თბილისის გრანდ სლემის მესამე დღეს - 90 კილოგრამ წონით კატეგორიაში ბექა ღვინიაშვილი უნგრელ კრისტიან ტოტს დაუპირისპირდა და უშანსოდ, სამი გაფრთხილებით დაამარცხა.
შეხვედრა ბექას უპირატესობით წარიმართა, მეორე წუთზე ქართველი ფალავანი უკვე გაფრთხილებითა და შედეგიანი გდებით იგებდა, საბოლოოდ კი ჩვენებურის აშკარა უპირატესობით დასრულდა.
ფინალის გზაზე ღვინიაშვილმა ადლეთ მისინის, არტიუმ ბუბირისა და გიორგი პაპუნაშვილის ბარიერი გადალახა.
ამასთან ერთად გეტყვით იმასაც, რომ ამავე წონით კატეგორიაში გიორგი პაპუნაშვილმა ბრინჯაოს მედლისთვის ჭიდაობა დათმო და მე-5 ადგილი დაიკავა.
- 100 კილოგრამ წონით კატეგორიაში ილია სულამანიძე
დანიელ ჰერბსტთან დამარცხდა, ფინალში ონისე სანებლიძემ გიორგი ბერიაშვილი ბრწყინვალე გდებით დაამარცხა და პირველი ადგილი დაიკავა.
სოფია სომხიშვილმა +78 კილოგრამ წონით კატეგორიაში მესამე ადგილი დაიკავა.
+100 კილოგრამ წონით კატეგორიაში ერთმანეთს ლევან მათიაშვილი და ონისე ბუღაძე დაუპირისპირდნენ, ბოლო წამზე გამარჯვებამ მათიაშვილმა მას შემდეგ მოიპოვა, რაც ბუღაძემ მესამე გაფრთხილება მიიღო.
ამავე წონის ფინალში კი გელა ზაალიშვილი ალიშერ იუსუპოვს დაუპირისპირდა და სუფთა გდებით დაამარცხა. ფინალამდე ჩვენმა ფალავანმა მაგომედომარ მაგომედომაროვის, ლევან მათიაშვილისა და შოხრუ ბახტიოროვის ბარიერი გაიარა, ფინალში კი 2 ვაზარით იმარჯვა და ოქროს სინჯის მედალიც მოიპოვა.
შესანიშნავი მესამე დღე თბილისში - 4 ოქროსთვის, 5 ბრინჯაოსთვის 
![გამარჯვება იპონით - ღვინიაშვილი თელ-ავივის გრანდ სლემზე ოქროს მედლის მფლობელი გახდა [VIDEO]](/pictures/image7/674185ca0ba9da9c1d100a13bb6c137f.jpg "გამარჯვება იპონით - ღვინიაშვილი თელ-ავივის გრანდ სლემზე ოქროს მედლის მფლობელი გახდა [VIDEO]")
![იერუსალიმის მასტერსზე სულამანიძემ ოქროს, მაისურაძემ კი ბრინჯაოს მედალი მოიპოვა [VIDEO]](/pictures/image7/8d60576838d014a8b419dacbead1bc55.jpg "იერუსალიმის მასტერსზე სულამანიძემ ოქროს, მაისურაძემ კი ბრინჯაოს მედალი მოიპოვა [VIDEO]")
