ბაჰამის კუნძულების დედაქალაქ ნასაუში მიმდინარე ახალგაზრდა ძიუდოისტთა მსოფლიოს ჩემპიონატის მესამე დღეს ქართველმა ძიუდოისტებმა ოქროს და ბრინჯაოს მედლები მოიპოვეს.
ლაშა ბექაურმა (90 კგ) იაპონელ სანშირო მურაოს 30 წამში იპონით სძლია და ჩემპიონი გახდა.
გადამწყვეტ შეხვედრამდე ბექაურმა კანადელი ბენჟამინ კენდრიკი, ლატვიელი ემილს გერკენსი, იაპონელი კოსუკე მაშიამა და სერბი დარკო ბრასანოვიჩი დაამარცხა.
ლუკა მაისურაძე (81 კგ) ბრინჯაოს მედლის მფლობელი გახდა. მან მექსიკელ ფრაისერ ტინტოსს და აზერბაიჯანელ მურად ფატიევს მოუგო, შემდეგ უნგრელ რობერტ რაიკაისთან წააგო, რეპეშაჟში თანანაკრებელი ტატო გრიგალაშვილი, ხოლო მესამე
ადგილისთვის შერკინებაში ტაჯიკი ჯახონგირ მაჯიდოვი დაამარცხა.
მარიამ ჭანტურიამ ამერიკელი ჯულია სიმონიანი დააიპონა, მაგრამ ბრაზილიელ ელენა სანტანასთან წააგო.
ხვალ ტატამზე ზაურ კენჭაძე (100 კგ), ონისე სანებლიძე (100 კგ), გელა ზაალიშვილი (+100 კგ) და სოფიო სომხიშვილი (+78 კგ) გავლენ.
შეგახსენებთ, ჯაბა პაპინაშვილი (60 კგ) ბრინჯაოს მედლის მფლობელი გახდა.
მსოფლიოს ახალგაზრდული ჩემპიონატი. ტურნირის მეორე დღეს საქართველოს ნაკრებმა მედალი ვერ მოიპოვა
!["ჩემი ძმაა, ძალიან მიყვარს"- ვრცელდება ლაშა ბექაურის და მისი იაპონელი მეტოქის, სანშირო მურაოს ვიდეო დაჯილდოების შემდეგ [VIDEO]](/pictures/image7/970fd9b5d55cb4de1475b5d3b6dde186.png "\"ჩემი ძმაა, ძალიან მიყვარს\"- ვრცელდება ლაშა ბექაურის და მისი იაპონელი მეტოქის, სანშირო მურაოს ვიდეო დაჯილდოების შემდეგ [VIDEO]")
![არის პირველი ოქრო - ლაშა ბექაური ზედიზედ მეორედ გახდა ოლიმპიური ჩემპიონი! [VIDEO]](/pictures/image7/660f48e0f6c9aeccb178e256c662f988.jpg "არის პირველი ოქრო - ლაშა ბექაური ზედიზედ მეორედ გახდა ოლიმპიური ჩემპიონი! [VIDEO]")
