2019 წელს "შევარდენი 1906"-ის მთავარი მწვრთნელი გელა სანაია და მისი ასისტენტი გიგა გვიჩია კლუბში აღარ იმუშავებენ - ამის შესახებ ინფორმაციას თბილისური კლუბის Facebook-გვერდი ავრცელებს."გელა სანაიამ "შევარდენი 1906" 2018 წლის იანვარში ჩაიბარა და დასახული მიზანი - ლიგა 2-ში ადგილის შენარჩუნება - პირნათლად შეასრულა.
უკან მოტოვებულ ურთულეს სეზონში სანაიას ხელმძღვანელობით "შევარდენი 1906"-მა ასპარეზობა მე-6 პოზიციაზე დაასრულა და მომავალ ჩემპიონატში ასპარეზობის უფლება 4 ტურით ადრე მოიპოვა.
ჩვენი კლუბისთვის პატივი იყო ისეთ გამოცდილ სპეციალისტთან მუშაობა, როგორიც გელა სანაიაა.
მადლობას ვუხდით სამწვრთნელო შტაბს გაწეული
ჯერჯერობით კლუბის მთავარი მწვრთნელის პოსტი ვაკანტურია. გულშემატკივრებისთვის გუნდის ახალი თავკაცის ვინაობა უახლოეს მომავალში გახდება ცნობილი." - ვკითხულობთ "შევარდენის" ოფიციალურ განცხადებაში.
![alt](/pictures/image50/60cd8b4544ae23664cfeb89863325ff5.jpg "გელა სანაიამ "შევარდენი" დატოვა - ახალი თავკაცის ვინაობა ჯერჯერობით უცნობია")
"თელავის" მწვრთნელად დენის ხომუტოვი დაინიშნა![alt](/pictures/image50/0c49aa9ca06f42bbcbffa91a435fa5f9.png "გელა სანაიამ "შევარდენი" დატოვა - ახალი თავკაცის ვინაობა ჯერჯერობით უცნობია")
"გაგრას" მომავალ სეზონში გაგა კირკიტაძე გაწვრთნის
