საქართველოს 3×3 ნაკრებებმა ევროპის თასის საკვალიფიკაციო ეტაპი დაასრულეს

სლოვაკეთის ქალაქ კოშიცეში 2026 წლის ევროპის თასის საკვალიფიკაციო ტურნირი დასრულდა, სადაც საქართველოს 3×3 საკალათბურთო კაცთა და ქალთა ეროვნულმა ნაკრებებმა ასპარეზობა დაასრულეს. კონტინენტის პირველობის ფინალური ეტაპის საგზურებისთვის, რომელიც მიმდინარე წლის აგვისტოში ბელგიის ქალაქ ანტვერპენში გაიმართება, ჩვენმა გუნდებმა მძიმე ბრძოლები გადაიტანეს, თუმცა ევროპული გრანდების ბარიერის გადალახვა ამჯერად ვერ მოხერხდა.   კაცთა ნაკრები: რთული ბრძოლები ძლიერ მეტოქეებთან   საქართველოს კაცთა ნაკრები კოშიცეში 3-გუნდიან B ჯგუფში (Pool B) მოხვდა, სადაც უაღრესად სერიოზული და რეიტინგული მეტოქეები — სლოვენია და ხორვატია ჰყავდა. საქართველოს ღირსებას სლოვაკეთში ცოტნე ცარციძე, ლევან გოგიჩაიშვილი, ანზორ ნადირაძე და ვახტანგ გაფრინდაშვილი იცავდნენ, მთავარი მწვრთნელი კი დავით გასიტაშვილი გახლდათ.   ჩვენმა ვაჟებმა ჯგუფური ეტაპის ორივე შეხვედრა 13 ივნისს გამართეს. გამოცდილ ოპონენტებთან გამარჯვების მოპოვება ვერ მოხერხდა, რის გამოც გუნდმა ასპარეზობა ნაადრევად დაასრულა:   სლოვენია 22 : 13 საქართველო ხორვატია 21 : 16 საქართველო   მიუხედავად მარცხისა, ბიჭებმა ბოლომდე იბრძოლეს და განსაკუთრებით ხორვატებთან მატჩში აჩვენეს ხასიათი, თუმცა მიზნის მიღწევა ამჯერად შეუძლებელი აღმოჩნდა.   ქალთა ნაკრების 4 მატჩი   ქალთა ტურნირის ფორმატი გაცილებით მკაცრი იყო — 10 ნაკრები 2 დიდ, 5-გუნდიან ჯგუფში განაწილდა, სადაც ფინალური ეტაპის საგზურს მხოლოდ ჯგუფის გამარჯვებულები მოიპოვებდნენ. ანა მაისურაძის გაწვრთნილი გუნდი (ხატია ქებურია, თეონა მაჩალაძე, ლია სეხნიაშვილი და ნატალი ჩუტკერაშვილი) B ჯგუფში უნგრეთის, სერბეთის, სლოვენიისა და სლოვაკეთის ნაკრებებთან ერთად მოხვდა.   სტარტი ურთულესი გამოდგა. 13 ივნისს ჯგუფის მთავარ ფავორიტებთან, უნგრეთსა და სერბეთთან შეხვედრებში კლასსა და გამოცდილებაში სხვაობა აშკარა იყო:   საქართველო – უნგრეთი 2:21 სერბეთი – საქართველო 21:6   14 ივნისს, ქართველმა გოგონებმა დარჩენილი ორი შეხვედრა გამართეს სლოვენიისა და მასპინძელი სლოვაკეთის წინააღმდეგ. პირველი დღისგან განსხვავებით, ჩვენმა ნაკრებმა გაცილებით უკეთესი კალათბურთი აჩვენა, მოედანზე დიდი ბრძოლა გამართა და ორივე შეხვედრაში ღირსეული წინააღმდეგობა გაუწია მეტოქეებს, თუმცა მინიმალური სხვაობით დამარცხდა:   საქართველო – სლოვენია 13:22სლოვაკეთი – საქართველო 21:16ამ მატჩებით ქალთა ნაკრებმაც დაასრულა ევროპის თასის საკვალიფიკაციო ეტაპი. მიუხედავად იმისა, რომ სასურველი შედეგი ვერ დაფიქსირდა, გუნდმა უმნიშვნელოვანესი საერთაშორისო გამოცდილება შეიძინა.   ევროპის ჩემპიონატის ფორმატი   შეგახსენებთ, რომ 3×3 კალათბურთში ევროპის ჩემპიონატის ფინალურ ეტაპზე, როგორც კაცთა, ისე ქალთა ბადეში, 12-12 ადგილია გათვალისწინებული. ფიბა-ს რეიტინგითა და მასპინძლობის სტატუსით 7-7 ადგილი უკვე დაკავებული ჰქონდათ წამყვან ნაკრებებს (ბელგია, ლიეტუვა, სერბეთი, საფრანგეთი, ნიდერლანდები, გერმანია, ლატვია — კაცებში; ბელგია, ნიდერლანდები, ესპანეთს, საფრანგეთი, გერმანია, პოლონეთი, ჩეხეთი — ქალებში).   დარჩენილი 5-5 საგზური კი 3 საკვალიფიკაციო ტურნირზე (სლოვაკეთში, კოსოვოსა და რუმინეთში) ნაწილდება. კოშიცეს ტურნირიდან ანტვერპენის საგზური ორივე სქესში მხოლოდ 2-2 საუკეთესო ნაკრებმა მოიპოვა.   GBF.GE

იუკა

საქართველოში ქალთა კალათბურთს არა აქვს პერსპექტივა, რადგან სათანადო ყყრადღება არ ექცევა, განსაკუთრებით რეგიონები მოკლებულები არიან პოპულარიზაციას, თბილისი კი თავკომბალადაა გადაქცეული.
ინფორმაციისათვის მადლობა და არავის გულისატკენად, მაგრამ

ალბათ ძალიან სუბიექტური ვარ, მაგრამ სამწუხაროდ მეჩვენება, რომ რბილად რომ ვთქვა(თ), ვერაა სასიამოვნო სტატისტიკა და რაღაც არასპორტულადაც გამოიყურებიან ჩვენი კალათბურთელები, განაკუთრებით გოგონები ... პ.ს. წარმატებები ჩვენს კალათბურყელებს მომავალ ტურნირებში. ისე, ალბათ ისიც აღსანიშნავია, რომ 2: 21 -ის წაგება, ვისთანაც უნდა იყოს, ნამეტანია და 13:22 ანგარიშიც არაა/ვერაა მინიმალური ანგარიშით წაგება.

საქართველოს 16-წლამდე გოგონათა ნაკრები ევრობასკეტის ნახევარფინალშია

შალამბერიძე, ვართანოვი, თვაური, რატიშვილი – ქართველი მსაჯები და კომისარი ასაკობრივ ევროჩემპიონატებზე

ქართველი დელეგატი რიგაში - მერაბ რატიშვილი ისრაელისა და გერმანიის მატჩს მოემსახურება

[VIDEO] ინგლისმა ბელინგემის დუბლით ნორვეგიას მოუგო და ნახევარფინალში გავიდა

ევროპის 20-წლამდელთა ჩემპიონატი: საქართველო შვეიცარიასთან დამარცხდა

მშვიდობით თუ ნახვამდის? - კურტუამ კომენტარი გააკეთა

ევროპის 20-წლამდელთა ჩემპიონატის B დივიზიონი საქართველომ უკრაინასთან მარცხით დაიწყო

"იქამდე იქნება საუკეთესო, სადამდეც თავად გადაწყვეტს" - სკალონიმ მესიზე ისაუბრა

"საფრანგეთის რატომ უნდა გვეშინოდეს? მათ ბოლო ორი მატჩი მოვუგეთ" - ლამინ იამალი

უარი 50 მილიონზე - ვემბანიამამ "სპურსთან" კონტრაქტი გაახანგრძლივა

ჩელენჯ თასი | ბრიტანელებთან თბილისში, ტოპ 14-ის გუნდებთან საფრანგეთში

ჩინებული ამბავი: საზონოვმა და კვარაცხელიამ შეიძლება ისევ ერთ ჩემპიონატში ითამაშონ

[VIDEO] გაჭირვების ტალკვესია - ესპანეთი მომდევნო ეტაპზე ისევ შეცვლაზე შესულმა მერინომ გაიყვანა

[VIDEO] ჩრდილოკავკასიელი მებრძოლები პოლიციის კორდონის გარღვევას და ქართველ მებრძოლებთან დაპირისპირებას შეეცადნენ - ინციდენტი RAF-ის პრესკონფერენციაზე

"დილას" მწვრთნელი: ძალიან მნიშვნელოვანი მატჩი მოვიგეთ - ეს ჩვენი მაქსიმუმი არ არის

[VIDEO] აზრის გიგანტი: კასპარიანმა განაცხადა, რომ აშშ ორ ქვეყანას ეთამაშა - ბოსნიას და ჰერცეგოვინას

"გაყარეთ მაროკოელები ევროპიდან უკან აფრიკის უდაბნოში" - ნიდერლანდელი დეპუტატი აღშფოთებულია

"შავი ლომი" 12 მოთამაშით გაძლიერდა - მათგან ორი ლეგიონერია

დეშამი: ბევრი მბაპეს დიქტატორად მიიჩნევს

შეთანხმებასთან ახლოს - კლოპი გერმანიის ნაკრებს 2030 წლის მუნდიალის ჩათვლით გაწვრთნის

მბაპეს რეკორდები - საფრანგეთს და "რეალის" ფორვარდს ვერ აჩერებენ

მოურინიომ "ნაპოლის" ნახევარმცველის დამატება მოისურვა

ლებრონისთვის ბრძოლაში სამი ფავორიტი გამოიკვეთა - სად გააგრძელებს კარიერას ლებრონ ჯეიმსი?