![](https://sportall.ge/pictures/image31/352e41e05c93054f73664cad8390aa2d.jpg)
თურქეთის ჩემპიონატის ბოლოსწინა, 33-ე ტურში ლევან შენგელიას "ქონიასპორმა" და საბა ლობჟანიძის "ანკარაგიუჯიუმ" ითამაშეს.
"ქონიასპორმა" გასვლაზე საოცარი მატჩი 4:3 მოუგო მეორე ადგილზე მყოფ "ტრაბზონსპორს". შენგელიამ 39-ე წუთზე შეცვალა იევტოვიჩი, როდესაც მასპინძლები 1:0-ს იგებდნენ. მეორე ტაიმში ტრაპიზონელები 3:1 დაწინაურდნენ, 81-ე წუთზე შენგელიამ ანგარიში შესანიშნავად შესრულებული საჯარიმოთი შეამცირა.
88-ე წუთზე ლევანი დრიბლინგით საჯარიმოში შეიჭრა, მცველმა წააქცია, მსაჯმა პენალტი დანიშნა და სკუბიჩმა ანგარიშში თანაფარდობა აღადგინა.
ხოლო 90+1-ე წუთზე ტიურამმა შენგელიას
პასით თავურით გამარჯვების გოლი გაიტანა.
მოკლედ, რაც მაგრად მთელი ჩემპიონატი ვერ ითამაშა, ჩვენებურმა ბოლოს ერთბაშად აინაზღაურა და თავისი გუნდი სუპერლიგაში დატოვა, "ტრაბზონსპორი" კი მეორე ადგილს დასჯერდა - ჩემპიონი "ისტანბული" გახდა.
"ფანატიკი" აღნიშნავს, რომ ქართველი შემტევი მოედანზე უდავოდ საუკეთესო და მატჩის გმირი იყო.
![ლევან შენგელიას გოლი - 2:3, მოპოვებული პენალტი - 3:3, საგოლე გადაცემა - 3:4 და "ქონიასპორი" სუპერლიგაში დარჩა [VIDEO] Sportall.Ge](/pictures/artimages/original/779a4c06b89f2e2ed63240767a30de71.jpg)
სამწუხაროდ, "ანკარაგიუჯიუ" საკუთარ მოედანზე კომპენსირებულ დროში გაშვებული გოლით 0:1 დამარცხდა "ანტალიასპორთან" და ქვედა დივიზიონში გავარდა. ლობჟანიძე სასტარტოში იყო და 86-ე წუთზე შეცვალეს.