საქართველოს ახალგაზრდული ნაკრებისა და "ნასიონალის" შემტევი გიორგი არაბიძე ახალ გუნდს ეძებს.
22 წლის ჩვენებურს "ნასიონალთან" კონტრაქტი კიდევ 2 წლით აკავშირებს, თუმცა მისი პორტუგალიურ გუნდში დარჩენა ნაკლებად სავარაუდოა.
გიორგი ამჟამად თბილისში იმყოფება და "ლოკომოტივთან" ერთად ვარჯიშობს.
Sportall.ge ფეხბურთელს დაუკავშირდა და საინტერესო თემებზე გაესაუბრა.
- ერთი თვეა, რაც "ლოკომოტივში" ვვარჯიშობ და სანამ უცხოეთში წავალ, ასე იქნება. ჯერჯერობით თბილისში ვარ და შემდეგ ვნახოთ, რა იქნება.
- "ნასიონალთან" კონტრაქტი კიდევ რამდენი ხნით გაკავშირებთ?
- კიდევ 2 წელი მაქვს დარჩენილი "ნასიონალთან" კონტრაქტის ამოწურვამდე.
- რას აპირებთ
სამომავლოდ... გაქვთ პორტუგალიურ გუნდში დარჩენის ვარიანტი?
- დარჩენის ვარიანტი როგორ არ მაქვს, მაგრამ მე სხვაგან წასვლა მინდა. ზუსტად ვერ გეტყვით, რა და როგორ იქნება, მაგრამ სავარაუდოდ, განათხოვრებით ან სრული ტრანსფერით რომელიმე გუნდში გადავბარგდები.
- არის რაიმე კონკრეტული შემოთავაზება ამ ეტაპისთვის?
- რა თქმა უნდა, არის, მაგრამ ახლა ამაზე საუბარი არ მსურს... არც იმას დავაკონკრეტებ, რომელი ქვეყნის გუნდებიდანაა ინტერესი.
- როგორც ცნობილია, გია ცეცაძესთან კარგი ურთიერთობა გაქვთ. ის რამდენიმე დღის წინ დაინიშნა "ლვოვის" მწვრთნელად და ხომ არ სურს თქვენი წაყვანა? რამდენად რეალურია ეს ტრანსფერი?
- ჯერჯერობით გიასთან ამ თემაზე არ მისაუბრია. თუ კარგი შემოთავაზება იქნება და პირობები, "ლვოვის" ვარიანტსაც განვიხილავ. ![alt](/pictures/image50/f0c4a1684463034548a5255010f1b5f7.jpg ""თუ კარგი შემოთავაზება იქნება..." - რამდენად რეალურია გიორგი არაბიძის გია ცეცაძის გუნდში გადაბარგება")
გიორგი არაბიძემ ყველას აჯობა - ნახეთ, რას აკეთებს ახალგაზრდა ქართველი ფეხბურთელი [VIDEO]
!["მე არაბიძეს გამოვიძახებდი! ვიღაც საუბრობს, რომ ცუდი ხასიათი ჰქონდა, მაგრამ..." - ჩხეტიანი სანიოლის გადაწყვეტილებასა და "ტორპედოს" ფეხბურთელზე საუბრობს [VIDEO]](/pictures/image7/cc879bbbba4eda5e48fc73622de0bb73.jpg "\"მე არაბიძეს გამოვიძახებდი! ვიღაც საუბრობს, რომ ცუდი ხასიათი ჰქონდა, მაგრამ...\" - ჩხეტიანი სანიოლის გადაწყვეტილებასა და \"ტორპედოს\" ფეხბურთელზე საუბრობს [VIDEO]")
!["ტორპედომ" "დილა" არაბიძის საოცარი გოლით დაამარცხა [VIDEO]](/pictures/image7/26d105b9f4c23240dedb082a9d9a7101.png "\"ტორპედომ\" \"დილა\" არაბიძის საოცარი გოლით დაამარცხა [VIDEO]")
