20 მარტს, ერთა ლიგის პლეი-ოფის პირველ მატჩში, სომხეთის ნაკრები საქართველოს ეროვნულ გუნდს უმასპინძლებს. შეხვედრის წინ პრესკონფერენციაზე ჩვენი მეტოქის მწვრთნელმა ჯონ ვან ტ'სხიპმა ჟურნალისტების კითხვებს უპასუხა:
"საქართველოს ნაკრებს ჯერ კიდევ საბერძნეთის ნაკრებში მუშაობის პერიოდიდან ვიცნობ. მათ უკანასკნელ წლებში დიდ პროგრესს მიაღწიეს, ევრო 2024-ზე მიიღეს მონაწილეობა. საკმაოდ რთული მოწინააღმდეგეა. პატარა ქვეყნის მიერ წარმატების მიღწევის მაგალითია. ჩვენთვის ეს დიდი გამოწვევაა.
"აიაქსში" მიქაუტაძეს დიდ სათამაშო დროს ვერ ვაძლევდი და სხვადასხვა პოზიციაზე ვათამაშებდი, რადგან თავდასხმაში ბრობი და ჩუბა აკპომი გვყავდა. საფრანგეთში დაბრუნება უნდოდა, კარგი შეთავაზება
მიიღო და ორივე მხარე კმაყოფილი დარჩა. მიხარია, რომ "ლიონში" მაღალ დონეზე ასპარეზობს.
მოსამზადებლად ძალიან ცოტა დრო გვქონდა, თუმცა ფეხბურთელების მხრიდან დიდი მონდომება და პოზიტიური ენერგია დავინახე. აქ უკვე სამი თუ ოთხი კვარაა ვართ, ადგილობრივი ჩემპიონატის ბევრი მატჩი ვნახეთ, ზოგიერთი მოგვეწონა. ვინც ღირსია, ნაკრების კარი ყველასთვის ღიაა. დაკვირვებას გავაგრძელებთ.
შეკრებაზე საკუთარ მომზადებაზე უნდა ვიყოთ კონცენტრირებული. მთავარი ამოცანა მსოფლიოს ჩემპიონატის შესარჩევი ციკლისთვის მომზადებაა, უახლოესი ამოცანა კი - ხვალინდელი შეხვედრა. ვეცდებით კარგად ვითამაშოთ. სამწუხაროდ, სპერციანი და სელარიანი ვერ დაგვეხმარებიან. თუმცა, ეს სხვა ფეხბურთელებისთვის თავის წარმოსაჩენად კარგი შესაძლებლობაა. მინდა ჩვენმა ფეხბურთელებმა კარგ ლიგებში იასპარეზონ ".
აუცილებლად მოსაგები პლეი-ოფი - რატომ არ თამაშობს სომხეთის ნაკრები "რაზდანზე"?
კიტეიშვილი: ნაკრების კაპიტნობა ახდენილი ოცნებაა, ჩემს კარიერაში განსაკუთრებული მომენტია
სანიოლი: ბოლო მატჩებში დისციპლინა დავკარგეთ, რასაც იმედი მაქვს დავიბრუნებთ
