ბექა ღვინიაშვილმა ოსაკას გრანდ სლემზე ოქროს მედალი მოიპოვა [VIDEO]

AutoSharing Option
AUTO PLAY
ქართველმა ძიუდოისტმა, 24 წლის ბექა ღვინიაშვილმა იაპონიაში გამართულ ოსაკას გრანდ სლემზე 90 კგ წონით კატეგორიაში ოქროს მედალი მოიპოვა.

ბექამ, რომელიც 2015 წლის შემდეგ ოსაკას ტურნირზე პირველი ოქროს მედლის მფლობელი ქართველი გახდა, ფინალურ შეხვედრაში ჯარჯი ზვიადაურის მიერ გაწვრთნილი უზბეკი დავლატ ბობონოვი დამატებით დროში დაამარცხა.

ფინალურ ორთაბრძოლამდე ბექამ ჩინელ ჰებილინგე ბუს, იაპონელ მაშუ ბეიკერს, აზერბაიჯანელ მამადალი მეჰდიევსა და იაპონელ კენტა გაგასავას მოუგო.

სამწუხაროდ, ლაშა შავდათუაშვილი, ავთანდილ ჭრიკიშვილი და ვარლამ ლიპარტელიანი ოსაკას შეჯიბრს საწყის შეხვედრებში გამოეთიშნენ და მედლის გარეშე დარჩნენ.


მკითხველის კომენტარები / 27 /
მართალია გამარჯვებულს არ ასამართლებენ, მაგრამ არც გაჩუმება ვარგა, მსოფლიო დონის მოჭიდავისთვის ერთ შეხვედრაზე ორი ასეთი კისრულის გაშვება, მეტის-მეტი ხომ არაა? ბექას მინუსი, მოკლე ხელები კი არა გამძლეობა და ტექნიკური სიღარიბეა, ვისაც არ გინახავთ შეგასენებთ სუმიო ენდოს, რომელსაც ბევრად მოკლე ხელები ჰქონდა, ვიდრე ბექას აქვს, მაგრამ ბეჭდაუდებელი ფალავანი იყო წლების მანძილზე. ბექას მომავალი პირადად უფერულად მეჩვენება, რადგან ამ წონაში ისეთი ბიჭები მოვიდნენ ოლიმპიურ დიდებას, რომ დაგვიბრუნებენ. ამას კი მალე საქართველოს პირველობაზე ნახავთ, სადაც ბექას სამეულში შესვლაც კი გაუჭირდება.
გაბრიელა
13:09 27-11-2019
7
როკი მარჩიანოსაც მოკლე ხელები ჰქონდა, თანაც საკმაოდ მოკლე....ამ ბიჭმა ფორმა დაკარგა და იმედია დაიბრუნებს. არანორმალური რეჟიმი ჰქონდა, განსაკუთრებით წინა ოლიმპიადის ლიცენზიისთვის, ორი ლიცენზიის აღებას ეხუმრებით და ამის გამო მიღებულ დატვირთვას?! მას მერე, ვეღარაფერი გააკეთა.....
kosta
14:49 25-11-2019
1

ასევე დაგაინტერესებთ
სიახლეები პოპულარული