რატომ არ იქნება ხვიჩა - ლიდერ კვარაცხელიასგან ადამიანურ შესაძლებლობებზე მეტს ვითხოვთ?!

AutoSharing Option
ხვიჩა კვარაცხელია საქართველოს 21-წლამდელთა ნაკრების განაცხადში არ იქნება და შესაბამისად, ევროპის ჩემპიონატზე ვერ ითამაშებს. ამაზე განცხადება თავად ფეხბურთელმა გაავრცელა:

altხვიჩა კვარაცხელია ევროპის ჩემპიონატზე ვერ ითამაშებს

მოგვიანებით, იმავე შინაარსის მიმართვა გიორგი მიქაუტაძესაც ჰქონდა. ჩვენ ამ თემაზე წერილი რამდენიმე დღის წინ შემოგთავაზეთ და ახლის თქმა გაგვიჭირდება. ვხედავთ, ბევრი გულშემატკივარი გულდაწყვეტილია, თუმცა უნდა გავითვალისწინოთ "კვარას" განვლილი სეზონი, უახლოესი გეგმები, ის, რომ კლუბებს ყოველთვის უჭირთ, მოთამაშეები ახალგაზრდულ ფორუმებზე გაუშვან, რადგან ივლისიდან ისინი ახალი სეზონისთვის მზადებას იწყებენ...


კიდევ ერთხელ გთავაზობთ სტატიას, რომელიც ამ პერიოდს მიეძღვნა...

მოახლოვდა კვიპროსსა და შოტლანდიაში გასამართი მატჩები. უკანასკნელი ერთი წლის განმავლობაში სანაკრებო პაუზას უფრო იმედიანად ვხვდებით, ვიდრე მანამდე იყო. ამის მიზეზი ისაა, რომ ხვიჩა კვარაცხელიას სახით, ტოპ-ფეხბურთელი გვყავს, რომელიც ევროპის ერთ-ერთ მთავარ ლიგაში საუკეთესოდ აღიარეს. შეცვლილია მოწინააღმდეგეების დამოკიდებულებაც. ყველაფერ ამას მეორე უკიდურესობაც აქვს, გაზრდილი ამბიციები გულისწყვეტას უფრო მარტივად იწვევს.

ყველას სურს, ხვიჩა კვარაცხელიამ ნაკრების რიგებშიც გაიტანოს ისეთი გოლი, როგორითაც "ატალანტას" კარი აიღო; გააკეთოს ისეთი პასი, როგორითაც ოსიმენს "რომასთან" გაატანინა, მაგრამ ჯერ უნდა შევთანხმდეთ, რომ ყველაფერი ასე მარტივად არ ხდება, ფეხბურთი გუნდური თამაშია და ამავდროულად, სხვა უამრავი კომპონენტი არსებობს, ვიდრე შედეგიანი მოქმედებაა.

Sportall.Ge

წარმოვიდგინოთ, რა სეზონი განვლო ხვიჩამ, რომელიც უფრო ადრე დაიწყო, ვიდრე ზოგადად იწყება. "ნაპოლიმ" მაქსიმალურად გამოიყენა ის დრო, როცა გუნდს თამაში მისდიოდა, ბოლომდე დაიხარჯა, ქულების მაქსიმუმი მოიპოვა, საჩემპიონო დუელში კომფორტულად დაწინაურდა და ბოლო თვეებში გუნდს გადაღლილობა აშკარად დაეტყო. ნუ ვიტყვით, რომ "22 წლის ბიჭი რამ უნდა დაღალოს" (რაც გვსმენია ხოლმე). რა თქმა უნდა, არსებობს აღდგენითი პროცედურები, თუმცა დილით და სამუშაო დღის ბოლოს ერთნაირად ვერ იქნები, არათუ დატვირთული სეზონის დასაწყისში და მიწურულს. ზოგჯერ იქნებ ხვიჩასგან იმაზე მეტს ვითხოვთ, ვიდრე ადამიანურ შესაძლებლობებსაც კი აღემატება.

არ გვინდა, ის იფიქროთ, რომ "კვარას" თამაშს წინასწარ ვუწევთ ადვოკატირებას, ის მას არ სჭირდება. უგოლო სერიის "ჯვაროსნების" ფორმით დასრულებასაც ველით, თუმცა გვინდა, მოვლენებს ობიექტური შეფასება მივცეთ. ალბათ კიდევ უფრო გაიზრდება ხვიჩას მიმართ მოლოდინი, როცა ის 21-წლამდელთა ნაკრებს ევროპის ჩემპიონატზე შეუერთდება, რადგან ჩავთვლით, რომ ეს უფრო "დაბალი ლიგაა", ვიდრე კვარაცხელიას შეეფერება. აბა, წარმოვიდგინოთ - ეროვნულ გუნდში ატარებ ორ უმნიშვნელოვანეს მატჩს, შემდეგ დასვენების გარეშე გადაერთვები ტურნირზე, სადაც შენ წინააღმდეგ განსაკუთრებული მოტივირებით ითამაშებენ, თანაც საკმაოდ მაღალი დონის მეტოქეები და ამ დროს "დუბლების ვალდებულება" გქონდეს - რთული მიზანია, თუმცა "კვარადონა" რომ ბოლომდე დაიხარჯება და მიზნისთვის ყველაფერს გადადებს, ვიცით.

ბევრს იქნებ გაუკვირდა, ნორვეგიასთან (1:1) დაპირისპირების შემდეგ ხვიჩა კვარაცხელიას ერთ-ერთი ყველაზე მაღალი შეფასება რომ დავუწერეთ, რადგან მას შედეგიანი მოქმედება არ ჰქონია და იქნებ ჩათვალეს კიდეც, რომ მისი ავტორიტეტი მოქმედებდა. არადა, ხვიჩა გამორჩეული იყო. კიდევ ერთხელ შეგახსენებთ, რა დავწერეთ მაშინ:

Sportall.Ge

"კვარა", წინა სანაკრებო მატჩებთან შედარებით, ძალიან გაზრდილია. ხვიჩა გუნდური მოთამაშეა, რომელიც ცდილობს, ნაკრებს დაცვით ფაზაში დაეხმაროს, თანაგუნდელები გაამხნევოს, ართმევაზე ითამაშოს. კვარაცხელია რამდენიმე მეურვის წინააღმდეგ თამაშს შეჩვეულია. ამის მიუხედავად, თავის გათავისუფლებასა და დარტყმასაც ახერხებდა და რამდენჯერმე კარგი პასიც გააკეთა. ნორვეგიელებს კონტრშეტევის სიკვდილივით ეშინოდათ, რადგან მათ კართან ახლოს ყოველთვის ხვიჩა ეგულებოდათ. ამის გამო მასიურ იერიშებზე უარს ამბობდნენ. "ნაპოლის" გარემარბს ცენტრშიც ხშირად ვხედავდით."

კვიპროსსა და შოტლანდიაში კვარაცხელიას მისია კიდევ უფრო დიდი იქნება. საქართველოს ნაკრების მთავარი მწვრთნელი ვილი სანიოლი მაქსიმალურად ცდილობს, ხვიჩას სისწრაფეები გამოიყენოს და სტუმრად ჩატარებულ მატჩებს უფრო კონტრშეტევებზე აგებს. ნეაპოლელთა ვარსკვლავის მიმართ ამხელა ყურადღების პირობებში, მისთვის სივრცეების გამოძებნა რთული იქნება. ამისთვის გუნდურად უფრო სწრაფად მოქმედება, მეტი ართმევა და ჩაჭრაა საჭირო.

"კვარას" საქართველოს ნაკრებში შთამბეჭდავი სტატისტიკა აქვს და შორს არაა ის დრო, როცა მის შედეგებთან მიღწევა ყველასთვის ძალიან რთული იქნება. ამავდროულად, ხვიჩას მოქმედებები უფრო მეტია, ვიდრე გოლი, საგოლე პასი ან მოპოვებული პენალტი. პირველ რიგში, ის გუნდზე დადებით ფსიქოლოგიურ გავლენას ახდენს, ჭეშმარიტი რწმენა და ჭეშმარიტი შეგრძნება ერთად მუშაობენ!..

alt"კვარაცხელიას დატვირთული სეზონი ჰქონდა... ივნისში ფორმის განსაზღვრა რთულია" - ვილი სანიოლი

altსანიოლის არჩევანი - იქნება რადიკალური ცვლილებები დაცვაში? მეტი დრო გაგნიძეს და მსჯელობა ორ ფორვარდზე...

altსანამ ხვიჩა და სხვები მოვლენ... - საქართველოს 21-წლამდელთა ნაკრების შემადგენლობის განხილვა - პორტუგალიით ვიწყებთ!..

altქართული ფეხბურთისთვის უმნიშვნელოვანესი თვე, რომელიც ისტორიულად უნდა ვაქციოთ - ფსიქოლოგიური ბარიერები მოხსნილია!..

მკითხველის კომენტარები / 88 /
მარტივი მაგალითზე შიძლება პარალერი გავავლოთ აგერ ჩემპიონთა ლიგის მეოთხედფინალის ორივე მატჩში ჰალანდმა რეალს ერთიც ვერ გაუტანა მაგრამ მისმა გამოთავისუფლებულმა სივრცეებმა (მუდამ ორი მცველი აჯდა ფეხზე) რეალი გაარღვია. რატომ ?ნაპოლისგან განსხვავებით სიტის ყავს ზეკვალიფიციური მოთამაშეები და რასაც ნაპოლი "პატიობს" მეტოქეებს როცა კვარას ორი კაცი იყვანს და სივრცეებს სხვები მაინც ვერ იყენებენ სიტი პირიქით ანგრევს ყველა მეტოქეებს ამ უპირატესობით. ამიტომ უნდა გადავიდეს კვარა გრანდში სადაც მას ასე სამი კაცით და გალიებით ვერავინ გაურისკავს აყვანას იმიტომ რომ თუ კვარაზე გადართავ ორ პერსონალურ მცველს, გრანდს სხვა ვარსკვლავებიც ყავს და ისინი აუცილებლად დაგსჯიან ამიტომ ხვიჩაზე ეს "კატენაჩო" არ გამოდგება ასეთი რეგალიის მქონე კლუბებში. იგივეა ნაკრებშიც კი ჩვენ არ გვყავს ბევრი ვარსკვლავი მაგრამ როცა ხვიჩას ნაკრებშიც დაუწყეს პერსონალური მეურვეობა უკვე ბოლო მატჩებია აქ მწვრთნელმა შეტევის ფრთაზე და ფორვარდათ უფრო სწრაფი შემტევები უნდა დააყენონ რომ როცა კვარაზე კონცენტრირდება მეტოქე მცველთა ჭარბი რაოდენობა ამ დროს ამ სწრაფმა შეტევებმა უნდა წამოიწყონ ამ სივრცეებში იერიშები და შეტევა გოლით ან მინიმუმ ხიფათით დაასრულონ.
Charley
08 ივნისი 2023 12:17
5
მარტო კვარაცხელია იმედზე ვერ იქნაბა ნაკრები.
შუახაზი განსაკუთრებულად უნდა გაძლიერდეს.
მაინც ვფიქრობ რომ ჩაკვეტაძეს უნდა მოეძებნოს ადგილი ნაკრებში. ყველაზე კრეატიულია
las
08 ივნისი 2023 12:05
3
რას ჰქვია მეტს ვთხოვთ? განა რამდენს უნდა ითხოვდეს ერი თავისი შვილისგან? წელიწადში 4-5 თამაშს თამაშობს ნაკრები და ყველამ თავი უნდა დადოს. რატომ გვიხარია კვარას, ჟორჟის, ზურიკოს, მამარდას ან სხვების წარმატეტბი? იმიტომ, რომ როდესაც საჭიროა ქვყანას და ეროვნულ ნაკრებს გამოადგნენ, თორემ მაგათი ინდივიდუალური მიღწევები ჩვენ რა? ეგ ხალხი არც ჩემი და არც ბევრის არც ოხაჯის წევრები არიან, არც ნათესავები და არც მეგობრები.
ანესთეზეოლოგი
13 ივნისი 2023 15:25
16
ეხლა გგონია მაგარი რამე დაწერე? მხოლოდ საკუთარ თავზე იფიქრე, ეგრე გააგრძელე
Semi
14 ივნისი 2023 19:32
8
ისეთი გონორით წერთ კომენტარებში ხვიჩაზე უნდა ითამაშოს ყველგან და თავი შეაკლასო, თითქოს თქვენი დამსახურებაა რამე მის წარმატებაში, ან რა უფლებით ითხოვთ, ან ვინ ხართ რა ვალი აქ თქვენი ვიმმეს ასეთი, რომ ასე ბრიყვულად ითხოვთ რამეს. ხვიჩას ადგილზე თქვენისთანა უმაქნისების გამო ნაკრებში არ ვითამაშებდი. ასე გადატვირყული გრაფიკის გამო რომ სერიოზული ტრამვა მიიღოს თქვენ აუნაზღაურებთ მკურნალობას? თუ ვალდებულია ვინმე კარიერა თქვენ პაკაზუხობას შეწიროს? რა ოცდაერთწლამდელები ხალხო თავი ხომ არ მიგირტყავთ რამეზე?
Semi
14 ივნისი 2023 14:22
15
რა დაღლა ხო არ აფრენთ, ვითხოვთ ჩამოვიდეს და ნაკრებისთვის წელიწადში ხუთჯერ ან ექვსჯერ ითამაშოს, ან რამ დაღალა გუნდი თვენახევრის უკან გახდა ჩემპიონი და იმის მერე მთელი ნაპოლი დასეირნობდა.
Buxrika
13 ივნისი 2023 12:28
6
რა სიტყვაა ვითხოვთ? ყოველთვის გადაღლილი იქნება სანაკრებო პაუზის დროს მაშინ ყოველთვის დავაბრალოთ გადაღლილობას და აქედანვე არ გვქონდეს იმედი არც მისი არც მიქაუტაძის არც მამარდასი და ყველა ვინც თავის კლუბში ძირითდში თამაშობს თუმცა ჩემპიონი 1 თვეზე მეტი ხნის წინ გახდა და დარჩენილ ტურებში ლოგიკურად თავი არ უნდა მოეკლა როცა წუნ გელოდება ასეთი სანაკრებო მატჩები განსხვავებით იმ კლუბებისგან ვისაც ბოლო ტურშიც ომი ქონდათ და 3 ფინალში მონაწილე კლუბზე აღარაფერს ვამბობ მაგათგან განსხვავებით 1 თვით მეტი გამოუვიდა დასვენება
ნოდო
13 ივნისი 2023 12:41
4
საინტერესოა ქორწილს როდისღა აპირებს არადა მეგრელებს ენაცვალოთ რაჭველები,ქორწილებში რა ლაზათიანი სუფრა იციან.სწორედ ამიტომ ვაკომენტარებ ორი თამაში ნაკრებში,ქორწილი და კიდევ ახალგაზრდულს რომ ითხოვთ მეტისმეტი არ მოუვიდეს.
ასეა ეს
08 ივნისი 2023 16:34
8
ჩვენ ნაკრებში გვინდა ხვიჩა იყოს ლიდერი და ის დონე რომელიც გაუძღვება წინ. არ მგონია რაღაც განსაკუთრებულს ვითხოვთ, გასაგებია რომ სეზონი დამთავრდა მაგრამ ნაკრებში თამაშობენ ყველანი ასევე სხვა გუნდებში. ახლა ხალგაზდულიც ემატება და ეს რა თქმა უნდა სხვა გამოწვევა ხვიჩასთვისაც და ჩვენთვისაც. ახლაგაზდულმა თუ იყოჩაღა ევროპაზეც შეიძლება თავის გამოჩენა და ოლიმპიდაზეც შეიძლება მოხვედრა, რაც გუნდურ თამაშებში ჯერ არ გვღირსებია. ასე რომ ყველანი თავს ზემოთ უნდა ახტნენ და შეუძლებელი შეძლონ. ვფიქრობ ჩვენ ბიჭებს შეუძლიათ ჩვენი გახარება და ამას შეძლებენ.
G.LA
13 ივნისი 2023 13:58
5
რა გადაღლაზე ვლაპარაკობთ წარმოდგენა არ მაქვს, 2 თვეა თითქმის არ უთამაშია ადამიანს
უვიცი
13 ივნისი 2023 19:56
16
მოკლედ ისეთი წერილია,გადაუღლელი რომც იყოს ხვიჩა აუცილებლად გადაღლა მოუნდება.
ილია
13 ივნისი 2023 18:38
4
გააკეთეთ გამოხმაურება
X
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

ასევე დაგაინტერესებთ
სიახლეები პოპულარული