თათრეთის გამოცემა business-gazeta.ru ყაზანის "რუბინის" მიერ ზამთარში განხორციელებულ ტრანსფერებს შეეხო და იუწყა, რომ ზურიკო დავითაშვილისთვის ჯერ კონტრაქტი არ გაუფორმებიათ.
"ბევრი ელოდა, რომ "რუბინი" ზამთრის სატრანსფერო ფანჯრის დახურვამდე გაუფორმებდა ახალგაზრდა ქართველ ფეხბურთელს, ზურიკო დავითაშვილს ხელშეკრულებას, რომელმაც გუნდთან ერთად თითქმის ყველა შეკრება გაიარა და ამხანაგურ მატჩებში რეგულარულად თამაშობდა. 15 თებერვალს შემტევი ნახევარმცველი 18 წლის გახდა და "რუბინს" მასთან კონტრაქტის გაფორმების უფლება ჰქონდა. ამის გამო უეფას სანქცია არ ემუქრებოდა, თუმცა ეს ასე არ მოხდა. როგორც შევიტყვეთ, ყაზანური კლუბი ფეხბურთელს პირობებზე და კონტრაქტის ხანგრძლივობაზე
ვერ შეუთანხმდა.
უახლოეს ორ კვირაში "რუბინს" შეუძლია თავისუფალ აგენტად მყოფი ნებისმიერი მოთამაშისთვის ხელშეკრულების გაფორმება, ამდენად ტრანსფერი შეიძლება გაიჩარხოს, თუმცა მხარეები შეთანხმებასთან ახლოს არ არიან.
საქმე იმაშია, რომ "რუბინი" არ აპირებს მასში დიდი თანხის გადახდას და ეს მიუხედავად იმისა, რომ მართალია, ის ნიჭიერია, მაგრამ ჯერ კარიერაში არაფრისთვის არ მიუღწევია და მისი პერსპექტივაც გაურკვეველია.
აგენტს სურს თავისი კლიენტისთვის მოკლევადიანი კონტრაქტის გაფორმებას მიაღწიოს, რაც კლუბს არ აწყობს, რადგან არ უნდა ტრამპლინად გამოიყენონ. ამაში მდგომარეობს საკვანძო პრობლემა და ალბათ, "რუბინი" დათმობაზე არ წავა. სწორედ ამიტომ შესაძლოა, ტრანსფერი არ შედგეს, თუმცა აღნიშნულ საკითხში წერტილი არ დასმულა", - წერს გამოცემა.
![alt](/pictures/image50/e4400039569492bfd18aa4fdb10520eb.jpg "business-gazeta.ru: რატომ არ გაუფორმა "რუბინმა" ზურიკო დავითაშვილს კონტრაქტი?")
რუსებს ზურიკო დავითაშვილი მოსწონთ - "რუბინი" ქართველის დაბადების დღეს ელოდება![alt](/pictures/image50/f04a1da50bd23e31ecafe9188d427059.jpg "business-gazeta.ru: რატომ არ გაუფორმა "რუბინმა" ზურიკო დავითაშვილს კონტრაქტი?")
ზურიკო დავითაშვილმა კურბან ბერდიევს თავი მოაწონა - მას "რუბინის" საიტი გვიქებს
![დავითაშვილის სუპერგოლი - ქართველმა ზედიზედ მეხუთე მატჩში გამოიჩინა თავი [VIDEO]](/pictures/image7/3286ef417eecda999efa875f15151d27.jpg "დავითაშვილის სუპერგოლი - ქართველმა ზედიზედ მეხუთე მატჩში გამოიჩინა თავი [VIDEO]")
![არ ჩერდება - დავითაშვილმა ულამაზესი გოლი გაიტანა [VIDEO]](/pictures/image7/a03a57315104e650084f993c22482fa8.jpg "არ ჩერდება - დავითაშვილმა ულამაზესი გოლი გაიტანა [VIDEO]")
![ზურიკოს საგოლე გადაცემა - "ბორდო" კომპენსირებულ დროში კაცნაკლულ "სენტ-ეტიენთან" დამარცხდა [VIDEO]](/pictures/image7/ae01297c19bb93b4272956a6f4da4eb4.jpg "ზურიკოს საგოლე გადაცემა - \"ბორდო\" კომპენსირებულ დროში კაცნაკლულ \"სენტ-ეტიენთან\" დამარცხდა [VIDEO]")
![დავითაშვილის მორიგი გოლი - "ბორდომ" "ბასტიასთან" არწასაგები მატჩი წააგო [VIDEO]](/pictures/image7/4c8fc09376d1a2410634041966edcd86.jpg "დავითაშვილის მორიგი გოლი - \"ბორდომ\" \"ბასტიასთან\" არწასაგები მატჩი წააგო [VIDEO]")
![დავითაშვილმა ისევ გაიტანა - ზედიზედ მესამე მატჩში გამოიჩინა თავი [VIDEO]](/pictures/image7/b73e9518cc626a9470688e5973f773e1.jpg "დავითაშვილმა ისევ გაიტანა - ზედიზედ მესამე მატჩში გამოიჩინა თავი [VIDEO]")
