დილა-სამტრედია 1:2 - ამას შინაური თუ გაგიკეთებს... [VIDEO]

საქართველოს XXIX ჩემპიონატი. ეროვნული ლიგა. IX ტური შედეგის მიხედვით თუ ვიმსჯელებთ, განსაკუთრებული არაფერი მომხდარა - "დილამ", რომელიც ამ სეზონში შინ წარუმატებლად თამაშობს, ისევ წააგო, ხოლო "სამტრედიამ", რომელსაც სტუმრად გაცილებით მეტი ქულა აქვს დაგროვილი, კვლავ იმარჯვა. ნიშანდობლივია, რომ სამტრედიელებმა შარშან გორში გამართული ორივე კალენდარული მატჩი 2:1 მოიგეს...გორელი გულშემატკივარი შეწუხებულია იმის გამო, რომ მათი გუნდი არასახარბიელოდ თამაშობს და სატურნირო ცხრილში სულ უფრო ქვემოთკენ მიიწევს. სწორედ ამიტომ ნებისმიერი დამატებითი ფაქტორი, რაც "დილას" დამარცხებას იწვევს, ადგილობრივი ქომაგისთვის ორმაგად გამაღიზიანებელია. ახლა ბევრი მათგანი იკამათებს ეპიზოდებზე, როცა ნუბიო ფლავიოს წაქცევის ან მატჩის მიწურულს სტუმართა მცველის მიერ საჯარიმოში ხელით თამაშის გამო პენალტის დანიშვნა შეიძლებოდა და ასეთ შემთხვევაში, იქნებ გორელები არ დამარცხებულიყვნენ.მაგრამ ამის გამო უკანა პლანზე გადაიწევს მთავარი პრობლემა - გუნდი ვერ თამაშობს ისე, რომ მოგება შეძლოს, მეტიც - გოლის გატანაც უჭირს. ერთი კინკილა მოგების გარდა, "დილას" 9-დან 5 მატჩი ფრედ აქვს ნათამაშები, საიდანაც ორი - ნულოვანი იყო, დანარჩენ შემთხვევაში კი მხოლოდ ანგარიშში ჩამორჩენის შემდეგ გადაარჩინეს ქულა."სამტრედიასთანაც" ვერ გაისარჯნენ მასპინძლები სახარბიელოდ, თუმცა პირველ ტაიმში არც სტუმრები იყვნენ რაიმეთი გამორჩეულები. სახიფათო მომენტები, რომლებიც შესვენებამდე ორივე კართან შეიქმნა, მცირე რაოდენობითაც იყო და თან ისეთი, მეკარეებს, ფაქტობრივად, არც უწევდათ თამაშში ჩართვა, რადგან კარისკენ ყველა დარტყმას გვარიანად აკლდა სიზუსტე.მეორე ტაიმი უფრო უხვად იყო დახუნძლული ისეთი მომენტებით, რაც გოლების და, შესაბამისად, სანახაობისთვის თვალის დევნების შანსს მოგვცემდა. "დილა" ჯერ შესვენების შემდეგ შემოსულმა წიქარიძემ გაააქტიურა, შემდეგ - ტარავალიემ, მაგრამ, ვიდრე მასპინძლების მოქმედება შედეგს მოიტანდა, "სამტრედიაში" მოთამაშე გორელმა ფეხბურთელმა დავით რაჟამაშვილმა მშობლიური ქალაქის გუნდის კარი აიღო.ეს გოლი, ისევე, როგორც სტუმართა მეორე წარმატება, სწრაფ კონტრიერიშს მოჰყვა. ეს ფაქტიც მეტყველებს იმაზე, რომ გია ცეცაძის შეგირდები ამ კომპონენტში შესანიშნავად მოქმედებდნენ.გოლების როგორმე გამოდნობა მასპინძელთა იერიშებიდანაც უნდა მოხერხებულიყო, მაგრამ ლეანდრო რიბეიროს, რომელიც თავის გუნდში კვლავ ერთ-ერთი საუკეთესო გახლდათ, სათანადოდ ვერავინ დაუფასა ბოლო პასი. რიბეირომ ტარავალიეს კი გაატანინა მშვენიერი გადაცემით, მაგრამ იქამდე, დაახლოებით იმავე პოზიციაში მყოფმა ფლავიომ, ვერ შეირგო მისი გამოზომილი პასი. ერთხელაც მის მიერ ძლიერ დარტყმულს ვერ მიუსწრო იმავე ფლავიომ.ტარავალიეს გოლით გორელებმა ფოთის "კოლხეთთან" ქულა მოიპოვეს, ამჯერად კი მისი გარჯა არ აღმოჩნდა საკმარისი გამარჯვებისთვის, რადგან ამ მატჩს სიერალეონელი (ტარავალიე იქაურია) კი არა, თურმე გორელი გმირი უნდა ჰყოლიდა...<div style="text-align: center;">მატჩის გმირი</div> დავით რაჟამაშვილი გორის საფეხბურთო სკოლის აღზრდილია. ტანმორჩილი და ტექნიკური ნახევარმცველი 5 წლის წინათ წავიდა გორიდან და ზესტაფონსა და სამტრედიაში რამდენიმე კარგი სეზონი ჩაატარა. ბოლო ხანს "რაჟამა" თავისი ყოფილი გუნდის კარში გადამწყვეტი გოლების გატანას მიეჩვია. "სამტრედიამ" ზუსტად 1 წლის წინათ მოგებულ შეხვედრაში სწორედ რაჟამაშვილის მიერ გატანილი მეორე გოლით იმარჯვა.იგი ამ მატჩშიც საკმაოდ აქტიური იყო. თავისი გუნდის ბევრი კომბინაცია სწორედ მისი გავლით ხვდებოდა მოწინააღმდეგის საჯარიმოსთან, მაგრამ, სულაც რომ არაფერი გაეკეთებინა, გადამწყვეტი დუბლის გამო, რასაკვირველია, სწორედ ის უნდა მივიჩნიოთ მატჩის გმირად.ალბათ, ხშირად გაგიგონიათ ცალკეული შემთხვევებისას - ამას შინაური თუ გაგიკეთებსო. ჰოდა, ასეა ამ შემთხვევაშიც. ისე, სახუმაროდ კი ნამდვილად არა აქვს "დილას" საქმე.მატჩის სტენოგრამა7' - გაგოშიძემ კარგი პოზიციიდან ვერ შეძლო ზუსტად დაერტყა.17' - რაჟამაშვილმა შეაღწია საჯარიმოში და კარისკენაც დაარტყა, თუმცა სიზუსტე დააკლო.25' - დათუნაიშვილის მიერ ფლანგიდან ჩამოწოდებულ ბურთს გოგიაშვილმა თავი დაუხვედრა, მაგრამ კარში რიგიანად ვერ გაუშვა.51' - თენგიზ წიქარიძის დარტყმული საჯარიმოს მისადგომებიდან მიგინეიშვილმა ხელში ვერ შეიმაგრა, თუმცა სიტუაცია კი განმუხტა.53' - გოლი! სამტრედიელთა სწრაფი კონტრშეტევისას დავით ჩაგელიშვილმა საჯარიმოში შეჭრილ რაჟამაშვილს ჩაუწოდა, რომელმაც თავურით ბურთი ბადეში გაახვია - 0:1.65' - ჯიქია ახლო მანძილიდან გზავნიდა ბურთს კარის მიმართულებით, რომელსაც მცველი გადაეფარა, ბერიაშვილის დამატებულზე "დილა" მუჯრიშვილმა გადაარჩინა.69' - სწრაფი კონტრშეტევისას ჯიქიამ რაჟამაშვილი მოძებნა, ამან კი - უკეთეს პოზიციაში მყოფი ჩაგელიშვილი, თუმცა მასპინძელთა მეკარემ კარიდან გამოსვლა და ეპიზოდის განმუხტვა მოასწრო.71' - გოლი! კირკიტაძემ გრძელი პასით თამაში მარცხენა ფრთაზე გადაიყვანა, საიდანაც რიბეირომ ჩინებული გადაცემით დასარტყმელ პოზიციაზე გაიყვანა ტარავალიე და ტაბლოზე 1:1 აინთო.81' - ჯიქიას ახლოდან გატანა მუჯრიშვილმა არ დაანება.82' - კირკიტაძის პასი დერეტიმ ვერ შეირგო და სახეირო პოზიციიდან ცუდად დაარტყა.85' - რიბეირომ საჯარიმოში შეაგდო ბურთი, რომელიც სამტრედიელთა მცველს ხელზე მოხვდა, მაგრამ მსაჯმა სხვაგვარად განსაჯა - პენალტი არ დანიშნა.86' - სტუმრების სწრაფი კონტრშეტევა და რაჟამაშვილს გააქვს გამარჯვების გოლი - 1:2.ეროვნული ლიგა. IX ტური30.04. გორი. "თენგიზ ბურჯანაძე"დილა-სამტრედია 1:2გოლები: 0:1 რაჟამაშვილი (52. ჩაგელიშვილის პასით), 1:1 ტარავალიე (72. რიბეიროს პასით), 1:2 რაჟამაშვილი (85. სამუშიას პასით)დილა (4-3-3): მუჯრიშვილი - გაგოშიძე (46. წიქარიძე), კვახაძე, მაჩაიძე, ფოფხაძე - პაპავა, ძარია (73. დერეტი), კირკიტაძე - რიბეირო, მათიაშვილი, ფლავიო (66. ტარავალიე).სათადარიგოები: ხაინდრავა, აბუბაქარი, რომარიკი, რაზმაძემწვრთნელი: ზივ არიესამტრედია (4-4-1-1): მიგინეიშვილი - სუხომლინოვი (72. მჭედლიშვილი), გოგიაშვილი, კასრაძე, ახალაძე - რაჟამაშვილი, მარკოზაშვილი, დათუნაიშვილი, ჯიქია (90+5. მთივლიშვილი) - ჩაგელიშვილი (81. სამუშია) - ბერიაშვილი.სათადარიგოები: დაუშვილი, ბურკაძე, დოლიძე, მანჯგალაძემწვრთნელი: გია ცეცაძეგაფრთხილება: ახალაძე (55), ჯიქია (90+1), მიგინეიშვილი (90+3), რაჟამაშვილი (90+3), ფოფხაძე (90+3), სამუშია (90+5)არბიტრი: ჯ. ხორავა.ბომბარდირებიირაკლი სიხარულიძე (ლოკომოტივი) 10მამია გავაშელიშვილი (ლოკომოტივი) 8ბაჩანა არაბული (დინამო თბ) 6მომდევნო ტური4 მაისი, ხუთშაბათიშუქურა-სამტრედია5 მაისი, პარასკევიკოლხეთი-დინამო (თბ)დილა-ჩიხურადინამო (ბთ)-ლოკომოტივიტორპედო-საბურთალო.(იბეჭდება მცირე ცვლილებით)ყოველდღიური სპორტული გაზეთი "ლელო"

Dragonfly

რაო ბატონო კარლო არ იყო პენალტი ხომ? იქნებ გვითხრათ მსაჯების სიმპათია ასე რით დაიმსახურეთ? შენღა დარჩი და ჩელებაზე მოსაშორებელი ფეხბურთიდან ბინზურებო.გადაშენდი სანამ დროა!!! სამტრედიას კი კარგს უკეთებ მაგრამ ფეხბურთს უკეთებ ცუდს ფეხბურთს!!!
fcd

რაჟამაშვილი კარგი ფეხბურთელია მარა ის არაკაცია ასე რომ მთლიანობაში გორს გველი გაუზრდია და მისი წაყვანა ღმერთმა გვაშოროს ომშიც არშეიძლება თორე ზურგში ისე გესვრის თვალსაც არდაახამხამებს მტრის მედალის მისაღებად....
v

რაჟამაშვილი რა დონის ფეხბურთელია ვერ გეტყვით, მაგრამ როგორც პიროვნება რომ ნაგავია ფაქტია. ყოფილი კლუბის კარში გატანილ გოლებს ნორმალური ფეხბურტელები ასე არ აღნიშნავენ.
romandro

ganmeorebaze kargad chans rom aravitari penalti ariyo, saertot arsheucvlia mimartuleba burts da aravitari gavlena ariqoni amaze xelze burtis shexebam (isic tu sheexo saertod xelze) da kidev fexburtelis warmomavlobaze tu mivyvebit mase tevzadze da miqeltadze samtredielebi arian romlebic dinamoshi tamashoben,da mashin arc miqeltadzes arunda gaetana samtredielta karshi goli?
jjj

მარტალია დზალიან სუსტია დილა მაგრამ ხორავას ნამუსზეა წაგება.
Guadua

მაგარი ...... და ...... იდიოტური სათაურია.ასე უწყობთ თქვენ ხელს სპორტს და კლუბებს შორის,ადამიანებს შორის ურთოერთობებს?
nikala

თუ ამ გაზეთს ვინმე კითხულობს ფედერაციის ხელმძღვანელობიდან.თქვენEვის მომინდვია მსაჯის მოქმედებების შეფასება.არ დანიშნულ ორ პენალტზე,რომ საუბრობს სიუჟეტის ავტორი,კარგად დააკვირდით,მეორე გოლის შემთხვევაში,უშლიდა ხელს თუ არა მეკარეს თამაშგარეში მყოფი სამტრედიელი ფეხბურთელი...

როგორია ნაკრები ხვიჩას და ლიდერების გარეშე და რა დავინახეთ სექტემბრისთვის?

"საქართველოში ამით ძალიან გაკვირვებული დავრჩი" - "გაგრას" ბელარუსი მეკარე

მეორე წრე დასრულდა: გოლი მე-20 წამზე და სხვა ამბები

"ტოტენჰემმა" პოსტეკოგლუ დაითხოვა და მის შემცვლელთან მოლაპარაკებებს უკვე აწარმოებს

ისტორიული ოქრო პარაკაიაკის ევროპის ჩემპიონატზე

კიმი შეიძლება იტალიაში დაბრუნდეს

ანშლაგი ქუთაისში - საქართველო - კაბო-ვერდე | 7 ივნისის განრიგი

ევრობასკეტისთვის მოსამზადებელ პერიოდში საქართველოს ნაკრები 6 ამხანაგურ მატჩს გამართავს

საქართველოს რაგბის ეროვნული ნაკრები, სულ რაღაც, ერთ თვეში თბილისში ირლანდიის ნაკრებს ხვდება!

"ვერ ვხვდები, ჩემგან უპატივცემულობა სად დაინახა" - სპალეტიმ აჩერბის უპასუხა

"მბაპე ცენტრფორვარდია და ამ პოზიციაზე თამაშს გააგრძელებს" - დეშამი ესპანეთთან მარცხის შემდეგ

უარი "ალ ჰილალს" - ოსიმენისთვის ბრძოლაში ახალი კლუბი ჩაერთო

"მესი თუ რონალდო?" - იგუაინმა უცნაური არჩევანი გააკეთა

[VIDEO] ჰალიბარტონის და "ინდიანას" მორიგი სასწაული - "ოკლაჰომა" სუპერფინალის პირველ მატჩში დამარცხდა

შენგელიას ლიდერობით "ვირტუსმა" მილანში იმარჯვა და სერია A-ს ფინალამდე 1 მოგება აშორებს

ნიონში გოგონათა ასაკობრივი გუნდების წილისყრა შედგა

კაპაძის ხელმძღვანელობით - უზბეკეთი პირველად გავიდა მსოფლიოს ჩემპიონატზე

[VIDEO] 5:4 - ესპანეთმა საფრანგეთს მოუგო და ფინალში გავიდა

სანიოლი: საუკეთესო ლობჟანიძე გახლდათ - მეორე ტაიმში მეტი ემოცია და ნაკლები მონდომება იყო

ფარერების მწვრთნელი: დასანანია, ფრეს რომ ვერ გამოვრჩით

[VIDEO] ლორიას ბოლო და 16 წლის ხარებაშვილის პირველი მატჩი - საქართველოს ნაკრებმა ფარერებს მოკრძალებული ანგარიშით მოუგო

[VIDEO] პირველი ტაიმის შემდეგ საქართველოს ნაკრები ფარერებს 1:0 ამარცხებს

"თელავი" პლეი-ოფში ითამაშებს; "სამტრედია" გავარდა

გორის "დილამ" 24 წლის ბრაზილიელი ფორვარდი დაიმატა

თბილისის "დინამომ" "სამტედიადან" ორი ფეხბურთელი დაიმატა

"ტორპედომ" ცეცაძის გადადგომის შესახებ დაწერილი განცხადება არ დააკმაყოფილა

გორის "დილა" მთავარმა მწვრთნელმა დატოვა - მოტამ დემჩენკოს მსგავსი პუნქტით ისარგებლა და სომხური გუნდი ჩაიბარა

დავით რაჟამაშვილი გორის "დილას" დაუბრუნდა

ეროვნული ლიგა. XXXIV ტური. "სამტრედია" - "დილა" [LIVE]

დილამ" ლეანდრო რიბეიროს პრიზი გადასცა და "შერიფს" ფრე გაუგორა

წერილი: ტრაგიკომედიური სატრანსფერო პერიოდები ეროვნულ ლიგაში

გია ცეცაძე "თელავის" მწვრთნელად დანიშნეს

ბოლნისის "სიონი" გადახალისდება

დილა-კოლხეთი 3:0 - ნოკდაუნიდან მოსულიერდა [VIDEO]

34-ე ტური: ჯერ ყველაფერი გასარკვევი რჩება

"ტორპედოს" ცეცაძე აღარ გაწვრთნის, "დილასთან" გუნდს ანალიტიკოსი გაიყვანს

ლოკომოტივი-დილა 4:2 - ზედიზედ მეოთხე და ორი ავტოგოლი [VIDEO]

შუქურა-სამტრედია 2:2 - სოსიაშვილი ქულით დაბრუნდა

დინამო(ბთ)-დილა 2:3 - სასწაული ბათუმში [VIDEO]

ეროვნული ლიგა. XIX ტური: "ჩიხურამ" შინ "დილას" მოუგო

ჩხუბი ფეხბურთელებს შორის მოედანზე - "დილას" ამხანაგური მატჩი უკრაინულ გუნდთან აღარ გაგრძელდა

"სანამ კინი "ტორპედოს" მწვრთნელია, "ჯუნგლები" ტრიბუნას ვტოვებთ" - "ტორპედოს" ფანების განცხადება [PHOTO]

"ფეხბურთი არ არის ის სპორტი, სადაც ერთმანეთს გინებაში ეჯიბრებიან" - კერესელიძემ ცეცაძესა და ფანებს შორის მომხდარ კონფლიქტზე ვრცლად ისაუბრა

დილა-ჩიხურა 2:0 - მალამოსავით დადებული [VIDEO]

მას ლიგა 1-ში 146 მატჩი აქვს ჩატარებული - გორის "დილამ" გამოცდილი მცველი დაიმატა

ეროვნული ლიგა. XVI ტურის წინ: მონატრებული შესვენების წინ

ეროვნული ლიგის XV ტურის სიმბოლური ნაკრები Sportall.ge-ს ვერსიით

უკრაინა, ბრაზილია, საფრანგეთი - ეროვნული ლიგის სამი საუკეთესო ლეგიონერი Sportall.ge-ს ვერსიით

"იბერია 1999"-მა და "დილამ" მოიგეს, ფოთში ფრე დაფიქსირდა

ეროვნული ლიგა. XXVIII ტური: "შუქურას" მოგებამდე ცოტა დააკლდა

ლეანდრო რიბეირო: იმედი მაქვს, საქართველოში ჩავალ და გამარჯვებას მოვიპოვებ

"გადავწყვიტეთ მივმართოთ ფედერაციას თხოვნით, რომ კანკავას წითელი ბარათი გაუქმდეს" - გორის "დილას" განცხადება

ლეანდრო რიბეირო "დილადან" "შერიფში" გადავიდა - მერე გვიკვირს, რატომაა საქართველოს ჩემპიონატი დაბალი დონის

2024 წლის სეზონი დასრულებულია! "იბერია 1999"-მა ჩემპიონის ფარი აღმართა

სამტრედია-ჩიხურა 3:0 - მარტო ჰამზიჩი ჩემპიონთან ბრალია [VIDEO]

"ვის აგინებ, შე ნაბო***რო" - "ტორპედოს" თამაშის მიმდინარეობისას, ცეცაძესა და გულშემატკივრებს შორის დაპირისპირება მოხდა [VIDEO]

ეროვნული ლიგა. XXXV ტური. "თელავი" - "სამტრედია" [LIVE]

"პროტესტი იქამდე გაგრძელდება სანამ ცეცაძე გუნდს არ დატოვებს" - "ტორპედოს" ფან-კლუბი "ჯუნგლები" განცხადებას ავრცელებს

ეროვნული ლიგის XXVIII ტურის მიმოხილვა და სიმბოლური ნაკრები