საფრანგეთის ეროვნული ნაკრების მთავარმა მწვრთნელმა დიდიე დეშამმა ევროპის ჩემპიონატის ფინალში განცდილი მარცხის შემდეგ ჟურნალისტებთან კომენტარი გააკეთა.შეგახსენებთ, რომ ევროპის ჩემპიონატის ფინალში მასპინძელი ფრანგები პორტუგალიის ნაკრებთან მინიმალური ანგარიშით დამარცხდნენ - 0:1.
- პორტუგალიის ნაკრები 2016 წლის ევროპის ჩემპიონატის გამარჯვებულია!
"საკუთარ კედლებში ზეიმის დიდი შანსი გავუშვით ხელიდან. ძალიან იმედგაცრუებული ვარ და არ ვიცი რა უნდა ვთქვა, სიტყვები არ მაქვს. დრო დაგვჭირდება ამ ყველაფრის გადასალახავად.
ერთად ვიგებდით და ერთად - ვაგებდით. შესანიშნავი იქნებოდა, თუ მოვიგებდით, მაგრამ, სამწუხაროდ, ვერ მოვახერხეთ", - განაცხადა ფრანგმა.
