<p>ვიქტორ სანიკიძის აკადემიამ 22-წლამდელთა ჩემპიონატის ოქროს მედლები დაისაკუთრა. ფინალური სერიის მეორე შეხვედრას დიღომი არენამ, ვსა-ს საკალათბურთო ბაზამ უმასპინძლა, სადაც ადგილობრივმა გუნდმა ნიკა ბიწკინაშვილის ხელმძღვანელობით საქმე ბოლომდე მიიყვანა, „რუსთავს“ მეორე მატჩიც მოუგო და ჩემპიონის ტიტული დამსახურებულად მოიპოვა. შეგახსენებთ, რომ სერიის პირველი შეხვედრა რუსთავში, „ქიმიკოსთა დარბაზში“, სტუმრების გამარჯვებით, 77:87 დასრულდა, რამაც აკადემიელებს საჩემპიონო მატჩის საკუთარ კედლებში ჩატარების კომფორტი მისცა. განმეორებითი შეხვედრა მასპინძელთა სრული დომინირებით დაიწყო და საბოლოოდ ვსა-ს დამაჯერებელი გამარჯვებით, ანგარიშით 90:71 დასრულდა.</p> <p> </p> <p>მატჩის მიმდინარეობისას ლიდერი ერთხელაც არ შეცვლილა. ვსა-მ საწყისი პერიოდივე უცებ მოიპოვა სოლიდური უპირატესობა და 25:13 დაწინაურდა. მიუხედავად იმისა, რომ ქვემო ქართლელები მთელი თამაშის განმავლობაში თავდაუზოგავად ცდილობდნენ ვითარების გამოსწორებას და რამდენჯერმე მნიშვნელოვნად შეამცირეს ჩამორჩენა — სხვაობა მინიმუმამდე, 2-3 ქულამდეც კი დაიყვანეს — მიხეილ ჭოჭუას გაწვრთნილმა გუნდმა წინ გასვლა მაინც ვერ მოახერხა. გადამწყვეტ, მეოთხე პერიოდში „რუსთავმა“ თამაშში გარდატეხის შეტანა ვეღარ შეძლო, მასპინძლებმა კი ეს მონაკვეთი 28:15 მოიგეს და ჩემპიონობა გაინაღდეს.</p> <p> </p> <p>ამ გამარჯვებაში უდიდესი როლი ითამაშა ვსა-ს შორეულმა არტილერიამ — აკადემიელებმა პერიმეტრი სრულად გააკონტროლეს და 13 სამქულიანი ჩააგდეს, რაც ყველაზე საინტერესოა, ეს მაჩვენებელი მოედანზე გასულ რვა კალათბურთელიდან შვიდზე გადანაწილდა. შორეული სროლებით განსაკუთრებით ნიკოლოზ ფხალაძე და ანდრია ცერცვაძე გამოირჩნენ, რომლებმაც 3-3 სამქულიანი მოათავსეს მეტოქის კალათში.</p> <p> </p> <p>ჩემპიონების მხრიდან მატჩის საუკეთესო მოთამაშე გიორგი ნიკოლაევი გახდა, რომელმაც ორმაგი დუბლი შეასრულა — 24 ქულა და 11 მოხსნა მიითვალა. მას სოლიდურად აჰყვა დავით ჭუაძე 19 ქულით და 7 ჩაჭრით, ხოლო ანდრია ცერცვაძემ გუნდს 14 ქულა და 6 შედეგიანი გადაცემა შემატა. ორმაგ დუბლამდე სულ ცოტა დააკლდა მამუკა ასათიანს, რომელმაც 10 ქულა დააგროვა, ფარქვეშ კი ტრადიციულად საიმედო იყო გიორგი დოხნაძე 11 მოხსნითა და 3 პასით. „რუსთავის“ რიგებში ყველაზე პროდუქტიული ლუკა ტაბაღუა გახლდათ, რომელმაც 19 ქულა, 11 შედეგიანი გადაცემა და 5 მოხსნა მოაგროვა. სტუმართაგან 13-13 ქულა ჩაიწერეს აქტივში ლუკა მუჯირიშვილმა და დათა ვაშაკიძემ, ხოლო გიორგი ჯანგველაძემ ფარქვეშ მძიმე ბრძოლაში 15 მოხსნა და 5 ქულა მიითვალა.</p> <p> </p> <p>მატჩის დასრულების შემდეგ საზეიმო დაჯილდოების ცერემონიალი გაიმართა, რომელიც ფეიერვერკით დასრულდა. ვიცე-ჩემპიონი „რუსთავი“ ვერცხლის მედლებით საქართველოს კალათბურთის ეროვნული ფედერაციის საშეჯიბრო დეპარტამენტის ხელმძღვანელმა, კობა კობიაშვილმა დააჯილდოვა. მანვე გადასცა ტურნირის ყველაზე ძვირფასი მოთამაშის (MVP) პრიზი ვსა-ს ფორვარდს, ვატო გაჩეჩილაძეს, რის შემდეგაც კაპიტნის ხელში საჩემპიონო თასიც აღიმართა.</p> <p> </p> <p>22-წლამდელთა მიმდინარე სეზონი 20 მაისს დასრულდება, როცა ერთმანეთს მესამე ადგილისთვის მატჩში „ვინგსი“ და „ჰიუნდაი“ შეხვდებიან.</p> <p> </p> <p><strong>GBF</strong></p>
კომისარი რატიშვილი – ქართველი ფიბა ევროპის თასის ფინალზე
62 წლის ასაკში, საქართველოს ნაკრების ყოფილი მწვრთნელი ზურა ტომარაძე გარდაიცვალა
ვართანოვი, თვაური და რატიშვილი ქალთა ევრობასკეტის საკვალიფიკაციო მატჩებზე
ვსა საქართველოს 22-წლამდელთა ჩემპიონატის გამარჯვებულია!
ქართველების "მეცი" "ნიცას" ფრედ ეთამაშა
მიქაუტაძე არ ათამაშეს - "ვილიარეალმა" ისევ წააგო
VIDEO | ეროვნული ლიგა | სამგურალი 0-0 სპაერი. ირბინეს, სცადეს და მეზობლებად დარჩნენ...
"პარიზთან" მატჩში პსჟ-ს შემადგენლობა ცნობილია
"ნაპოლიმ" "პიზას" მოუგო და ჩემპიონთა ლიგაზე გავიდა
უნაი ემერიმ საუკეთესო ტაქტიკოსი მწვრთნელი დაასახელა
ბათუმის გმირობა და ფინალის ისტორიული საგზური: მოქმედი ჩემპიონი ტახტს ემშვიდობება
"მანჩესტერ სიტიმ" გვარდიოლას შემცვლელთან კონტრაქტი შეათანხმა
ყველაფერი გადაწყდა - "ჩელსის" ალონსო ჩაიბარებს
კონორ მაკგრეგორი UFC-ს უბრუნდება - ირლანდიელის მეტოქე ცნობილია
განაწყენებული ბარკოლა სასტარტოში - ითამაშებს კვარაცხელია "პარიზთან"?
ლომინაძე შეცვლაზე შევიდა - "ეშტორილი" "ბენფიკასთან" დამარცხდა
"სპორტინგი" ჩემპიონთა ლიგის საკვალიფიკაციო ეტაპზე გავიდა - სად ითამაშებს ქოჩორაშვილი?
VIDEO | ეროვნული ლიგა | დინამო (ბთ) 2-1 მეშახტე. პირველად, 2025 წლის აპრილის შემდეგ...
3-დან 3 - ბექა ღვინიაშვილის მორიგი გამარჯვება MMA-ში
VIDEO | ეროვნული ლიგა | დინამო (თბ) 2-0 იბერია 1999. ტრანსფორმირებული "დინამო" და ახალი კვარაცხელია
VIDEO | ეროვნული ლიგა | გაგრა 1-1 რუსთავი. 23-ე მონაწილე...
სანტანდერში საგიჟეთია, გულიაშვილი სასტარტოშია - "რასინგი" ლა ლიგას უახლოვდება
რას გადაწყვეტს ანჩელოტი - ნეიმარი მუნდიალზე მაინც წავა?