ფოტო: fclm.ru
მოსკოვის "ლოკომოტივისა" და სანქტ-პეტერბურგის "ზენიტის" (1:1) მატჩის მიმოხილვაში რუსული სპორტული ტელეკომპანია "მატჩ ტვ" "რკინიგზელთა" ქართველ ლეგიონერს, ხვიჩა კვარაცხელიას აქებს.
"აღსანიშნავია, რომ პირველ ტაიმში ერთ-ერთი ყველაზე აქტიური მოედანზე 18 წლის ხვიჩა კვარაცხელია იყო - ის იყო ლიდერებს შორის ორთაბრძოლების (10), დრიბლინგის (3) და პასების სიზუსტის (90%) მხრივ. პრემიერლიგის კლუბის სასტარტო შემადგენლობაში სადებიუტო მატჩისთვის ეს ძალიან კარგი შედეგია.
ქართველი შემტევი "ლოკომოტივში" ზამთარში გადავიდა, გოლის ავტორი პირველსავე ამხანაგურ მატჩში, მოედანზე შესვლიდან 10 წუთში გახდა და 10 მარტს რუსეთის ჩემპიონატში სადებიუტო მატჩიც
ჩაატარა. კვარაცხელია გახდა 2001 წელს დაბადებული პირველი ფეხბურთელი, რომელმაც პრემიერლიგის ოფიციალურ მატჩში ითამაშა. იური სიომინს "ზენიტის" წინააღმდეგ მისი სასტარტოში დაყენების არ შეეშინდა, თუმცა შესვენებაზე შეცვალა, რაც წინასწარ ჰქონდა დაგეგმილი:
- ყველაფერი მაკმაყოფილებდა, ხვიჩა ნორმალურად გამოიყურებოდა. ის ნიჭიერი ახალგაზრდა ფეხბურთელია, არ ეშინოდა არაფრის, ყველა მომენტში კარგად გამოიყურებოდა. ვგეგმავდით, ის 45 წუთი გვეთამაშებინა. მის ნაცვლად მანუელ ფერნანდეში შევუშვით, რომელიც ასევე არაა ჯერ საუკეთესო ფორმაში", - განაცხადა "ლოკომოტივის" თავკაცმა.
სიომინი მართალია. კვარაცხელია ნამდვილად არ იყო ამოვარდნილი გუნდური თამაშიდან, სახიფათო ჯარიმაც მოიპოვა, თუმცა "ლოკომოტივს" შეტევაში გამოცდილი და კარგი პასების შემსრულებელი ფეხბურთელი დააკლდა. ძმები მირანჩუკები რთულ გადაწყვეტილებებს იღებდნენ, ბარინოვი და კრიხოვიაკი კი სიღრმიდან არასაკმარისად ხარისხიანად ამწვავებდნენ თამაშს. ფერნანდეშის გამოსვლამ გაამართლა - "ლოკომოტივმა" ბურთი დაიჭირა, "ზენიტი" საკუთარ საჯარიმოს მიაჯაჭვა და აქტიურად შეუტია ფლანგებიდან, თუმცა ვერც პორტუგალიელმა ედერმა და ვერც შეცვლაზე შესულმა სმოლოვმა საჯარიმოში საჰაერო ბრძოლა ვერცერთხელ ვერ მოიგეს", - წერს "მატჩ ტვ"-ის მიმომხილველი არტიომ ტერენტიევი.
მომზადებულია matchtv.ru-ს მიხედვით
"ზენიტთან" იყო ომი - კვარაცხელია გადაიწვა, კვირკველიამ ბოლომდე იბრძოლა
ლევან მჭედლიძემ "ემპოლიში" ორთვიანი პაუზის შემდეგ ითამაშა
გიორგი ხარაიშვილმე პენალტი ვერ გამოიყენა, მაგრამ "გეტებორგმა" მაინც გაიმარჯვა
დავით ხოჭოლავა - "დინამოს" დამარცხებაზე: პენალტებამდე მივაღწიეთ და გავიმარჯვეთ
![ხვიჩა შეცვლაზე შევიდა - "ნაპოლიმ" "ჯენოას" სძლია [VIDEO]](/pictures/image7/8823115fa3399d5eb0e970d0eddb43b9.png "ხვიჩა შეცვლაზე შევიდა - \"ნაპოლიმ\" \"ჯენოას\" სძლია [VIDEO]")
