22 ივნისს მინსკში ევროპული თამაშები მიმდინარეობს, სადაც ქართველი ძიუდოისტები მედლებისთვის იბრძვიან.
ლუხუმ ჩხვიმიანი (60) ევროპული თამაშების ფინალში გავიდა. ჩხვიმიანმა ნახევარფინალში ფრანგ ვალიხ ხიარს ვაზარით მოუგო და პაპინაშვილის დამარცხებისთვის ერთგვარი რევანში აუღო.
ჩხვიმიანმა აქამდე ჰოლანდიის სახელით მოასპარეზე თორნიკე ცხადაიას და თურქ მიჰრაკ აკუსს მოუგო.
ამირან პაპინაშვილი (60) ბრინჯაოსთვის იჭიდავებს.
პაპინაშვილმა რეპეშაჟში ჰოლანდიის სახელით მოასპარეზე თორნიკე ცხადაიას იპონით მოუგო. მანამდე კი ფრანგ ვალიდ ხიართან იპონით დამარცხდა. პირველ შეხვედრაში პაპინაშვილმა ებრაელ ბენ დავიდს იპონით მოუგო.
66-ში ორი ქართველი ძიუდოისტი ბაგრატ ნინიაშვილი და ვაჟა
მარგველაშვილი ბრინჯაოს მედლებისთვის იბრძოლებენ. სამწუხაროდ ორივე მათგანი ნახევარფინალში დამარცხდა. ნინიაშვილი უკრაინის სახელით მოასპარეზე გიორგი ზანთარიასთან დამარცხდა, ხოლო მარგველაშვილი იტალიელ მატეო მედვესთან.
მარგველაშვილი ბრინჯაოსთვის შეხვედრაში მაკედნოიელ დენის ვიერუს შეხვდება, ხოლო ნინიაშვილი ჩეხ პაველ პეტრიკოვს.
ფინალური ბლოკი 18:00 საათიდან დაიწყება, რომლის ხილვა საზოგადოებრივი მაუწყებლის ეთერში შეგიძლიათ.
ეთერ ლიპარტელიანმა (57) პირველ შეხვედრაში აზერბაიჯანელ იჩინხორლო მუნხიცედევთან ვაზარით მოიგო, მეორე შეხვედრაში კი რუს დარია მეჟეცკაიასთან დამარცხდა და მედლისთვის ბრძოლას გამოეთიშა.
შეგახსენებთ, რომ საქართველოს დელეგაციას ევროპულ თამაშებზე ჯერ მედალი არ მოუპოვებია, როგორც ჩანს პირველი ამას ძიუდოისტები გააკეთებენ.
