ჩხვიმიანი ფინალშია, ნოზაძე ბრინჯაოს შეუტევს [VIDEO]

AutoSharing Option
დღეს, 8 ივლისს, უნგრეთის გრანდ-სლემი დაიწყო.

პირველ დღეს მედლისთვის 3 ქართველი 2 წონით კატეგორიაში წარდგა: 

- 60 კგ - თემურ ნოზაძე, ლუხუმ ჩხვიმიანი

- 66 კგ - ვაჟა მარგველაშვილი

- 60 კგ წონით კატეგორიაში ორივე ქართველმა კარგად იასპარეზა. სამივე ქართველი მესამე წრიდან ჩაერთო. 

ლუხუმ ჩხვიმიანმა ფინალის გზაზე ებრაელი ლიოვ რაფაელოვი, მოლდოველი ალექსანდრუ ტირსინა, იტალიელი ანჯელო პანტანო და ყაზახი ბაურჟან ნარბაიევი დაამარცხა.

იმავე წონაში თემურ ნოზაძე ბრინჯაოს მედლისთვის იჭიდავებს. მესამე ადგილისთვის ჭიდაობამდე ქართველმა ძიუდოისტმა ბრიტანელი დილან მონრო და ჩეხი
დავიდ პულკრაბეკის ბარიერი გადალახა, მეოთხედფინალში ყაზახ ბაურჟან ნარბაიევთან დამარცხდა, რის გამოც რეპეშაჟში გადაერთო, სადაც იტალიელი ანჟელო პანტანოს ბარიერი გადალახა და მესამე ადგილისთვის მონღოლელ სუმიაბაზარ ენხტაივანს დაუპირისპირდება.


- 66 კგ წონით კატეგორიაში ვაჟა მარგველაშვილი უმედლოდ დარჩა. ოლიმპიური თამაშების მოქმედმა ვიცე-ჩემპიონმა პოლონელი პატრიკ ვავრზიჩეკისა და ფრანგი ორლანდო კაზორლას ბარიერის გადალახვის შემდეგ, მეოთხედფინალში ჯერ უზბეკ რახიმჯობ სუბომოვთან წააგო, რეპეშაჟში კი ებრაელ ტალ ფლიკერთან დამარცხდა.





მკითხველის კომენტარები / 3 /
მარგველაშვილს წარუმატებელი სერია აქვს. იმედია, აღიდგენს ფორმას!!!
tngh
19:28 08-07-2022
0
მეოთხედფინალში პანტანოსთან,ჩხვიმიანი მთელი ძირითადი დრო შეტევაზე იყო და იტალიელი,შეტევაზე არც ფიქრობდა,მაგრამ მსაჯმა მხოლოდ ბოლო ნახევარ წუთში გაიმეტა მისთვის ორი გაფრთხილება.დამატებით დროში,იგოვე გაგრძელდა,ლუხუმი მუდმივად უტევდა,იტალ;იელი ყრუ დაცვაში იყო და როგორც კი იტალიელმა რაღაც აქტიურობის მაგვარი გამოავლინა,ლუხუმს წამიერად შიდო მისცა.ათ წამში კომონოს მაკაზე არასწორი ჩავლებისათვის კიდევ ერთი გაფრთხილება და ლუხუმი წაგების საფრთხის წინაშე აღმოჩნდა.მასაც დაღლა დაეტყო,მაგრამ მეტოქე კიდევ უფრო ძალიან იყო არაქათ გამოცლოლი და მხოლოდ მეხუთე წუთზე გააფრთხილეს იტალიელი მესამედ.ვერ დავიტრაბახებ ძიუდოს საფუძვლიანი ცოდნით,მაგრამ საყურებლადაც კი აშკარა იყო იტალიელის პასიურობა და მსაჯების ლოიალობა.რა ვიცი,თვითონ ჩხვიმიანისთვი,ყოველთვის ძალიან ადვილად იმეტებენ შიდოებს.ჭიდაობის ყველასაგან განსხვავებული სტილი აქვს და ამის ბრალია თუ სხვა რამეა,არ ვიცი,მაგრამ მეტწილად ასე კი ხდება.
სოსო
17:47 08-07-2022
1

სიახლეები პოპულარული