- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჩოგბურთი
"ჯიქი" მხოლოდ "დილას" დაფინანსების მეხუთედს ითხოვს - ინტერვიუ პალიკო ჯიმშელაძესთან
<p>"ჩემპიონატის დონე ყოველ წელს უფრო და უფრო მაღლდება და მოახლოებული სეზონი, დარწმუნებული ვარ, უწინდელზე უკეთესი იქნება" <br> გორის "ჯიქი" ქართული საკლუბო რაგბის ერთ-ერთი გამორჩეული გუნდია, რომელიც მეტადრე ბოლო წლებში პროგრესირებს. განვლილ ჩემპიონატში "ჯიქმა" საუკეთესო სეზონი ჩაატარა და გათამაშება მესამე ადგილზე დაასრულა. გორელები ახალი სეზონისთვის სამზადისსაც ნაყოფიერად შეუდგნენ, შეკრება გაიარეს, შემადგენლობა გააძლიერეს და ცოტა ხნის წინ შვიდკაცა რაგბიში საქართველოს 2016 წლის ჩემპიონატის პირველ ეტაპზე პირველობა არავის დაუთმეს.</p><p>3 სექტემბერს სტარტს იღებს ახალი სეზონიც. "ჯიქი" პირველი ტურის მატჩს თბილისში, "ავჭალის სარაგბო სტადიონზე" "არმიასთან" გამართავს.</p><p>აქვე დავამატებთ, რომ ახალი სეზონიდან მეორე ლიგის აღმოსავლეთ ზონის შეჯიბრებაში გორის "გორდაც" ჩაებმება. ეს გუნდიც "ჯიქთანაა" დაკავშირებული და, ფაქტობრივად, მისი ფარმკლუბია.</p><p>მოახლოებული სეზონის წინ "ჯიქის" სამზადისზე ვესაუბრეთ გუნდის მთავარ მწვრთნელს, <strong>პალიკო ჯიმშელაძეს</strong>, ხოლო კლუბთან დაკავშირებულ ფინანსურ და ტექნიკურ საკითხებზე "ჯიქის" გამგეობის თავმჯდომარეს, <strong>სოსო მაისურაძეს</strong>.</p><p><strong>- ახალი სეზონის წინ მოსამზადებელი შეკრება სად და როგორ გაიარეთ?</strong></p><p><strong>პ.ჯ.</strong></p><p>- ივნისში ავჭალაში შევუდექით შეკრებას და გავიარეთ ორ მცირე ეტაპად, ერთი კვირის გამოტოვებით. შემდეგ თითქმის მთელი ივლისი ვისვენებდით და 25 ივლისს კვლავ ავჭალაში დავიწყეთ ვარჯიში, ხოლო 2 აგვისტოს ასპინძისკენ ავიღეთ გეზი. იქაურ სარაგბო ბაზაზე მშვენიერ პირობებში გავიარეთ ფიზიკური მომზადება და შემდეგ სათამაშო დეტალების დამუშავებაზეც გავაკეთ აქცენტი. ასპინძის, ისევე, როგორ ავჭალაში გავლილი მოსამზადებელი ეტაპებით ძალიან კმაყოფილნი ვართ.</p><p><strong>- ალბათ, ამანაც ჰპოვა ასახვა შედეგზე, ვგულისხმობთ ნაფარეულში შვიდკაცა რაგბის ჩემპიონატის პირველ ეტაპზე "ჯიქის" მიერ მიღწეულ წარმატებას... </strong></p><p>- დიახ, ნაფარეულში გამართული შვიდკაცა რაგბის საქართველოს ჩემპიონატის პირველი ეტაპი ჩვენი გამარჯვებით დასრულდა. სიმართლე გითხრათ, არ ყოფილა იოლი შეკრებიდან დაბრუნების მერე ორიოდ დღეში ასეთ შეჯიბრებაში ჩაბმა და დღეში სამი მატჩის სიცხეში ჩატარება, მაგრამ ჩვენმა მორაგბეებმა გამოავლინეს სიმტკიცე, კარგი მომზადება და საუკეთესო შედეგიც ამიტომ აჩვენეს.</p><p><strong>- კერძოდ, რომელ ასპექტში იყო შესამჩნევი გუნდის თამაშში პროგრესი?</strong></p><p>- განსაკუთრებით, ფიზიკური შესაძლებლობის და მოედანზე დავალებების შესრულებების თვალსაზრისით ვარ ჩემი შეგირდებით კმაყოფილი. ისინი უფრო უკეთ და სწორად აზროვნებდნენ თამაშის დროს. მართებულ გადაწყვეტილებებს იღებდნენ მაშინაც, როცა მოქმედებისას თავისუფლებას ვაძლევდი.</p><p><strong>- ვიცით, რომ სხვა გუნდებიდან დაიმატეთ ახალი მორაგბეები. რომელი პოზიციის გაძლიერება გინდოდათ ახლებით?</strong></p><p>- მიუხედავად იმისა, რომ განვლილი სეზონი მესამე ადგილზე დავასრულეთ, გარკვეული პრობლემები თამაშში, რასაკვირველია, მაინც გვქონდა. კერძოდ, გასული სეზონის პლეი-ოფში "ყოჩებთან" და "ლოკომოტივთან" მატჩებში გამოჩნდა, რომ შერკინების ტაქტიკურ ფაზებში მოვიკოჭლებდით. აქედან გამომდინარე, პირველი და მეორე ხაზი მეტად გვინდოდა, რომ გაგვეძლიერებინა. ზოგადად კი, გუნდში დავიმატეთ ხუთი მორაგბე - ტარიელ დონაძე (არმია), თევდორე მაჭარაშვილი (ლელო), რეზო ბროძელი (არმაზი), ნიკა ბეჟუაშვილი და ბიძინა ჯიმშიტაშვილი (ორივე - ხარები).</p><p>სიახლეა ისიც, რომ შერკინებაში მოთამაშე-მწვრთნელი იქნება დავით გურგენაძე. ამასთან, კვლავ დაგვეხმარება შერკინების დამოძღვრაში გამოცდილი ზაზა ლეჟავა. გუნდი დატოვეს ვანო გაბროშვილმა და ლევან თხელიძემ. უნდა აღვნიშნოთ, რომ გარდა ამისა, გუნდში ასპარეზს ვუხსნით "ჯიქის" უმცროსი ასაკის გუნდების აღზრდილებს. ზედა ლიგაში დაწინაურებით კი, სტიმული და თავის გამოჩენის საშუალება, ცხადია, მათ სხვა თანაგუნდელებსაც მიეცემათ.</p><p><strong>- საწვრთნელი მატჩები თუ გამართეთ? </strong></p><p>- 20 და 26 აგვისტოს ვითამაშეთ ორი საწვრთნელი მატჩი, მოვუგეთ თბილისის "ლოკომოტივს" - 21:14, შემდეგ კი, "ყოჩები" დავამარცხეთ დიდი ანგარიშით.</p><p><strong>- ახალი სეზონის სასტარტო მატჩი "არმიასთან" გაქვთ. რას ფიქრობთ ამ შეხვედრასთან დაკავშირებით? </strong></p><p>- ჩემპიონატის პირველი თამაშია და მოთამაშეებისთვის ყოველთვის რთულია შესაბამის რიტმსა და ხასიათში თავიდანვე ჩაჯდომა. თუმცა, ჩვენ ვცდილობთ, გუნდი არა მხოლოდ ფიზიკურად და ტაქტიკურად, არამედ პირველი ტურიდანვე ამ ჩემპიონატისთვის ფსიქოლოგიურადაც მზად იყოს. ყველანი სავსე ვართ ენერგიით. ოღონდ მეტად მძიმე თამაში იქნება, რადგან "არმია" კარგად დაბალანსებული გუნდია. გაძლიერდა შემადგენლობითაც. შერკინებაში დაიმატა კარგი მორაგბეები, გააძლიერა უკანა ხაზიც.</p><p>მგონია, რომ "არმია" განვლილ სეზონთან შედარებით წლეულს უკეთეს პოზიციას დაიკავებს საქართველოს ჩემპიონატის საბოლოო ცხრილში.</p><p><strong>- აქვე თქვენი კონკურენტებისა და ჩემპიონატის ფავორიტების შესახებაც გვითხარით საკუთარი მოსაზრება... </strong></p><p>- "ლელოდან", მართალია, წავიდა რამდენიმე მოთამაშე, მაგრამ ძირითადი ბირთვი ისევ შენარჩუნებული აქვს და ისეთივე ძლიერია, როგორც აქამდე. გაძლიერდნენ "ლოკომოტივი" და "ბათუმიც". გუნდების უმეტესობა მეტ-ნაკლებად მაინც გაძლიერდა.</p><p>საერთოდაც, მიმაჩნია, რომ ჩემპიონატის დონე ყოველ წელს უფრო და უფრო მაღლდება და მოახლოებული სეზონი, დარწმუნებული ვარ, უწინდელზე უკეთესი იქნება. განვლილი ჩემპიონატის ფინალში "ლელო"-"ლოკომოტივის" პაექრობა ხარისხით საქართველოს ჩემპიონატზე უკანასკნელი 10-15 წელიწადის მანძილზე გამართული ფინალებიდან ყველას სჯობდა. ეს კი ცოტა რამეზე არ მეტყველებს. ჩვენი მხრივ კი შევეცდებით, წლეულსაც კარგად ვიასპარეზოთ.</p><p><p><div style="text-align: center;"><span style="color: #ff0000;"><strong>* * *</strong></span></div></p> "ჯიქი" გორის გუნდია, თუმცა, ჯერჯერობით, მას ქალაქის მერია ვერ აფინანსებს. ჯერ არც გორის რაგბის სტადიონზე ჩაატარებს "ჯიქი" საშინაო კალენდარულ მატჩებს. თუმცა, ქალაქის ხელმძღვანელობა ორივე საკითხის მოგვარებას ჰპირდება მორაგბეებს. ამ საკითხზე "ჯიქის" გამგეობის თავმჯდომარეს, სოსო მაისურაძეს ვესაუბრეთ.</p><p>- გორის მერიასთან მოლაპარაკების პროცესში ვართ. მერიიდან არის მზაობა და ამ დღეებში უნდა გადაწყდეს სტადიონების იჯარასთან დაკავშირებით საკითხი. კერძოდ, საუბარია გორის და ავჭალის სტადიონებზე საშინაო მატჩების გამართვასა და ვარჯიშთან დაკავშირებულ იჯარაზე.</p><p>რაც შეეხება გუნდის დაფინანსებას - წლეულს ბიუჯეტი გაწერილია და მისი შეცვლა ვეღარ მოხდება, გაისად კი გვპირდებიან, რომ აუცილებლად იქნება "ჯიქისთვის" გორის ბიუჯეტში თანხები გათვალისწინებული.</p><p>როგორც გვითხრეს, ეს ბიუჯეტი ნოემბრის ბოლოს უნდა იყოს მზად. თუ კვლავაც ვერ მოხერხდება "ჯიქისთვის" დაფინანსების მოძებნა, ჩათვალეთ, რომ გორთან ურთიერთობა დამთავრებული იქნება. თუმცა, იმედს გვაძლევენ, რომ ეს საკითხი მოგვარდება.</p><p>მოგეხსენებათ, გორის მერია აღარ აფინანსებს გორის "დილას" და მისთვის გათვლილი თანხაც გამოუთავისუფლდა, თანაც გაითვალისწინეთ, რომ ჩვენ ვითხოვთ იმის მეხუთედს, რაც "დილას" ჰქონდა. იმედი გვაქვს, ყველაფერი სასიკეთოდ გადაწყდება.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
-
n.n
გორის ჩემპიონო გენაცვალე! ჯიგარი ხარ!
-
გორის ჩემპიონი
გორში რეგბი და კერძოთ "ჯიქები" მარტო მისასალმებელია! ასაკში შესული ხალხია მარტოდ წინააღმდეგი... ახალგაზრდები აიტაცებენ რეგბის ხელში და თავდაუზოგავათ ჩაებმებიან! იმიტომ, რომ ახალგაზრდებს ცხოვრებაში წარმატების მიღწევა უნდათ და არა გორის ქუჩა-უბნებში უსაქმური ყიალი. ქართული რეგბი მაგარი ბრედია და ქართულ რეგბისტებს გზა აქვთ გახსნილი მთელ მსოფლიოში! როგოც ჭიდაობაში, ისევე რეგბში გორელი ახალგაზრდები თავის ჯანს გამოიყენებენ და გვასახელებენ ქართველებსაც, ქართლელებსაც, გორელებსაც, მშობლებსაც, ახლობლებსაც! ცხოვრებასაც ნახავენ და იცხოვრებენ ჯანსაღათ და შემართებით. ჯანგიანი "ჟიგულების" მენტალიტეტი არ უნდა უღობავდეს გზას გორელ ახალგაზრდებს! "ჯიქები" წინ! გორელები წინ!
-
dimitri
არაფრის მაქნისო საფეხბურთო წურბელებო, არ გეკუთვნით არცერთი კაპიკი
-
აჯიმე
გორელებო მადლობის მაგიერია, რას ერჩით ამ ბიჭებს თქვენი ქალაქის სახელით გამოდიან.
-
B-52
არაფრის მაქნისი ფეხბურთის ადვოკატები ფორმაში არიან კომენტარებში :)))) რამდენჯერღა უნდა დაამტკიცოს ფეხბურთმა რომ ჭაობია და მასში ფულის ხარჯვა კონკრეტული კლანის ჯიბეების შევსებაა და სხვა არაფერი
-
გორის დილა
ეი sos ნაღდ ვაშკაცურ სპორტს 2 წელია გორში ვერ ვხედავთ მითუმეტეს ამხელა სარაგბო არენა გვაქვს ითამაშონ აქ და მერე ვინერვიულებ სახელი გორი ქვია და აზრზე არავინაა ვისთვის თამაშობენ?ავჭალელებისსთვის?
-
sos
დილა განერვიულებთ და ნაქდი ვაჯკაცური სპორტი არა ხომ, ვაი თქვენს პატრინს.
-
gori
ise dagvemuqra titqos vexvewebodet ro darchnen, waxvalt da ras izavt mere stadioni tqven ar gaqvt da baza, paqtiurad qagaldze gyavt gundi, exla goristvis mtavaria dilas ambavi gadawydes male da ratqmaunda dadebitad
-
fcb
არც მაგაზე არავინ ინერვიულებს თუ გორთან აღარაფერი გექნებათ კავშირი,მითუმეტეს დილას შეუწყვიტეს დაფინანსება და გორის უმრავლესი მოსახლეობა დილას ამბავზე წუხს და დამიჯერე მართლა გული არავის დაწყდება თუ გაუქმებ ჯიქს თუ რაღაცას წადი და იყავი მაგ ავჭალაში შენთვის.
crocobet დიდი 10-ის ფინალი | სამი წლის შემდეგ - "ბათუმი" საქართველოს ჩემპიონია!
დიდი 10 | ბათუმი 33:21 ხარები
დიდი 10 | "აია" საქართველოს ჩემპიონია!
20 წ. | მსოფლიომდე ინგლისთან
თოფურია vs ოლივეირა: დიდ დაპირისპირებამდე – წინასწარი ანალიზი და მოლოდინები
"მათ კომპლექსები არ გააჩნიათ" - ლაპორტა "ბარსელონას" ფეხბურთელებზე
ხვიჩას დაჯილდოება, მიქაუტაძისა და დავითაშვილის გადამწყვეტი მატჩი და სხვა ამბები
[VIDEO] ბრწყინვალე იამალის გოლი და საგოლე პასი - "ბარსელონა" ვადამდე გახდა ჩემპიონი
[VIDEO] უმძიმესი კადრები "ელ პრატიდან" - "ესპანიოლი" "ბარსელონას" მატჩი რამდენიმე წუთით შეჩერდა
ლეგენდა მიდის - "ლიონის" მთავარი თავდამსხმელი მიქაუტაძე გახდება
ევროპის ჩემპიონატზე საქართველოს ნაკრების მეტოქეები ცნობილია
Ballon d'Or 2025: კვარაცხელია რეიტინგში კიდევ უფრო დაწინაურდა
მოურინიოს პორტუგალიის ნაკრების მწვრთნელად არ დანიშნავენ
მარადიშვილი საქართველოს ნაკრების ფეხბურთელი უნდა გამხდარიყო, ახლა კი შეიძლება კარიერის დასრულება მოუწიოს
"ესპანელი ბიჭუნა ხარ" - მახაჩევმა თოფურიას მიმართა
პსჟ გოლების მანქანის შეძენას გეგმავს
"რეალისთვის" ყველაფერი გავაკეთე" - კარლო ანჩელოტი
სუპერლიგის ფინალურ სერიაში "ქუთაისი" და თსუ შეერკინებიან
ფეხბურთელი, რომელმაც კვარასთან ერთად სკუდეტო მოიგო, სერია C-ში ითამაშებს
"დე ბრუინს "ნაპოლის" შესახებ ეს უთხრეს" - ცნობილმა იტალიელმა ჟურნალისტმა ბელგიელზე ისაუბრა
"ქართული ფეხბურთის ხარისხი იზრდება და ეს შთაგონება სხვა პატარა ქვეყნებისთვისაცაა" - სავიოლა ლეგენდების მატჩის წინ
"იცით, "ალავესის" ფეხბურთელმა რა მითხრა?" - მამარდაშვილი
უარი "ლივერპულს" და "ჩელსის" - ალონსოს ინიციატივით "რეალმა" პირველი ტრანსფერი შეათანხმა
დიდი 10: "ჯიქი" "ხარებს" დაუზავდა
ჯიქი-ლელო სარასენსი 17:13 - ჩემპიონთან მოგება ჩემპიონობისთვის ბრძოლაა
ვეტერანმა მორაგბეებმა პრესკონფერენცია გამართეს [VIDEO]
დიდი 10. IX ტური: "ბათუმი" "ჯიქთან" დამარცხდა
დიდი 10. VII ტური: აკადემია-ჯიქი 18:19
დიდი 10. VII ტური: ვის წაადგა ორკვირიანი ტაიმ-აუტი?
დიდი 10. II ტურის წინ: ბრძოლა დაიწყო, ბრძოლა გრძელდება
"ჯიქი" და გორის სარაგბო რესურსი
საქართველოს 7-კაცა რაგბის ნაკრები: ექსეტერში ბოლო ეტაპზე
დიდი 10: 2018 წლის ზაფხულის ტრანსფერები
დიდი 10: "ბათუმმა" "ჯიქი" დაძაბულ ბრძოლაში დაამარცხა
თურქეთსა და რუსეთთან ტოლ-სწორად პაექრობა შეიძლება - ინტერვიუ ზურაბ რურუასთან
საქართველოს 7-კაცა ნაკრები ტურის საერთაშორისო ტურნირში ითამაშებს
ჯიქი-ბათუმი 5:18 - ქარმაც ვერ შეაკავა
პალიკო ჯიმშელაძე: გამარჯვების დროც ახლოვდება