გიორგი ქვილითაიას ბელგიაში კოჭზე ოპერაცია ჩაუტარდა. ფეხბურთელმა ტრავმა საქართველოს ნაკრების ვარჯიშზე 8 სექტემბერს მიიღო და ის მაშინვე ბრიუსელში გაამგზავრეს.
"ოპერაციამ კარგად ჩაიარა, ყველას დიდი მადლობა გვერდში დგომისთვის და გამხნევებისთვის! თქვენ მე მაძლიერებთ!" - დაწერა გიორგიმ "ინსტაგრამზე".
ჯერჯერობით უცნობია, როდის შეძლებს ფეხბურთელი ვარჯიშის განახლებას.
აღსანიშნავია, რომ გიორგი ქვილითაიამ კოჭის მოტეხილობა გასულ სეზონშიც მიიღო. მაშინ მას სამი თვე გაუცდა. ამ პერიოდში ტრავმირებული ფეხბურთელი ვენის "რაპიდიდან" "გენტში" გადავიდა.
მიმდინარე სეზონში ბელგიის ჩემპიონატში გიორგი ქვილითაიამ ორ ჩატარებულ შეხვედრაში ორი გოლის გატანა მოახერხა.
#მალედაგვიბრუნდი - ფეხბურთელები გიორგი ქვილითაიას მხარდასაჭერად!
გიორგი ქვილითაია: ტრავმის მიღების შემდეგ პირველად ის ვიკითხე - შევძლებდი თუ არა ნაკრებში თამაშს?
გიორგი ქვილითაია: ჩვენ ერთად კიდევ ბევრი გოლი გვაქვს გასატანი
![ქვილითაია შეცვლაზე შევიდა და გამარჯვების გოლი გაიტანა [VIDEO]](/pictures/image7/aadcdae6e21b47ebad0460b665f589a8.jpg "ქვილითაია შეცვლაზე შევიდა და გამარჯვების გოლი გაიტანა [VIDEO]")
