championat-ზე ჟურნალისტმა მიხაილ გონჩაროვმა წერილი გამოაქვეყნა მოსკოვის "ლოკომოტივის" დაცვის ცენტრის პრობლემების შესახებ და საბა კვირკველიას თამაში უარყოფითად შეაფასა. გთავაზობთ ამონარიდს.
"ლოკომოტივს" სასწრაფოდ სჭირდება ახალი ცენტრალური მცველი. წინააღმდეგ შემთხვევაში - უბედურება
ახალი წლის შემდეგ ჩატარებულმა ორმა ამხანაგურმა მატჩმა, რომლებშიც "ლოკომოტივმა" "სტიუასთან" და "ოსიეკთან" 7 გოლი გაუშვა, მიგვანიშნა, რომ გაზაფხულზე "ბარდაკი" არამარტო შეიძლება გაგრძელდეს, არამედ ახალი მასშტაბები შეიძინოს. გასაგებია, რომ დატვირთვების ფონზე სპარინგებისას შორსმიმავალი დასკვნების გამოტანა არ შეიძლება, მაგრამ ზედმეტად კომიკურად ითამაშა "რკინიგზელთა" დაცვამ (რაც სიომინმა აღიარა) - ძალიან ბევრი შეცდომები გაეპარა.
კვირკველიას მოედნის ცენტრიდან ორჯერ გაექცნენ, ჩორლუკა კი ისევ ვერ თამაშობდა სწრაფად, პირველ შეხებას აგებდა და იმის მაგივრად, რომ დასწრებაზე ეთამაშა, თუნდაც აგრესია მოეხვია მეტოქისთვის თავს, ნახევარპოზიციაზე შეშდებოდა.
ამას წინათ კლუბის გენერალური დირექტორის ვასილი კიკნაძის ინტერვიუ გამოქვეყნდა, რომელშიც კატეგორიულად დაასახელა 2020 წლის მიზნები: "ჩვენი სპორტული მიზანია ჩემპიონთა ლიგაზე მოხვედრა და ევროტურნირების საგაზაფხულო ეტაპზე გასვლა". ძალიან საინტერესოა, ამ სიმაღლეების დასაპყრობად "ლოკომოტივი" გადადგამს თუ არა რაიმე საკადრო ნაბიჯებს. თუ კლუბში ალალბედის იმედზე არიან?
ალალბედი - ეს, ალბათ, დაცვის ცენტრში ამჟამად არსებული სიტუაციის ყველაზე ზუსტი შეფასებაა. ვერ ვიტყვით, რომ ფეხბურთელები არა გვყავს. პირიქით! სახელები აქ ხმაურიანი და მრისხანეა, ასეთი მოთამაშეები სიომინისთვის 5 წლის წინ რომ მიეცათ, ის ყველას "დაგლეჯდა". თუმცა, დრო ერთ ადგილას არ დგას.
ჩორლუკა უკვე ხორვატიის ნაკრების დაცვის ბურჯი აღარ არის და გაფურჩქნის ხანაში არ იმყოფება. თებერვალში 34 წლის გახდება და კლუბი ფიქრობს, გაუგრძელოს თუ არა კონტრაქტი.
ჰიოვედესი შესაძლოა, ამჟამად დაცვის ცენტრის ყველაზე სტაბილური წარმომადგენელია. ის ასევე შეზღუდულია სისწრაფეში, თუმცა ფიზიკურად უკეთ გამოიყურება, მაგრამ რა აზრი აქვს ლამაზ მახასიათებლებსა და გამოცდილებას, თუ 31 წლის გერმანელს რუსეთში დარჩენა არ სურს. კარგა ხანია წასვლას ცდილობს, მოსკოვში ყოფნა ძალიან უჭირს. "კიოლნში" ტრანსფერი ჩაეშალა, თუმცა მისი გამგზავრების ისტორია აშკარად არ დასრულებულა.
კვირკველია, ერთ დროს ჩემპიონატის ერთ-ერთი საუკეთესო მცველი, ახლა თავის ძველ დონეს ახლოსაც ვერ შეესაბამება. ტრავმების გამო ბევრი გაუცდა, შემდეგ 3 თვე სათადარიგოთა სკამზე იჯდა."ოსიეკთან" მატჩში ნამდვილი სპექტაკლი მოაწყო - ასეთი სუსტი თამაში თვით შეკვეთითაც ძალიან ძნელია. გვინდა გვჯეროდეს, რომ ყოველივე ეს შვებულების შემდეგ ფორმაში ჩადგომის ბანალური მიზეზის ბრალია (როგორც წესი, კვირკველიას ეს პროცესი სწრაფად არ მიმდინარეობს). გავრცელდა ინფორმაცია, რომ საბაც შეიძლება არ დარჩეს გუნდში.
გაზაფხულზე შეიძლება სასწაული მოხდეს, ყველა ჩამოთვლილმა ფეხბურთელმა უეცრად თავისი საუკეთესო ფორმა დაიბრუნოს და კარიერის ტოპ-მონაკვეთი ჩაატაროს, რაც უფრო ალოგიკური მოვლენა იქნება. დისტანციაზე კი "ლოკომოტივს" მაინც დასჭირდება უფრო ახალგაზრდა, სწრაფი და აგრესიული მცველი. მოვიდა დრო ვაღიაროთ, რომ რესურსები ამოწურულია.
![alt](/pictures/image50/4b6ba7f8f335269b74a720a38578b3d5.jpg "championat: "ლოკომოტივს" სასწრაფოდ სჭირდება ცენტრბეკი - კვირკველია ძველ დონეს ვეღარ შეესაბამება")
სიომინი კვირკველიაზე: თვით იმ საბას დაბრუნებისთვის დროა საჭირო
![alt](/pictures/image50/23e45f25d79acaccc55f82d95aeb2af5.jpg "championat: "ლოკომოტივს" სასწრაფოდ სჭირდება ცენტრბეკი - კვირკველია ძველ დონეს ვეღარ შეესაბამება")
კვირკველია "ლოკომოტივში" ადგილს იბრუნებს - ესპანეთში შეუცვლელად მხოლოდ ის ათამაშეს
![alt](/pictures/image50/819280974f69a6828906015428a297ec.jpg "championat: "ლოკომოტივს" სასწრაფოდ სჭირდება ცენტრბეკი - კვირკველია ძველ დონეს ვეღარ შეესაბამება")
არანაირი "პაოკი"! - საბა კვირკველიამ Sportall.ge-სთან სამომავლო გეგმებზე ისაუბრა
![გაგნიძემ მოსკოვის "ლოკომოტივს" ურთულესი პოზიციიდან გაუტანა [VIDEO]](/pictures/image7/f75b8452e5f15d869da866abe337447b.jpg "გაგნიძემ მოსკოვის \"ლოკომოტივს\" ურთულესი პოზიციიდან გაუტანა [VIDEO]")
