ხორვატიის ქალაქ პორეცში მიმდინარე 23-წლამდელთა ევროპის ჩემპიონატზე ძიუდოში ბრწყინვალედ გამოდიან ქართველები.
მეორე საშეჯიბრო დღეს -81 კგ, -90 კგ, -100 კგ და 100+ კგ კატეგორიაში 5 ქართველი ძიუდოისტი გამოვიდა და 5-ივემ ყველა ბრძოლა მოიგო.
-81 კგ წონით კატეგორიაში ტატო გრიგალაშვილი და ვლადიმერ ახალკაცი გამოდიან. ორივე მათგანი 1/4-ფინალშია გასული.
გრიგალაშვილმა პირველი წრე გამოტოვა, მეორე წრეში ფრანგ უგო მეტიფოს აჯობა, მესამე რაუნდში კი - აზერბაიჯანელ ზელიმ ტჩკაევს. 1/4-ფინალში მისი მეტოქე იტალიელი ტიციანო ფალკონე იქნება.
პირველი ტური ვლადიმირ ახალკაცმაც გამოტოვა. მეორე წრეში მოლდოველ კარტალინ
მარიანს მოუგო, შემდეგ კი - ხორვატ ოლივერ მაკაროვიჩს. 1/4-ფინალში უკრაინის წარმომადგენელ გევორგ მანუკიანს შეხვდება.
90 კგ წონით კატეგორიაში მოასპარეზე ლუკა მაისურაძემ პირველ წრეში შვედი აქსელ ოსკარსონი დაამარცხა, მეორე ტურში კი სერბ დარკო ბრასნიოვიჩს შეეჭიდა და ისიც ბეჭებზე დასცა. 1/4-ფინალში კი ბოსნიელ ტონი მილეტიჩს შეხვდება.
-100 კგ წონით კატეგორიაში ნახევარფინალში გავიდა ონისე სანებლიძე. ონისემ ჯერ ნიდერლანდელი რაიმონ დე ვოსი დაამარცხა, შემდეგ კი პოლონელი მატეუშ ბოლიმოვსკი გაუყენა ჰოლანდიელის გზას. ნახევარფინალში სანებლიძის მეტოქე უნგრელი სომბორ ვეგი იქნება.
+100 წონით კატეგორიაში მოჭიდავე გელა ზაალიშვილიც ნახევარფინალში გავიდა. გელამ პირველი წრე გამოტოვა, ხოლო მეორეში კი თურქ ფურკან გუნერს აჯობა. ზაალიშვილი ფინალში გასასვლელად სლოვაკ მარიუშ ფიცელს შეხვდება.
![იპონი 43-ე წამზე - სულამანიძემ ბაქოს გრან სლემი მეორედ მოიგო [VIDEO]](/pictures/image7/08cc28cd274f2e85ffa1bcd94959c1aa.jpg "იპონი 43-ე წამზე - სულამანიძემ ბაქოს გრან სლემი მეორედ მოიგო [VIDEO]")
![ტატო გრიგალაშვილი პარიზის გრანდ-სლემზე ვერცხლის მედალს დასჯერდა [VIDEO]](/pictures/image7/8b72361b632d03e0e42390429d534c5d.jpg "ტატო გრიგალაშვილი პარიზის გრანდ-სლემზე ვერცხლის მედალს დასჯერდა [VIDEO]")
