27 ივნისს, ახალგაზრდული ევროპირველობის ჯგუფური ეტაპის მესამე ტურში, საქართველოს ნაკრები ნიდერლანდებს დაუპირისპირდება და ფრის შემთხვევაშიც მეოთხედფინალში გავა. ნიდერლანდური მედია თბილისში თავისი გუნდის თამაშით უკმაყოფილოა. მაგალითად, ad.nl აღნიშნავს, რომ მასპინძელ საქართველოსთან უფრო აგრესიულად თამაში მართებთ და თუ ისევ ვერ მოიგეს, ყეფა გააგრძელეს და კბენა ვერ შეძლეს, ტურნირს დაემშვიდობებიან.
მატჩისწინა პრესკონფერენციაზე ნიდერლანდების ახალგაზრდული ნაკრების მწვრთნელმა ერვინ ვან დე ლოიმ ისაუბრა:
"პირველ ორ შეხვედრაში მოწინააღმდეგეებზე მეტი მომენტი გვქონდა, რაც ვერ გამოვიყენეთ და ვერ გავიმარჯვეთ. შანსების რეალიზების შემთხვევაში, მგონია, საქართველოს დავამარცხებთ, რომელსაც დიდი მხარდაჭერა
ექნება, რაც არ გვაშინებს. პირიქითაც შეიძლება ითქვას, ეს ჩემი ფეხბურთელებისთვის დამატებითი მოტივაცია იქნება და მათგან კარგ თამაშს ველოდები, რამეთუ ჩვენი გუნდი უკეთესია.
სავსე სტადიონზე თამაში სასიამოვნოცაა და რთულიც. ჯერ მხოლოდ ერთი გოლი გავიტანეთ. დამაგვირგვინებელ ფაზაში უკეთ უნდა ვიმოქმედოთ. მარტო უპირატესობის მოპოვება მიზნის მისაღწევად საკმარისი არაა და ეს გასაუმჯობესებელი გვაქვს".
![alt](/pictures/image50/ff54eb8a8b27df286c04f89cfdebc608.jpg ""თუ მომენტებს გამოვიყენებთ, საქართველოს დავამარცხებთ" - ნიდერლანდელთა მწვრთნელი")
"მიზანთან ახლოს ვართ... რთულ თამაშს ველოდებით" - სვანაძისა და გულიაშვილის პრესკონფერენცია
![U21. ხარატიშვილის გმირობა - საქართველოს ნაკრებმა ხორვატიას ორი მატჩის ჯამში სძლია და ევროპის ჩემპიონატზე გავიდა [VIDEO]](/pictures/image7/0c77abf193cd30b7fece504832669849.jpg "U21. ხარატიშვილის გმირობა - საქართველოს ნაკრებმა ხორვატიას ორი მატჩის ჯამში სძლია და ევროპის ჩემპიონატზე გავიდა [VIDEO]")
![U21. საქართველოს ნაკრებმა ხორვატიას 1:0 მოუგო - ყველაფერი რიეკაში გადაწყდება [VIDEO]](/pictures/image7/d403a374924a3c74aca8f014a165d481.jpg "U21. საქართველოს ნაკრებმა ხორვატიას 1:0 მოუგო - ყველაფერი რიეკაში გადაწყდება [VIDEO]")
