- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
"საქართველოში ეს მომენტი არასდროს დამავიწყდება... ვაისმა იქ ფეხბურთელებს თვალები აუხილა და მედიის მიღმა ეს ხდებოდა!" - ინტერვიუ ვაისის ერთ-ერთ ასისტენტთან
<p>საქართველოს ნაკრებში მთავარი მწვრთნელის ერთ-ერთმა ასისტენტმა იოზეფ კონტირმა Šport-ს ვრცელი ინტერვიუ მისცა, სადაც ჩვენს ქვეყანაში გატარებული პერიოდი გაიხსენა. </p> <p> </p> <p>"ვაისს დიდი ხანი ვიცნობდი. მასთან ერთად რამდენიმე კლუბში ვიმუშავე და შემდეგ საქართველოს ნაკრებში მიმიწვია. მან, როგორც ახალგაზრდა მწვრთნელს, შანსი მომცა. ეროვნულ ნაკრებში მიწვევა, როგორც მწვრთნელისთვის, ასევე ფეხბურთელისთვის, მწვერვალია. </p> <p> </p> <p>საქართველო საინტერესო ადგილია, აქამდე ამ ქვეყანაში ნამყოფი არ ვიყავი, ამიტომ წინადადებას დავთანხმდი. როდესაც უკან ვიყურები, მას ვაფასებ შესანიშნავ გამოცდილებად და ცხოვრების სასიამოვნო ეტაპად, რომელმაც წინ წამიყვანა არა მხოლოდ ფეხბურთში, არამედ პიროვნებადაც.</p> <p> </p> <p>რა პირობები დაგვხვდა საქართველოში? - დღევანდელთან შედარებით, პირდაპირ რომ ვთქვათ, ეს იყო "დაუმუშავებელი მოედანი", მაგრამ ჩვენი იქ ყოფნის დროს ფედერაციას უკვე ჰქონდა შემუშავებული პროექტები ახალგაზრდებისა და ინფრასტრუქტურისთვის.</p> <p> </p> <p>აკადემიები თანდათან იზრდებოდა და დღემდე აგრძელებს ზრდას, ისინი უკვე ბევრია. ჩვენს ეპოქაში ბათუმში დაიწყო ულამაზესი სტადიონის მშენებლობა და დღეს ეროვნული ნაკრები ზოგიერთ მატჩს იქ ატარებს. </p> <p> </p> <p>ჩვენ თბილისში ძველ სტადიონზე ვთამაშობდით, რომელიც 55 000 ადამიანს იტევს და უმეტეს შემთხვევაში, ტრიბუნები სულ სავსე იყო. როგორი დონის მოთამაშები დაგვხვდა საქართველოში? - იქ მოთამაშეებს უზარმაზარი ნიჭი აქვთ და უყვართ ფეხბურთი. ეს შინაგანად მოდის. ჩვენს დროს მათი ნაკლი არასაკმარისი ფიზიკური მომზადება და თამაშის ინტენსივობა იყო. ისინი ნიჭიერები იყვნენ, მაგრამ ძირითადად კლუბებში რეგულარულად არ თამაშობდნენ.</p> <p> </p> <p>ვარჯიში აკლდათ, რაც ხშირად აისახებოდა ეროვნულ გუნდში იმაში, რომ მიუხედავად იმისა, რომ თამაშის თვალსაზრისით უკეთესები ვიყავით, მთელი 90 წუთის განმავლობაში ვერ შევძელით საჭირო დონის შენარჩუნება, რადგან ფიზიკური ასპექტი ერთ-ერთი მთავარი ასპექტია, რომელიც დღეს წარმატებას განსაზღვრავს.</p> <p> </p> <p>ჩვენ სასწაულს ერთ ღამეში ვერ მოვახდენდით. მწვრთნელმა ამის აღმოსაფხვრელად ბევრი იმუშავა და თვალი ბევრ ფეხბურთელს აუხილა. განსაკუთრებით, პროფესიონალიზმის საკითხში. </p> <p> </p> <p>მან აუხსნა ფეხბურთელებს, რომ ფეხბურთი მხოლოდ ორსაათიანი ვარჯიშები არ არის, არამედ ცხოვრების წესია და ამიტომ ამას უნდა შეეგუონ. ქართველები ცხოვრობდნენ იმ ვარაუდით, რომ ნიჭი ყველაფერი იყო, მაგრამ როდესაც ყველა კომპონენტზე არ მუშაობდნენ, ტრავმები ჩნდებოდა, კლუბებში თამაშს წყვეტდნენ და იმედგაცრუება ეუფლებოდათ.</p> <p> </p> <p>ვაისმა მოთამაშეებს უთხრა, რომ ასე არაფერი გამოვიდოდა. მწვრთნელმა ფედერაციასაც და ფეხბურთელებსაც უთხრა რა იყო საჭირო წარმატების მისაღწევად და ისიც აღნიშნა, რომ ეს არა ერთ დღეში, არამედ თანდათანობით მოვიდოდა. </p> <p> </p> <p>ეროვნულ ნაკრებში ფიზიკური მომზადების ადგილი არ არის, ეს გრძელვადიანი საკითხია. სწორედ ამიტომ იყო მნიშვნელოვანი ყველას განათლება ამ სიტუაციაში. გურამ კაშია და ჯაბა კანკავა ამ მხრივ უკიდურესი გამონაკლისები იყვნენ, რომლებმაც ეს ბრატისლავას "სლოვანშიც" დაადასტურეს. პროფესიონალიზმის თვალსაზრისით, ისინი სრულიად განსხვავდებოდნენ სხვა მოთამაშეებისგან.</p> <p> </p> <p>ვაისმა საქართველოში რევოლუცია დაიწყო? - რა თქმა უნდა! ევრო 2024-ზე გასვლა და ეს წარმატება ვაისის მუშაობის გარეშე არ მოხდებოდა. ენთუზიაზმი და გეგმები ერთია, პროფესიონალიზმი და ყოველდღიურად მაქსიმუმზე მუშაობის რეალობა კი მეორე.</p> <p> </p> <p>თავიდან ქართველები ცოტათი უნდობლები იყვნენ, თუმცა უკან გახედვისას მიხვდნენ, რომ ვაისმა მათ წარმატებას საფუძველი ჩაუყარა. ამ მწვრთნელმა სადაც კი იმუშავა, წარმატებას მიაღწია და საქართველოშიც უდიდესი პატივისცემა მოიპოვა, არა მხოლოდ საფეხბურთო საზოგადოებაში, არამედ ჩვეულებრივ ადამიანებშიც. ის ძალიან ბევრს მუშაობს, რომ თავისი მოთამაშეები არა მხოლოდ უკეთესი მოთამაშეები, არამედ უკეთესი ადამიანებიც გახადოს.</p> <p> </p> <p>როდის მიხვდნენ ქართველები რომ ვაისის იდეები მუშაობდა? - ეს ალბათ მათ უნდა ჰკითხოთ, მაგრამ სტიმული ესპანეთში გამარჯვებამაც გამოიწვია, რომელიც იმ დროს ევრო 2016-ისთვის ემზადებოდა. მოწინააღმდეგის შემადგენლობაში ისეთი ვარსკვლავები იყვნენ, როგორებიც არიან რამოსი, პიკე, ინიესტა, კოკე და ფაბრეგასი.</p> <p> </p> <p>მწვრთნელი ვისენტე დელ ბოსკე იყო. ქართველებმა წარმატებას მიაღწიეს და სჯეროდათ, რომ სასწაულის მოხდენა შეეძლოთ, მაგრამ ამისკენ კეთილსინდისიერად და შრომისმოყვარეობით უნდა წასულიყვნენ.</p> <p> </p> <p>ერთია შედეგები, მეორე კი ის მოთამაშეები, რომლებსაც ვლადიმერ ვაის უფროსმა თავის გამოჩენის შანსი მისცა. ეროვნულ ნაკრებში კვარაცხელიას დებიუტი სწორედ მის დროს შედგა. </p> <p> </p> <p>მაშინ ამას ვერავინ იფიქრებდა, რომ ამ დონეს მიაღწევდა, მაგრამ მასში რაღაც განსხვავებული იყო. მასში რაღაც ისეთი იყო, რაც სხვებს არ ჰქონდათ. როგორც ჩანს, ფეხბურთს ინსტინქტურად თამაშობდა და ავტომატურად იღებდა სწორ გადაწყვეტილებებს.</p> <p> </p> <p>ვაისმა მაშინვე დაინახა, რომ ამ ბიჭში რაღაც განსაკუთრებული იყო და შანსი მისცა. მან ნამდვილად ძალიან ბევრ ფეხბურთელს აუხილა თვალი, რადგან არ ეშინოდა მათთვის ისეთი რამის თქმა, რასაც ისინი არ იყვნენ მიჩვეულები. ერთია, რას ამბობდა მედიასთან და მეორეა, რა ხდებოდა მედიის გარეშე დახურულ კარს მიღმა გასახდელში ან პირადად.</p> <p> </p> <p>მნიშვნელოვნად გაუმჯობესდა ოთარ კიტეიშვილი, ოთარ კაკაბაძე და რა თქმა უნდა, გიორგი ჩაკვეტაძე, რომელსაც ბრატისლავის "სლოვანიდან" ვიცნობთ. </p> <p> </p> <p>ჩრდილოეთ მაკედონიასთან მარცხი? - ყველა ძალაინ დამწუხრებულები ვიყავით. ქართველები ამაყი, ვნებიანი და ძალიან ფეხბურთის მოყვარული ერია. მიუხედავად იმისა, რომ პანდემიის დროს სტადიონზე გულშემატკივრები ვერ გვყავდა, ავტობუსით ქუჩაში ხალხმრავლობაში გავატარეთ. ეს სცენა არასდროს დამავიწყდება. </p> <p> </p> <p>მოხუცი ქალებიც კი გვაცილებდნენ. ისინი ხელს გვიქნევდნენ და ტიროდნენ. მთელი ერი შეიკრიბა და სიამაყე იგრძნო. დღეს საფეხბურთო ბაზარზე ქართველებზე მოთხოვნაა, ეს ასევე ვაისის დიდი დამსახურებაა. </p> <p> </p> <p>დარწმუნებული ვიყავი თუ არა, რომ ჩვენი წამოსვლის შემდეგ საქართველო ევროპირველობაზე გავიდოდა? - ამაზე არ მიფიქრია, რადგან ძალიან იმედგაცრუებული ვიყავი. უზარმაზარ წარმატებამდე ერთი ნაბიჯით ვიყავით დაშორებული, თუმცა ბოლო ნაბიჯი, როგორც წესი, ყველაზე რთულია. პლეი-ოფში ჩვენი ჩავარდნა ბევრმა ფაქტორმა განაპირობა.</p> <p> </p> <p>დარწმუნებული ვარ, რომ ტრიბუნებზე გულშემატკივრების წინაშე კიდევ უფრო ენერგიული თამაშის ჩვენებას შევძლებდით. სავსე სტადიონზე თბილისის ჯოჯოხეთური ატმოსფერო სუფევდა. არ დაგვავიწყდეს, რომ მატჩის წინა დღეს ხვიჩა კვარაცხელია COVID-19-ზე დადებითი ტესტის გამო თამაშს გამოეთიშა. ეს მთელი გუნდისთვის დარტყმა იყო.</p> <p> </p> <p>როგორ შევაფასებდი საქართველოში გატარებულ პერიოდს? - ახალი ადამიანები გავიცანი, მათი აზროვნება და მენტალიტეტი. ვისწავლე წვრილმანებითაც კი ტკბობა, რადგან ქართველები სპონტანურები არიან და იციან, როგორ იცხოვრონ მომენტით".</p>
საქართველოს ნაკრებმა ივნისის ამხანაგური მატჩებისთვის მზადება დაიწყო
ალექსანდრე იაშვილი: ერთა ლიგაზე რთულ ჯგუფში ვართ, თუმცა ჩვენი მიზანი გამარჯვებაა
"თუ ის შრომას გააგრძელებს, აუცილებლად გამოვიძახებთ" - ვილი სანიოლის პრესკონფერენცია
სესკი რჩება - ფაბრეგასისა და "კომოს" ისტორია გრძელდება
"მილანმა" ალეგრი დირექტორებთან ერთად გადააყენა
VIDEO | ეროვნული ლიგა | სამგურალი 3-2 იბერია 1999. გვიან გაიღვიძეს...
გიორგი ცხოვრებაძე ხორვატიის თასის გამარჯვებულია
ახალგაზრდული აშშ-ს და მოლდოვას დაუპირისპირდება - შემადგენლობა და მატჩების განრიგი
20 წ. | როტაციით ჩილესთან
პირველად ისტორიაში - ესპანეთის სამუნდიალო განაცხადში "რეალის" ვერცერთი ფეხბურთელი ვერ მოხვდა
"არ მესმის იმ ხალხის, ვინც ფერგიუსონს გვარდიოლაზე წინ აყენებს" - ჯეიმი კარაგერი
უარი "ბარსელონას" - "ჩელსი" ჟოაო პედროს გაყიდვას არ აპირებს
[VIDEO] ვემბანიამას რეკორდი - "სან ანტონიომ" სერიაში ანგარიში გაათანაბრა
[VIDEO] "მე ასე გეუბნები!" - დე ლაურენტისისა და კონტეს გიჟური პრესკონფერენცია
მესიმ ტრავმა მიიღო - ემუქრება თუ არა არგენტინელს მუნდიალის გამოტოვება?
[VIDEO] ისტორიაში მეოთხედ - "ოლიმპიაკოსი" ევროლიგის ჩემპიონია
პსჟ "რომასგან" კიდევ ერთი მეკარის წაყვანას გეგმავს
VIDEO | ეროვნული ლიგა | გაგრა 2-0 დილა. ლიუბენოვიჩს 3 ქულა, კორღალიძეს - საფიქრალი
[VIDEO] მიქაუტაძის მე-16 გოლი - "ვილიარეალმა" სეზონი "ატლეტიკოსთან" ბრწყინვალე გამარჯვებით დაასრულა
მიქაუტაძემ გაიტანა - "ვილიარეალი" "ატლეტიკოს" ანადგურებს
ქოჩორაშვილის გარეშე - "სპორტინგი" ფინალში მეორელიგელთან დამარცხდა
ჯაფარიძემ და ფუტკარაძემ ბათუმის "დინამოსთან" კონტრაქტი გაახანგრძლივეს
"ნაპოლიმ" "უდინეზეს" სძლია და სერია A-ში მეორე ადგილი დაიკავა
ვაისის ღირსეული საქციელი - ლუქსემბურგთან მატჩის წინ კაშია და კანკავა დაასვენა
ვაისი: რა შეიცვალა საქართველოს ნაკრებში ჩემი წასვლის შემდეგ?
შეთანხმება არ შედგა - ვაისმა აზერბაიჯანელებს უარი შეუთვალა
კაშია და კანკავა ზედიზედ მესამედ გახდნენ სლოვაკეთის ჩემპიონები
ვაისი კვლავ ნაკრებს, ამჯერად ჩვენ მეზობლად გაწვრთნის? - კაშიას და კანკავას შესაძლოა, ახალი დამრიგებელი ჰყავდეთ
სანიოლი ამჯერად სლოვაკეთშია - შეხვედრა კანკავასთან კაშიასთან და ვაისთან