- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჩოგბურთი
ქართველებზე მორგებული - ვლადიმერ ნუცუბიძე ძიუდოს ახალ წესებზე
<p>"რუსეთის დელეგაციის წევრი გამეხუმრა, ქართველებმა როგორ მოახერხეთ და ჩააწყვეთ, რომ რაც თქვენ გინდოდათ, ის წესები შემოსულიყოო" <br> ძიუდოში ახალი წესები საბოლოოდ დამტკიცდა მას შემდეგ, რაც რამდენიმე დღის წინ ბაქოში გამართულ მსაჯთა და მწვრთნელთა სემინარზე განიხილეს ცვლილებათა მთელი პაკეტი და მოიწონეს კიდეც.</p><p>იმ სემინარს საქართველოდან ეროვნული ნაკრების მთავარი მწვრთნელი, მსოფლიოსა და ოლიმპიური ჩემპიონი <strong>ირაკლი ცირეკიძე</strong>, ჭაბუკთა ნაკრების მთავარი დამრიგებელი <strong>გიორგი ყიზილაშვილი</strong>, უმაღლესი კატეგორიის არბიტრი და რიოს ოლიმპიადაზე ნამსაჯები <strong>ვლადიმერ ნუცუბიძე</strong> და ასევე საერთაშორისო კატეგორიის მსაჯი, მსოფლიოს ჩემპიონი და ოლიმპიური პრიზიორი <strong>ამირან ტოტიკაშვილი</strong> ესწრებოდნენ.</p><p>გუშინ ისინი ძიუდოს აკადემიაში ეროვნული ნაკრების ვარჯიშსაც დაესწრნენ და სპორტსმენებს ეს ცვლილებები გააცნეს.</p><p>ცვლილებები კი მართლაც ბევრია. თანაც უმეტესობა - ჩვენთვის სასარგებლო. ყოველ შემთხვევაში, ის მისაღებია ტექნიკური ქართული სტილისთვის, აღარ ზღუდავს ქართულ ილეთებსა თუ მეთოდებს და თვალსასეირო ჭიდაობის საშუალებას გაძლევს.</p><p><strong>ამიერიდან ვაჟებში შემცირდა საჭიდაო დრო და ის ქალებისას გაუთანაბრდა, 4-წუთიანი გახდა; კოკას შემდეგ წარსულში იუკოც გავაცილეთ და მხოლოდ ორი შეფასება დარჩა - ვაზარი და იპონი; აღარ იქნება გაფრთხილება და დაშვებულია ყველანაირი ჩავლება; ფეხზე ხელის მოკიდებისთვის ძიუდოისტი ეგრევე არ იხსნება შეჯიბრებიდან და სხვა...</strong></p><p>ერთადერთი, რაც კვლავაც მკაცრად იგმობა, პასიური ჭიდაობა და ინერტულობაა ტატამზე. ახალ წესებს პირველად სულ მალე, ორიოდ დღეში - 14-15 იანვარს ტუნისში "აფრიკის ღია კონტინენტურ თასზე" გამოცდიან, რომელიც ვაჟებშიც ტარდება და - ქალებშიც.</p><p><a href="/sport/tcidaoba/dziudo/100084-irakli-cirekidze-akhali-tsesebi-chvens-dziudoistebs-sasikethod-tsaadgebath.html" target="_blank"><span style="color: #0000ff;">- ირაკლი ცირეკიძე: ახალი წესები ჩვენს ძიუდოისტებს სასიკეთოდ წაადგებათ</span></a></p><p><a href="/sport/tcidaoba/dziudo/100039-komentari-akhali-tsesebi-pirdapiri-dartymaa-qarthveli-dziudoistebisthvis.html" target="_blank"><span style="color: #0000ff;">- კომენტარი: ახალი წესები პირდაპირი დარტყმაა ქართველი ძიუდოისტებისთვის!</span></a></p><p><a href="/sport/tcidaoba/dziudo/99333-dziudoshi-akhali-tsesebi-daamtkices-romlebic-pirvel-rigshi-qarthvelebs-gaakharebs.html" target="_blank"><span style="color: #0000ff;">- ძიუდოში ახალი წესები დაამტკიცეს, რომლებიც პირველ რიგში, ქართველებს გაახარებს</span></a></p><p>ბუნებრივია, მომხრეთა და მოწინააღმდეგეთა ბანაკი ახალ წესებსაც ჰყავს, თუმცა ახლა რამდენიც უნდა ვიკამათოთ, ყველაფერს მაინც დრო გამოაჩენს, მანამ კი თამამად შეგვიძლია ვთქვათ, რომ "კოჭი ალჩუზე დაგვიჯდა" - რაკიღა ქამარში თუ სხვა ტიპის ჩავლებების ნება დაგვრთეს, ეს უკვე ჩვენი ჭიდაობაა. ახლა მთავარია, სპორტსმენები და მწვრთნელები დროულად გაერკვნენ ამ შეღავათებში.</p><p>ახალი წესების შესახებ განმარტებები ვლადიმერ ნუცუბიძეს ვთხოვეთ, რამდენად მისაღებად მიაჩნია ეს რეფორმები ზოგადად ძიუდოს და კონკრეტულად ქართველი ათლეტებისთვის. თუმცა დასაწყისში იმაზე დავეკითხეთ, თუ რამ გამოიწვია წესების რევიზირების საჭიროება, რაზეც შემდეგი გვიპასუხა:</p><p>"ამ ცვლილებებით უქმდება ყველა ის წესი, რომელიც საკამათო იყო, ორმაგი სტანდარტი უდგებოდა, მსაჯის სუბიექტურ მიდგომაზე იყო დამოკიდებული და ხარვეზივით ჩანდა ძიუდოში. ამიერიდან ეს ყველაფერი გარკვეულია.</p><p>მაგალითად - ჩავლებები, მაჯასთან ოდნავ ახლოს მოკიდა თუ არა, თითები ჰქონდა შეყოფილი, ან არასწორი ჩავლება ჰქონდა და ასე შემდეგ. მსაჯი ხშირად ჰაერში აჩერებდა გდებას და არავის არ ესმოდა, რატომ გააჩერა შეხვედრა. მაყურებელი ხედავს, რომ ვიღაცამ მოჰკიდა ხელი და დააგდო, მაგრამ თურმე სადღაც არასწორად მოუკიდია ის ხელი და ამიტომ არ ითვლება!</p><p>აი, ასეთი მომენტები არ იქნება, როგორც, მაგალითად, იმაზე მსჯელობა, იდაყვები დადო თუ არა; ორივე იდაყვი თუ დადო, მაშინ როგორ გადაირჩინა თავი; იუკო იყო თუ ვაზარი ანუ ბევრი სადავო მომენტი ამოწურულია.</p><p>ამასთან, ადრე ერთ შიდოს მიაღებინებდა მეტოქეს და მერე ის ფალავანი ინარჩუნებდა იმ უპირატესობას მთელი ხუთი წუთის მანძილზე და ამით იგებდა. ახლა შეხვედრა დამატებით დროში გადავა და ის შიდო ხუთი წუთი კი არა, უსასრულობამდე უნდა შეინარჩუნოს და როდემდე ეყოფა გამძლეობა? ამიტომ ეს წესიც მისასალმებელია, გაფრთხილება ქულას რომ არ ნიშნავს, გდება უნდა გააკეთო. ყველაფერი იქითკენაა მიმართული, რომ ილეთი გაკეთდეს, ჭიდაობა სანახაობრივი გახდეს".</p><p>ბუნებრივია, ჩნდება კითხვა, ჩვენთვის რამდენადაა მისაღები ეს ცვლილებები, თუმცა ნუცუბიძე ამაზეც იმედიან პასუხს იძლევა:</p><p>"ეს წესები ჩვენთვისაც კარგია, რადგან სპეციფიკური ჩავლებები გვაქვს - ქამრიდან, გვერდიდან, წინა ქამრიდან, მოგვერდებს ვაკეთებთ, ახლოდან ვეჭიდავებით და ვეკვრებით.</p><p>ეს ყველაფერი აქამდე იდევნებოდა, რადგან ძიუდო კლასიკურ იაპონურ საწყისს უნდა დაბრუნებოდა, ახლა კი მიდგომა შეიცვალა და ეს ყველაფერი ისევ დაუშვეს - კი ბატონო, იყოს კლასიკური ძიუდოც და იყოს ესეც. მთავარია, იყო შეტევაში და ილეთი გაკეთდეს. შეტევაში თუ ხარ, მაშინ ყველაფერი დასაშვებია.</p><p>ხშირად ისე ხდებოდა ამ ახლო ჭიდაობიდან გამომდინარე, რომ გადავლების ან გვერდიდან ქამრის აღების მომენტში ზუსტად ვერ არტყამდა ხელს და ქამარს ქვევითაც მოუხვდებოდა, რისთვისაც შეჯიბრებიდან ხსნიდნენ. ამით ყველანაირად მომზადებული ძიუდოისტი, რომელიც ჩემპიონიც შეიძლება, გამხდარიყო, სულაც უმედლოდ ამთავრებდა ტურნირს, ახლა მხოლოდ გააფრთხილებენ და ისევ ექნება წარმატების მოპოვების შანსი".</p><p>ერთ-ერთი მთავარი საკითხი, რაც ქომაგთა უკმაყოფილების მიზეზია, იუკოს გაუქმება და მხოლოდ ორი შეფასების დატოვებაა. ნუცუბიძეს ამაზეც დავეკითხეთ, თუმცა ამ ცვლილებასაც მიესალმება.</p><p>"ჩემთვის ეს ზუსტად იგივე თემაა, როგორიც თავის დროზე კოკას გაუქმება იყო -ეს როგორ შეიძლება, დაიკარგა ძიუდოო და ასეთები. ამ დროს არაფერი არ დაკარგულა.</p><p>მსგავსი ცვლილებები რიგით მაყურებელზეა გათვლილი, თორემ სპეციალისტისთვის დიდს არაფერს წარმოადგენს, ტაბლოზე იუკო ეწერება თუ ვაზარი. მისთვის მთავარია, გდება შეაფასოს, მაგრამ ჩვეულებრივი მაყურებელი, რომელიც შემთხვევით მოხვდა ტელევიზორთან ძიუდოს ტურნირისას ან დარბაზში ახლობელს გაჰყვა, ხედავს მხოლოდ იმას, რომ ერთმა მეორე დააგდო. ის ვერაფრით ვერ ახსნის, რა პოზიციაზე დაეცა - ოდნავ ზურგისკენ, ოდნავ მუცლისკენ, გადაგორდა, გადმოგორდა თუ რა ქნა.</p><p>მაგრამ თანაბარ შეფასებას თუ მისცემ, მისთვის ეს მისაღებია, ხოლო რაც საზოგადოებისთვის მისაღებია, შემდგომი განვითარებაც იმ მიმართულებით უნდა წარიმართოს, რომ ყველასთვის მარტივი და ადვილად აღქმადი იყოს. ამიტომ იუკოს და ვაზარის გათანაბრება წინგადადგმული ნაბიჯი მგონია.</p><p>ჩემთვის ჭიდაობის სახეობებიდან ყველაზე დახვეწილი სუმოა, სადაც ყველაფერი გათვლილია - ტიტულები, ილეთები, წესები და სხვა. სუმო ყველაზე ადვილი საყურებელია იმ მაყურებლისთვის, ვინც არანაირი წესი არ იცის - ერთმა მეორე უნდა გაიყვანოს წრიდან ან დააგდოს ძირს. იქ მეტი წესი არ არსებობს. შესაბამისად, ძიუდოც ასე გამარტივებისკენ მიდის, რომ უცხო თვალმა, რაც შეიძლება, ადვილად აღიქვას".</p><p>დასასრულს, ნუცუბიძემ სემინარზე მომხდარი ერთი საგულისხმო ფაქტიც გაიხსენა:</p><p>"რუსეთის დელეგაციის ერთ-ერთი წევრი გამეხუმრა, ქართველებმა როგორ მოახერხეთ და ჩააწყვეთ, რომ რაც თქვენ გინდოდათ, ის წესები შემოსულიყოო.</p><p>ისინი იმაზე ნერვიულობენ, რომ ნაკრებში რუსი ძიუდოისტი ვეღარ მოხვდება. აქამდე კავკასიელებთან ერთად ნაწილი მაინც თუ ჰყავდათ რუსი, ამ ახალი წესებით ისინიც ვერ მოხვდებიან გუნდში, რადგან ეს ცვლილებები კავკასიელებისთვის ბევრად უფრო პრივილეგირებულია".</p><p>ახალ წესებთან დაკავშირებით გაურკვეველი მხოლოდ გუნდურის საკითხი რჩება, თუმცა ის საერთაშორისო ოლიმპიური კომიტეტის გადასაწყვეტია და არა ძიუდოს საერთაშორისო ფედერაციისა.</p><p>შეგახსენებთ, რომ ლაპარაკია ოლიმპიადაზე გუნდური ტურნირის დაშვებაზე, ოღონდ ეს იქნება შერეული გუნდი, სადაც სამი წონა ვაჟებისა იქნება და ამდენივე - ქალებისა. ამ წინადადებით ძიუდოს საერთაშორისო ფედერაციამ უკვე მიმართა სოკ-ს და ახლა ჯერი იმათზეა, მიიღებენ თუ არა ამ ნოვაციას, მაგრამ ძიუდოში ევროპისა და მსოფლიოს ჩემპიონატებზე გუნდური ტურნირი ისევ ძველი პრინციპით ჩატარდება ანუ ვაჟებიც და ქალებიც ცალ-ცალკე გუნდებად გამოვლენ.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
10-თვიანი პაუზის შემდეგ - ბექაური ტატამზე ბრუნდება
საბა ინანეიშვილმა ასტანის გრანდ სლემზე ბრინჯაოს მედალი მოიპოვა
[VIDEO] უჰ რა იპონი! - ზაურ დვალაშვილმა ასტანის გრანდ სლემზე ბრინჯაოს მედალი მოიპოვა
20 წ. | მსოფლიომდე ინგლისთან
თოფურია vs ოლივეირა: დიდ დაპირისპირებამდე – წინასწარი ანალიზი და მოლოდინები
"მათ კომპლექსები არ გააჩნიათ" - ლაპორტა "ბარსელონას" ფეხბურთელებზე
ხვიჩას დაჯილდოება, მიქაუტაძისა და დავითაშვილის გადამწყვეტი მატჩი და სხვა ამბები
[VIDEO] ბრწყინვალე იამალის გოლი და საგოლე პასი - "ბარსელონა" ვადამდე გახდა ჩემპიონი
[VIDEO] უმძიმესი კადრები "ელ პრატიდან" - "ესპანიოლი" "ბარსელონას" მატჩი რამდენიმე წუთით შეჩერდა
ლეგენდა მიდის - "ლიონის" მთავარი თავდამსხმელი მიქაუტაძე გახდება
ევროპის ჩემპიონატზე საქართველოს ნაკრების მეტოქეები ცნობილია
Ballon d'Or 2025: კვარაცხელია რეიტინგში კიდევ უფრო დაწინაურდა
მოურინიოს პორტუგალიის ნაკრების მწვრთნელად არ დანიშნავენ
მარადიშვილი საქართველოს ნაკრების ფეხბურთელი უნდა გამხდარიყო, ახლა კი შეიძლება კარიერის დასრულება მოუწიოს
"ესპანელი ბიჭუნა ხარ" - მახაჩევმა თოფურიას მიმართა
პსჟ გოლების მანქანის შეძენას გეგმავს
"რეალისთვის" ყველაფერი გავაკეთე" - კარლო ანჩელოტი
სუპერლიგის ფინალურ სერიაში "ქუთაისი" და თსუ შეერკინებიან
ფეხბურთელი, რომელმაც კვარასთან ერთად სკუდეტო მოიგო, სერია C-ში ითამაშებს
"დე ბრუინს "ნაპოლის" შესახებ ეს უთხრეს" - ცნობილმა იტალიელმა ჟურნალისტმა ბელგიელზე ისაუბრა
"ქართული ფეხბურთის ხარისხი იზრდება და ეს შთაგონება სხვა პატარა ქვეყნებისთვისაცაა" - სავიოლა ლეგენდების მატჩის წინ
"იცით, "ალავესის" ფეხბურთელმა რა მითხრა?" - მამარდაშვილი
უარი "ლივერპულს" და "ჩელსის" - ალონსოს ინიციატივით "რეალმა" პირველი ტრანსფერი შეათანხმა
5 ივნისს ძიუდოს ფედერაციაში აღმასკომის სხდომა გაიმართება
ჭაბუკ ძიუდოისტთა ნაკრები დიორში გადახალისებული გუნდით გამოვა
[ირაკლი თავაძე ბუდაპეშტიდან] ბოლო დღეების იმედად
მწვრთნელები საქართველოს ახალგაზრდულ და ჭაბუკ ძიუდოისტთა ნაკრებებსაც შეუცვალეს
"საჭიდაო არენა ხომ დაინგრა, ალბათ, მთელი დარბაზი მზად იყო, ნაკუწებად ვექციე"
ძიუდოს ახალი წესების ჩამონათვალი, რომლებიც მალე ამოქმედდება
ძიუდო. მსოფლიოს ჩემპიონატი ჭაბუკებში: მარათონი ჩილეში სრულდება
საქართველოს ჩემპიონატი ჭაბუკებში: საიმედო ცვლა მოდის
საქართველოს ძიუდოისტთა ნაკრები: მსოფლიოსთვის აწეული თამასა
მიქს-ძიუდო ოლიმპიადაზე - როგორი იქნება ახალი წესი საქართველოს ნაკრებისთვის
ძიუდოს მსაჯი ვლადიმერ ნუცუბიძე რიოს ოლიმპიადას დაუახლოვდა
ზურაბ ზვიადაური: დავით ქევხიშვილი უნდა გადადგეს
ავთანდილ ჭრიკიშვილის 81-იდან 90 კგ-მდე წონით კატეგორიაში ანაცვლება ჯერ არ იგეგმება
ირაკლი ცირეკიძის ინტერვიუ და ევროპის ჩემპიონატის შეფასება, სანამ ნაკრებიდან გაათავისუფლებდნენ
ოლიმპიური ჩემპიონი ირაკლი ცირეკიძე იაპონიაში დააკავეს?
ქართველი მსაჯი ვლადიმერ ნუცუბიძე რეიტინგში კიდევ უფრო დაწინაურდა
ბექა ღვინიაშვილი: ჩემი აზრით, ამისგან ტრაგედიის შექმნა არ შეიძლება
ძიუდოში შესაძლოა დრო შემცირდეს - ინტერვიუ ვლადიმერ ნუცუბიძესთან
ქართველი ძიუდოისტების ბედისწერა ოლიმპიადაზე და ოქროს "დაწესებული" რაოდენობა - ბექაური, რომელსაც სწამს!..
დავით ქევხიშვილმა ძიუდოს ნაკრების მწვრთნელობის ერთ-ერთი კანდიდატი დაასახელა