"კეინი, იოზილი, ფაბრეგასი, ჩაკვეტაძე" - Mundodeportivo ზამთრის შესაძლო ტრანსფერების შესახებ

ქართველი გიორგი ჩაკვეტაძით, რომ ბევრი ევროპული კლუბი ინტერესდება ქართველი გულშემატკივრისთვის არახალია, ამჯერად გავლენიანი სპორტული გამოცემა Mundodeportivo ბოლო პერიოდის სავარაუდო ტრანსფერების შესახებ წერს, სადაც საუბარი ისეთი ვარსკვლავების გვერდით, როგორებიც ჰარი კეინი, მესუთ იოზილი და ცესკ ფაბრეგასია, გიორგი ჩაკვეტაძეზეც არის.

ესპანური გამოცემა ჰარი კეინს მადრიდის "რეალსა" და "ბარსელონას" უკავშირებს და სავარაუდო ფასად 200 მილიონს ასახელებს, Mundodeportivo-ს ინფორმაციით, მესუთ იოზილი "ინტერს" 28 მილიონი ევროს სანაცვლოდ უნდა შეუერთდეს, ხოლო ცესკ ფაბრეგასით, რომელსაც "ჩელსიში" დიდი სათამაშო დრო არ გააჩნია, "მილანია" დაინტერესებული.

რაც შეეხება ახალგაზრდა გიორგი ჩაკვეტაძეს, ესპანური გამოცემა ქართველ ფეხბურთს "რომას" უკავშირებს და წერს, რომ პირადად რომას სპორტული დირექტორია მისით დაინტერესებული.

"Il Messaggero-ის მიერ სამშაბათს გავრცელებული ინფორმაციის მიხედვით, "რომას" დირექტორი მონჩი ქართველი გიორგი ჩაკვეტაძის ტრანსფერით ინტერესდება, ახალგაზრდა ტალანტი იმითაც გახდა ცნობილი, რომ მან ერთა ლიგის ისტორიაში პირველი გოლი გაიტანა, შემტევს ბელგიურ "გენტთან" კონტრაქტი 2020 წლის ივნისამდე აკავშირებს." - ვკითხულობთ Mundodeportivo-ზე.

გიორგი ჩაკვეტაძემ მიმდინარე სეზონში "გენტის" რიგებში 5 გოლი და 5 საგოლე გადაცემა შეასრულა.

laroma24.it: მონჩი ბელგიაში იმყოფება და გიორგი ჩაკვეტაძესაც აკვირდება

sportmagazine.be: როგორ გახდა უეცრად გიორგი ჩაკვეტაძე ქართული ფეხბურთის ვარსკვლავი