საქართველოს ოლიმპიური კომიტეტის მიხედვით, ტატო გრიგალაშვილი 2022 წლის საუკეთესო სპორტსმენი გახდა. ქართველმა ძიუდოისტმა სასიხარულო ფაქტზე კომენტარი გააკეთა:
"მოგესალმებით. ვარ ძალიან გახარებული, რადგან დავსახელდი ნომინაციაში 2022 წლის საუკეთესო სპორტსმენი. ეს ტიტული ჩემთვის ძალიან მნიშვნელოვანია და ეს მაძლევს საშუალებას, უფრო მოტივირებული ვიყო, უფრო მეტი შევძლო საქართველოსთვის და ქართველი ხალხისთვის.
ვისარგებლებ შემთხვევით და მადლობა მინდა გადავუხადო საქართველოს ოლიმპიურ კომიტეტს, საქართველოს ძიუდოს ფედერაციას, ჩემს პირად მწვრთნელს, ნაკრების მწვრთნელებს, ექიმებსა და მათ, ვინც უშუალოდ ამ ჩართულობაში იღებდა მონაწილეობას. მადლობა კიდევ ერთხელ".
შეგახსენებთ, ტატო ახლა ისრაელში იმყოფება, წლის შემაჯამებელი ტურნირის ფინალშია, სადაც აზერბაიჯანელ საიდ მოლაის შეხვდება. ფინალური ბლოკი თბილისის დროით 19:00 საათზე დაიწყება.
![alt](/pictures/image50/b358f00ba42451679ea5c1f89ff139bc.jpg ""ეს ტიტული ჩემთვის ძალიან მნიშვნელოვანია" - ტატო გრიგალაშვილი [VIDEO]")
გრიგალაშვილი შემაჯამებელი ტურნირის ფინალშია!![alt](/pictures/image50/5fda262e40fde6440e7b9e4db69350e7.png ""ეს ტიტული ჩემთვის ძალიან მნიშვნელოვანია" - ტატო გრიგალაშვილი [VIDEO]")
ოლიმპიურმა კომიტეტმა საუკეთესო სპორტსმენები დაასახელა
