ნავალოვსკი გამოირიცხა, ოქრიაშვილი რეალურია - ქეცბაიას "ანორთოსისის" ჩაბარება ჯერ არ გადაუწყვეტია

AutoSharing Option
Goal.com.cy-ს ცნობით, თემურ ქეცბაიას ჯერ "ანორთოსისის" ჩაბარების გადაწყვეტილება არ მიუღია.

გამოცემა აღნიშნავს, რომ მცველი გიორგი ნავალოვსკი ფამაგუსტურ კლუბს კონტრაქტის გაფორმებაზე შეუთანხმდა, მაგრამ ხელფასი იმაზე მეტი მოითხოვა, ვიდრე ვარაუდობდნენ და ტრანსფერი, დიდი ალბათობით, არ შედგება. შეგახსენებთ, გიორგი ამჟამად ბათუმის "დინამოში" ასპარეზობს და როგორც ჩანს, ზღვისპირულ გუნდში შექმნილი პირობებით კმაყოფილია.

ქეცბაია კლუბის ხელმძღვანელობის ნდობით სარგებლობს, ტრანსფერების საკითხში სრული კარტ-ბლანში ექნება, 6 ფეხბურთელის დამატებას აპირებს, კანდიდატებს ძალიან ფრთხილად არჩევს და ნახევარმცველ თორნიკე ოქრიაშვილის გუნდში აყვანა რეალურია.

ადრე გავრცელდა ინფორმაცია, რომ არაა გამორიცხული, "ანორთოსისში"
"მაგდებურგის" მეკარე გიორგი ლორია გადავიდეს.

"ანორთოსისში" ამჟამად თავდამსხმელები ბექა მიქელთაძე და ნიკა კაჭარავა თამაშობენ.

მკითხველის კომენტარები / 7 /
რა გჭირთ?! გაააარკვიეთ და მერე დაწერეთ!! ხან ვის სად გადაიყვანთ, ხან ვის სად გაუშვებთ,ჟურნალიტი თუ ხარ დაურეკე და გაარკვიე ზუსტად,/ რას ჭორაობთ! იმან ეს თქვა, ამან ეს თქვა, ანუ თქვენი საინფირმაციო წყარო არ გააქვთ???
Vasili
09:52 11-04-2019
0
მგონია საერთოდ ბლეფია ეს ყველაფერი, ვნახოთ.
გელა
09:09 11-04-2019
1

ასევე დაგაინტერესებთ
სიახლეები პოპულარული