"ტორპედო" სეზონის წინ სერიოზულად გაძლიერდა, მაგრამ წარმატებულად ვერ ასპარეზობს, გულშემატკივრებს კი მწვრთნელ გია ცეცაძესთან კონფლიქტი მოუვიდათ. კლუბი თავისი "ფეისბუქის" გვერდით იტყობინება, რომ გადადგომის შესახებ ცეცაძის მიერ დაწერილი განცხადება არ დააკმაყოფილეს.
საფეხბურთო კლუბ ქუთაისის „ტორპედოს“ განცხადება
"ვადასტურებთ, რომ დღეს მივიღეთ გუნდის მთავარი მწვრთნელის, გია ცეცაძის განცხადება გადადგომის შესახებ. მიგვაჩნია, რომ მსგავსი გადაწყვეტილების მიღება ცხელ გულზე გაუმართლებელი და მიზანშეუწონელია. კლუბში შექმნილი ვითარება საჭიროებს დეტალურ განხილვას და რიგი მიზეზების სიღრმისეულ შესწავლას. ამდენად, კლუბის ხელმძღვანელობა არ ჩქარობს გია ცეცაძის განცხადების დაკმაყოფილებას და მნიშვნელოვნად მიიჩნევს
გადაწყვეტილების მიღებას, კლუბში შექმნილი ვითარების სრულყოფილად შესწავლის შემდეგ.
ხვალ, 15:00 საათზე, რამაზ შენგელიას სახელობის სტადიონზე, კლუბის პრესრუმში, გაიმართება პრესკონფერენცია".
![alt](/pictures/image50/9f7c280cb7920c8ce25c127d51b9874c.png ""ტორპედომ" ცეცაძის გადადგომის შესახებ დაწერილი განცხადება არ დააკმაყოფილა")
"ვის აგინებ, შე ნაბო***რო" - "ტორპედოს" თამაშის მიმდინარეობისას, ცეცაძესა და გულშემატკივრებს შორის დაპირისპირება მოხდა [VIDEO]
![ეროვნული ლიგა. XVIII ტური. "ტორპედო" - "თელავი" [LIVE]](/pictures/image7/dc3d376ea0eb81206f440ca4628b4a26.jpg "ეროვნული ლიგა. XVIII ტური. \"ტორპედო\" - \"თელავი\" [LIVE]")
