საქართველოს ეროვნული ლიგის მე-16 ტურში საჩხერის "ჩიხურამ" გასვლაზე თბილისის "მერანი" ძალიან დაძაბულ შეხვედრაში დაამარცხა- 2:1.
შეხვედრაში ანგარიში მასპინძლებმა მე-4 წუთზე გასხსნეს - რევაზ გეწაძის ჩაწოდებული ბურთი კარში დავით ბოლქვაძე გადაგზავნა, ბეგაშვილს ბურთის მოგერიებამდე ცოტა დააკლდა... პირველი ტაიმი "მერანმა" 1:0 მოიგო.
53-ე წუთზე "ჩიხურამ" წონასწორობა აღადგინა - წიქარიძემ მეკარის ბაქანში მყოფ ბუხაიძეს გაუკეთა პასი, ეს უკანასკნელი შემოტრიალდა და - 1:1.
გამარჯვების გოლი კი საჩხერელებს ძალიან ლამაზი გამოუვიდათ - ჯავაშვილმა საჯარიმოში წიქარიძეს დაუგორა, თენგიზმაც მოხდენილი მარცხენათი ბურთი თევდორაძის კარის მარჯვენა კუთხეში ჩასვა - 2:1.
ბოლო წუთებზე მასპინძლებს რამდენიმე კარგი შანსი ჰქონდათ, თუმცა გიორგი ბეგაშვილმა "ჩიხურას" მოაგებინა. კიპერმა ჯერ ფიფიას ჯარიმა მოიგერია, შემდეგ ახლო მანძილიდან დარტყმულ 2 ბურთსაც გაუმკლავდა და თავის გუნდს უპირატესობა შეუნარჩუნა.
ამ გამარჯვებით "ჩიხურამ" 9 ქულა დააგროვა და ეროვნული ლიგის ცხრილში მე-9 პოზიციას იკავებს, "მერანი" კი 6 ქულით ბოლო, მე-10 ადგილზეა და "პლეი-აუტში" მოხვედრისათვის უკანასკნელ 2 ტურში მინიმუმ 4 ქულა სჭირდება, ისიც თუ "ჩიხურა" ორივე მატჩს წააგებს.
თბილისი, მიხეილ მესხი 2
მერანი - ჩიხურა 1:2
1:0 დავით ბოლქვაძე (4), 1:1 გიორგი ბუხაიძე (53), 1:2 თენგიზ წიქარიძე (69)
![ეროვნული ლიგა. პლეი-ოფი: "ჩიხურა" - "სამგურალი" [LIVE]](/pictures/image7/b4ac186e1247666d7572617c9f69ff0d.png "ეროვნული ლიგა. პლეი-ოფი: \"ჩიხურა\" - \"სამგურალი\" [LIVE]")
![ეროვნული ლიგა. XVII ტური: "თელავმა" დიდი ანგარიშით პირველად იმარჯვა [VIDEO]](/pictures/image7/fe8eb3dca90561d162eb7041a277d4d8.jpg "ეროვნული ლიგა. XVII ტური: \"თელავმა\" დიდი ანგარიშით პირველად იმარჯვა [VIDEO]")
![ეროვნული ლიგა. XVII ტური. "ჩიხურა"-"დინამო თბ" [LIVE]](/pictures/image7/da8c182e3f407849c211da5d84d786fe.png "ეროვნული ლიგა. XVII ტური. \"ჩიხურა\"-\"დინამო თბ\" [LIVE]")
