ყველაზე პოპულარულმა და ნახვადმა რუსულ სპორტულმა საიტმა championat.com-მა გამოაქვეყნა რუსეთის პრემიერლიგის შემოდგომის საუკეთესო 11-ეული, რომლებსაც დამსახურებულზე ნაკლებ ყურდღებას აქცევენ და ცენტრალური მცველის პოზიციაზე "უფას" ფეხბურთელი ჯიმი ტაბიძე დაასახელა.
აი, რას წერს საიტი ქართველი მოთამაშის შესახებ:
"თუ რუმინეთის ნაკრების მცველი ნედელჩარუს მიმართ მისი იტალიაში ვერშემდგარი ტრანსფერის შემდეგ ბევრს აღარ წერენ, მის პარტნიორ ჯიმი ტაბიძის შესახებ პრესაში სტატიას უფრო ნაკლებად წააწყდებით.
ტაბიძე - ნამდვილად ძლიერი მცველია ევროპული ეკონომ-სტანდარტების მიხედვით: ის ძალიან კარგად თამაშობს ართმევაზე, არაფერს თმობს მინდორზე ბრძოლისას, დისტანციის მიუხედავად აქვს ძალიან
კარგი პირველი პასი და მარცხენა მცველს აძლევს საკუთარი ნახევრიდან მოშორებით თამაშის საშუალებას.
ამის გარდა, რაც ძალიან მნიშვნელოვანია, ტაბიძეს მშვენიერი სისწრაფე აქვს, რაც მას რუსეთის ჩემპიონატისთვის თითქმის შეუცვლელ ფეხბურთელად აქცევს - საკმაოდ უცნაურია, რატომ თამაშობს ტაბიძე ისევ "უფაში". ამ სეზონში ქართველი მცველი, უბრალოდ, ძალიან ძლიერია."
![alt](/pictures/image50/9acb41643f92e3d89d10a240811036e4.jpg "championat.com-მმა ტაბიძე "დაუფასებელთა" სიმბოლურში შეიყვანა- "უცნაურია, რატომ თამაშობს ისევ "უფაში"")
სტატისტიკა ამბობს: ჯიმი ტაბიძე რუსეთის პრემიერლიგის ერთ-ერთი საუკეთესო მცველია
