაღები არ იყოს მისი საქციელი, მაგრამ უბრალოდ არ მესმის, ქართველის გამარჯვება რატომ არ უნდა გიხაროდეს?!

patrioti

გამოხმაურება

25 სექტემბერი 2018 12:42