ოცნებები ეროვნულ ნაკრებზე: 3 თავისუფალი მწვრთნელი ევროპაში

გულშემატკივრებში კვლავ აქტუალურია, საქართველოს ნაკრების მთავარი მწვრთნელის ვლადიმერ ვაისის ნაკრებში ყოფნის საკითხი. ქომაგებს შორის არაერთგვაროვანი მოსაზრებებია და ფედერაცია საბოლოო გადაწყვეტილებას, სერბეთის ნაკრებთან მატჩის შემდეგ მიიღებს.

ევროპაში ძალიან ბევრი თავისუფალი მწვრთნელი მოიძებნება, რომელიც შეიძლება საქართველოს ნაკრებში ვერ დანიშნონ, მაგრამ ოცნებას ვერავინ ვერ დაგვიშლის.

გთავაზობთ 3 თავისუფალ მწვრთნელს, რომლებსაც კარიერის გაგრძლება საქართველოს ნაკრებში არც კი უფიქრიათ.

3. ლუი ვან გაალი

შოთა დაკავებულია, მაგრამ ლუი თავისუფალია და 66 წლის მენეჯერი ახალ სამუშაოს ეძებს. თავის მომავალს ჰოლანდიელი ყოველთვის ისეთ გუნდს უკაშირებს, რომელსაც ვარსკვლავებისა და ახალგაზრდა ფეხბურთელების შეთავსებით ააშენებს.

ვან გაალს ჰოლანდიის ნაკრების გარდა, სხვა ნაკრები არასდროს გაუწვრთნია. მაგრამ, რომ წარმოვიდგინოთ თუ როგორ გაახალგაზრდავებს საქართველოს ნაკრებს და აღზრდის ჩვენს ფეხბურთელებს, ოცნებად ნამდვილად ღირს და რეალობა ძალიან შორსაა.

2. ტომას ტუხელი

44 წლის მწვრთნელისა და "დორტმუნდის" გზები გაიყარა. ბევრი ვარაუდობდა, რომ მას "ბაიერნის" მწვრთნელად ვიხილავდით, მაგრამ მიუნხენელებმა არჩევანი ჰაიკენსზე შეაჩერეს.

გერმანელ მწვრთნელს მხოლოდ ერთი ტიტული აქვს მოპოვებული, წინა სეზონში გერმანიის თასი მოიგო. საქართველოს ნაკრებში ალბათ დაცვით ფეხბურთს აირჩევდა და უფრო მეტად დაეყრდნობოდა ინდივიდუალისტ ფეხბურთელებს.

1. კარლო ანჩელოტი

ამ შემთხვევაში ოცნებაც ვეღარ გვიშველის და შეგვიძლია მაღალ ხმაზე ოზი ოსბორნის "Dreamer"-ს მოვუსმინოთ. ეროვნულ ნაკრებზე ბოლო პერიოდის ჩვენი იმედები, ხომ ოცნებებზეა დამოკიდებული და ჩვენგან ცვლილებები ყოველთვის შორსაა.

რას შეცვლიდა კარლო ჩვენთან? შეიძლება ყველაფერიც შეეცვალა და შეიძლება ვერაფერიც. ანჩელოტი, რომ საფეხბურთო გენიოსია ამაზე მისი ტიტულებიც მეტყველებს და ნამდვილად არ გარისკავდა, ჩვენს ნაკრებში მუშაობას. რომც გარისკოს, ალბათ ფინანსურად ვერ დავაკმაყოფილებთ მის მოთხოვნებს და საერთოდ მას ისევ იტალიის ეროვნულ ნაკრებში დაბრუნება სურს.