რუსულმა საფეხბურთო კლუბებმა ვარჯიშების განახლება დაიწყეს და საკუთარ გუნდში საქართველოს ნაკრებისა და რუსული "უფას" მცველი ჯიმი ტაბიძეც უნდა გამოცხადდეს, რომელსაც რუსეთში მოთამაშე ლეგიონერებიდან ყველაზე გრძელი გზის გავლა უწევს.
მოგეხსენებათ, უფა ბაშკირეთის დედაქალაქია და თბილისიდან 2300 კილომეტრით არის მოშორებული. ამ გზის მანქანით შეუსვენებლივ გავლას 30 საათი სჭირდება, მაგრამ, ბუნებრივია, ადამიანი მსგავს დატვირთვას ვერ გაუძლებს. ამიტომ, თუ რეალობას გავუსწორებთ თვალს, ქართველ მცველს გზაში, საჭესთან 2 დღე-ღამის გატარება მოუწევს.
როგორც "უფას" პრეზიდენტმა განაცხადა, ჯიმის კლუბი 22 მაისისთვის ელოდება და მას 14-დღიანი კარანტინის გავლაც
მოუწევს.
რუსეთის პრემიერლიგაში მოთამაშე სხვა ფეხბურთელები ყაზანსა და მოსკოვში თამაშობენ. შესაბამისად, მათ 300-400 კილომეტრით ნაკლების გავლა უწევთ.
არ იყიდება, ის ხომ მთელ გუნდს მუხტავს - ჯიმი ტაბიძე ლეგიონერებში გამოარჩიეს
ჯიმი ტაბიძე რუსეთის პრემიერლიგაში ართმევებით ტოპ 3 ფეხბურთელს შორისაა
championat.com-მა ტაბიძე "დაუფასებელთა" სიმბოლურში შეიყვანა - უცნაურია, რატომ თამაშობს ისევ "უფაში"
