
ლიდერსა და მეორეადგილოსანს შორის სხვაობა 5 ქულამდე შემცირდა
14 მაისს, ეროვნული ლიგის მე-12 ტურის ბოლო მატჩი გაიმართა. გორის "დილამ" თბილისის "დინამოს" უმასპინძლა და ფრეს დასჯერდა - 1:1.
ანგარიში მატჩის მე-40 წუთზე გიორგი პაპუნაშვილმა გახსნა. 70-ე წუთიდან თბილისელები მოედანზე 10 კაცით დარჩნენ - მსაჯმა ბექა მიქელთაძე გააძევა. ამით გორელებმა ისარგებლეს, შეუტიეს და გოლიც გაიტანეს. "დილას" ქულა ჟან დერეტიმ გადაურჩინა.
აღსანიშნავია, რომ მიმდინარე სეზონში ეს "დინამოს" პირველი ფრე იყო.
ამრიგად, "დინამოს" 28 ქულა დაუგროვდა, პირველ ადგილზეა და მეორეადგილოსანთან სხვაობა 5 ქულამდე შემცირდა, "დილა" კი 15 ქულით მეშვიდეზეა.