<p>მატუიდი - "იუვეში", ხესე - "სტოკში"... <br> 13:12. ოფიციალურად! "სტოკმა" "პარი სენ-ჟერმენიდან" იჯარით აიყვანა ხესე. ესპანელმა გაიარა სამედიცინო შემოწმება და სეზონის ბოლომდე გააფორმა კონტრაქტი. ხესემ "სტოკი" "ფიორენტინას" ამჯობინა.</p><p>13:15. "რომამ" უარი თქვა რიად მაჰრეზის შეძენაზე და ახლა მის შორტ-ლისტში არიან შემდეგი ფეხბურთელები: პრომესი, მუნირი და ლუკას ვასკესი.</p><p>13:22. "ბარსელონა" ყველაფერს ეპოტინება: La Gazzeta dello Sport-ი წერს, რომ კატალონიელებმა "ნაპოლის" მიმართეს 60-მილიონიანი წინადადებით ლორენცო ინსინიეს თაობაზე.</p><p>13:26. ოფიციალურად! "ნიუკასლმა" "სტოკიდან" შეიძინა ფორვარდი ხოსელუ. 27 წლის ესპანელი 6 მილიონი ევრო დაჯდა. კონტრაქტი სამწლიანია.</p><p>13:29. გილფი სიგურდსონი "ევერტონში" გადავა. BBC წერს, რომ ისლანდიელი ნახევარმცველი მალე სამედიცინო შემოწმებას გაივლის. "სუონსი" გილფის სანაცვლოდ 50 მილიონ ევროს მიიღებს.</p><p>13:42. "ბარსელონამ", შესაძლოა, კიდევ ერთი ლიდერი დაკარგოს. Daily Express-ი წერს, რომ ივან რაკიტიჩი - "ლივერპულის" პირობაა ფილიპე კოუტინიოს გაყიდვის შემთხვევაში.</p><p>13:44. ალექს ოქსლეიდ-ჩემბერლენი, რომელიც სულ მალე წავა "არსენალიდან", რამდენიმე კლუბთან აწარმოებს მოლაპარაკებას. მაგალითად, გარემარბი "ჩელსის" სთხოვს ხელფასს კვირაში 164 ათასი ევროს ოდენობით.</p><p>13:46. მოულოდნელად, "იუვენტუსს" მარუან ფელაინის შეძენა მოუნდა, რომლის შესახებაც ამას წინათ ჟოზე მოურინიომ განაცხადა, რომ ბელგიელი არ იყიდება.</p><p>13:54. "ტოტენჰემი" ცხვირწინ ააცლის ორიეს "მანჩესტერ იუნაიტედს". რამდენიმე დღის წინ პსჟ-ის ფეხბურთელი თითქოს ხუთწლიან კონტრაქტზე მოელაპარაკა "იუნაიტედს", მაგრამ ახლა L'Equipe-ი წერს, რომ "ტოტენჰემმა" გაიმეორა მანჩესტერელთა წინადადება.</p><p>13:57. "ჩელსი" დიეგო კოშტას შემცვლელს იტალიაში ეძებს. ლონდონელები განიხილავენ "ტორინოს" ფორვარდის, ანდრეა ბელოტის ტრანსფერს. ცოტა ხნის წინ ტურინელებმა არ გაყიდეს ბელოტი "მილანში" 75 მილიონ ევროდ.</p><p>14:04. "ვესტ ბრომვიჩი" მზად არის, გაუშვას ნასერ შადლი, მაგრამ მასში ითხოვს 28 მილიონ ევროს. ფეხბურთელით ინტერესდება "სუონსი", რომელიც სიგურდსონს კარგავს.</p><p>14:15. კევინ-პრინს ბოატენგმა დატოვა "ლას პალმასი" თავისუფალი აგენტის რანგში. მხარეებმა გაწყვიტეს სამწლიანი კონტრაქტი, რომელიც ამა წლის მაისში გაფორმდა. 30 წლის ნახევარმცველი ოჯახური მიზეზების გამო წავიდა.</p><p>14:21. კარლოს ბაკა "ვილიარეალში" გადადის. Sky წერს, რომ ესპანურმა კლუბმა დაადასტურა კოლუმბიელის ერთწლიანი იჯარა "მილანიდან". ფორვარდი უკვე ამ კვირას ითამაშებს "ლევანტეს" წინააღმდეგ.</p><p>14:26. ოფიციალურად! უეს ბრაუნი ინდურ კლუბში გადავიდა. 37 წლის ვეტერანმა გააძლიერა "ქერალა ბლასტერსის" შემადგენლობა. ბრაუნის ბოლო კლუბი "ბლექბერნი" იყო.</p><p>14:32. ბლეზ მატუიდი თითქმის "იუვენტუსშია". ტურინული კლუბი მოელაპარაკა "პარი სენ-ჟერმენს" 25 მილიონ ევროზე. კონტრაქტი სამწლიანი იქნება, ხელფასი წელიწადში - 4 მილიონი ევრო.</p><p>14:44. ოფიციალურად! კარლოს ბაკა წარადგინეს "ვილიარეალის" მოთამაშის რანგში. კოლუმბიელი ერთი წელი იჯარით ითამაშებს ახალ გუნდში.</p><p>15:01. სედრიკი "საუთჰემპტონიდან" "ჩელსიში" გადავა. The Mirror-ი წერს, რომ ანტონიო კონტე პირადად არის დაინტერესებული ამ მოთამაშით, რომლის სატრანსფერო თანხა 17-18 მილიონს შეადგენს.</p><p>15:17. კევინ-პრინს ბოატენგი, რომელმაც გააუქმა "ლას პალმასთან" კონტრაქტი, ახლოს არის "აინტრახტში" გადასვლასთან.</p><p>16:01. The Mirror-მა დაწერა, რომ "ასტონ ვილა" დაინტერესდა ჯეკ უილშირით. სხვა დეტალები ცნობილი არ არის.</p><p>16:23. "ლაციოს" მცველით, უესლი ჰუდტით დაინტერესებულია "საუთჰემპტონი". ინგლისელები 17 მილიონს უხდიან რომაელებს.</p><p>16:24. ვაგნერ ლავმა გააგრძელა კონტრაქტი "ალანიასფორთან". 33 წლის ფორვარდი კიდევ სამი წელი დარჩება ამ გუნდში. გასულ სეზონში, 28 მატჩში ბრაზილიელმა 23 გოლი გაიტანა.</p><p>16:28. "ვალენსიას" ნახევარმცველ ნანის თურქეთში დაბრუნების პერსპექტივა აქვს. "ფენერბაჰჩეს" სურს ტრანსფერზე დაყენებული პორტუგალიელის იჯარა.</p><p>16:52. გჟეგოჟ კრიხოვიაკი "პარი სენ-ჟერმენს" "ლიონში" გაცვლის. გარდა ამისა, პოლონელით ინტერესდებიან - "ჩელსი" და "ნანტი", ხოლო "ვალენსიას" ფეხბურთელის იჯარა სურს.</p><p>17:16. "გრემიოს" ფორვარდ ლუანის აგენტი აცხადებს, რომ მისი კლიენტის გადასვლა მოსკოვის "სპარტაკში" თითქმის ჩაიშალა.</p><p>17:18. "მანჩესტერ სიტის" მცველი ელიაკიმ მანგალა, შესაძლოა, "ინტერში" გადავიდეს. Football Italia იტყობინება, რომ "სიტი" იჯარით გაუშვებს ფეხბურთელს და გადაიხდის ხელფასის ნაწილს.</p><p>17:30. "ევერტონის" მთავარმა მწვრთნელმა რონალდ კუმანმა განაცხადა, რომ გილფი სიგურდსონმა გაიარა სამედიცინო შემოწმება.</p><p>17:44. "ინტერის" ყოფილი ფორვარდი როდრიგო პალასიო თითქმის მოელაპარაკა "ბოლონიას". მხარეებმა ერთწლიანი კონტრაქტის დეტალები შეათანხმეს. 35 წლის არგენტინელი "ინტერიდან" თავისუფალი აგენტის სტატუსით წავიდა.</p><p>18:23. ოფიციალურად! Football Italia წერს, რომ "მილანმა" "ბაიერნს" წინადადებით მიმართა არტურო ვიდალის თაობაზე.</p><p>18:36. "ატლეტიკოს" 23 წლის ფორვარდი ლუსიანო ვიეტო "საუთჰემპტონს" აინტერესებს, - წერს ესპანური გაზეთი "მარკა".</p><p>18:50. "მარსელი" დაინტერესებულია "არსენალის" მცველ მატიო დებუშით. თავად ფრანგიც არ არის წინააღმდეგი, შეიცვალოს კლუბი.</p><p>19:02. "ატლეტიკო" ეძებს დიეგო კოშტას გაფორმების ვარიანტებს. იმის გამო, რომ მადრიდულ კლუბს არ აქვს ახალი ფეხბურთელების გაფორმების უფლება, მათ შეიძლება დაეხმაროს "დეპორტივო", რომელიც ნახევარი წლით იჯარით აიყვანს ფეხბურთელს. სწორედ ნახევარი წელი დარჩა "ატლეტიკოს" დისკვალიფიკაციის დასრულებამდე.</p><p>19:59. სტეფან დე ვრი "ლაციოსთან" ახალი კონტრაქტის გაფორმებას განიხილავს. La Republica წერს, რომ რომაელებმა მცველის ხელფასი კვირაში 38.4 ათას ევრომდე აიყვანეს "არსენალის", "იუვენტუსისა" და "მანჩესტერ იუნაიტედის" მხრიდან ინტერესის შემდეგ.</p><p>20:12. The Sun-ი წერს, რომ "უოტფორდი" უმიზნებს "ლესტერის" ფორვარდის, 29 წლის ისლამ სლიმანის ტრანსფერს.</p><p>20:16. ოფიციალურად! "ვიტესის" მეკარე ელოი რომი "ეინდჰოვენში" გადავიდა. კონტრაქტი ორწლიანია.</p><p>20:19. "მანჩესტერ სიტის" "მანჩესტერ იუნაიტედის" ყოფილი ფეხბურთელი მოუნდა - პეპ გვარდიოლას სურს "ვესტ ბრომვიჩის" კაპიტანი ჯონი ევანსი.</p><p>20:37. "დორტმუნდი" 5 მილიონ ევროს სთავაზობს "ჰოფენჰაიმს" ჯერემი ტოლიანის სანაცვლოდ. გარდა ამისა, 23 წლის მცველის შეძენა "ტოტენჰემსაც" უნდა.</p><p>20:48. გაბრიელ პაულისტა ახლოს არის "ვალენსიაში" გადასვლასთან. ფეხბურთელი, რომელიც "არსენალს" არ სჭირდება, 12 მილიონი ევრო ღირს.</p><p>21:22. ოფიციალურად! "ბრიუგეს" ყოფილი გარემარბი ხოსე ისკიერდო "ბრაიტონში" გადავიდა. 25 წლის კოლუმბიელში 15 მილიონი ევრო დაიხარჯა.</p><p>21:32. "პარი სენ-ჟერმენის" ნახევარმცველი ლორენცო კალეგარი "ზენიტში" გააგრძელებს კარიერას. Paris United-ი ირწმუნება, რომ რუსული კლუბი იჯარით აიყვანს ფრანგს, ოღონდ გამოსყიდვის უფლების გარეშე.</p><p>21:39. ოფიციალურად! 21 წლის ფორვარდი ემანუელ ბოატენგი "მორეირენსედან" "ლევანტეში" გადავიდა. კონტრაქტი 4-წლიანია, ტრანსფერის თანხა - 2 მილიონი ევრო.</p><p>21:40. ოფიციალურად! "ფიორენტინამ" იჯარით აიყვანა 24 წლის მცველი კრისტიანო ბირაგი "პესკარადან".</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
ალვარესი "ბარსელონაში"? არგენტინელს ლევანდოვსკის შემცვლელად განიხილავენ
AS: 2024 წლის ზაფხულში "რეალი" ალფონსო დევისის შესაძენად ყველაფერს გააკეთებს
"ბარსელონა" და "რეალი" სანეს დამატებით დაინტერესდნენ - ფეხბურთელი გადაწყვეტილებას ზაფხულის სატრანსფერო ფანჯარამდე მიიღებს
38 წლის ჟირუ MLS-დან ლიგა 1-ში ბრუნდება - ცნობილია სად ითამაშებს ვეტერანი
ილია თოფურიამ სასურველი მეტოქე დაასახელა
[VIDEO] "რეალის" ლამაზი გოლები "ზალსბურგთან" - ალონსოს გუნდმა ჯგუფში პირველი ადგილი დაიკავა და "იუვენტუსს" შეხვდება
"ლივერპულმა" "ნაპოლის" თავდამსხმელი ძვირად დაუფასა
"დილა" სუპერთასის პირველი ფინალისტია
Tutto Juve: ეს შანსი გამოსაყენებელია - მიქაუტაძის შეძენის სურვილი იტალიურ გრანდსაც აქვს
ლუნინი "რეალს" მხოლოდ ერთ შემთხვევაში დატოვებს
ფედელე: კვარაცხელიას შეცვლა? - მხოლოდ ღმერთის იმედი უნდა გვქონდეს
2022 წლის შემდეგ პირველად - ნიკოლოზ ბასილაშვილი უიმბლდონის ძირითად ბადეში ითამაშებს
რონალდომ "ალ ნასრთან" კონტრაქტი გაახანგრძლივა
ისტორიული დაპირისპირება: საქართველო ირლანდიის წინააღმდეგ მიხეილ მესხის სტადიონზე - ემოციები და მოლოდინები
კასანომ "ნაპოლის" კვარაცხელიას შემცვლელი ურჩია
"ალ ნასრმა" სტეფანო პიოლი გაათავისუფლა
"მანჩესტერ იუნაიტედმა" და "ჩელსიმ" შესაძლოა ფეხბურთელები გაცვალონ
ზაზა ფაჩულიას აკადემია 14-წლამდელთა ჩემპიონატის გამარჯვებულია | მენსანა ვერცხლს დასჯერდა
"თუ მოიგებ, ოქტაგონს შენი სახით მოვწმენდ" - რატომ დაუპირისპირდნენ თოფურია და ცარუკიანი ერთმანეთს?
ქომაგის რეაქცია, მას შემდეგ, რაც დრაფტზე მისმა გუნდმა რუსი კალათბურთელი აირჩია - ვიდეო სოციალურ ქსელში ვირუსულად ვრცელდება [VIDEO]
მესიც საუდის არაბეთში? - "ალ ჰილალის" პრეზიდენტმა მოლაპარაკებები დაიწყო
ტეო ერნანდესი "მილანიდან" "ალ ჰილალში" გადავა
"წაეთრიე" - "ლიონის" ფანები კლუბის ამერიკელ მფლობელს აუმხედრდნენ
ბლეზ მატუიდი "იუვენტუსით" აღფრთოვანებულია
მოურინიო "იუვესთან" წაგების მერე: ბრწყინვალედ ვითამაშეთ! [VIDEO]
პრემიერლიგა. II ტური: "წითელი ეშმაკები" წინ მიიწევენ, ხესემ "არსენალი" წაგებული გაუშვა [VIDEO]
"იუვე" 42 წლის ბუფონს, 35 წლის კიელინისა და კორონათი დაინფიცირებულ ფეხბურთელს კონტრაქტებს გაუხანგრძლივებს
ტრანსფერ ONLINE: 25 აგვისტოს ტრანსფერები და ჭორები
იგუაინი, ხედირა, მატუიდი - ცნობილი ხდება, ვინ დატოვებს "იუვენტუსს"
"სტოკის" ახალწვეულის შეყვარებული, რომელმაც მთელი პრემიერლიგა აღაფრთოვანა [PHOTO]
არ ვიცი, ჩემს ცოლზე მეტად თუ მოვწონდი" - ხესემ პსჟ-ში გატარებული პერიოდი სკანდალურად გაიხსენა
მადრიდის "რეალი" კონტრაქტს 6 ფეხბურთელს გაუხანგრძლივებს
"იუვე" კეიტასა და მატუიდის მიმართ ინტერესს ადასტურებს, ჩანი ისევ არ ჩანს
"იუვენტუსი" მოტამ ჩაიბარა
"ნა***რო ციგანო, დაცვა სიკვდილისგან ვერ გიხსნის" - სერბს ემუქრებიან
16 წლის ქართველი ტალანტი "იუვენტუსში" - ყველაფერი მალე უნდა გადაწყდეს
მადრიდის "რეალის" ფანები გუნდის ფეხბურთელებს ეუხეშნენ [VIDEO]
ტრანსფერ ONLINE: 8 აგვისტოს ტრანსფერები და ჭორები
Gazzetta dello Sport: მამარდაშვილი "იუვენტუსის" პრიორიტეტი აღარაა
"ლამის ვიტირე" - არგენტინელი "იუვენტუსზე" ნაწყენია
"ფრანს ფუტბოლი" - როცა მატუიდი პოგბასა და გრიზმანზე უკეთესია