ჯანო: მეგონა ნაკრებს დავემარებოდი, ფეხბურთის თამაში ძალიან მინდა...

AutoSharing Option
ქართველმა ნახევარმცველმა ჯანო ანანიძემ ვოლგოგრადის "როტორთან" კონტრაქტი გაწყვიტა და გუნდიდან წამოსვლის წინ კლუბის პრეს-სამსახურთან კომენტარი გააკეთა.

"როცა კვიპროსიდან საქართველოში დავბრუნდი, მუხლი უკვე მაწუებდა. შემდეგ კარანტინი დაიწყო და სრულფასოვანი რეაბილიტაციის შესაძლებლობა აღარ მქონდა. თბილისში ჩავიკეტე და ვერც ვვარჯიშობდი. რამდენიმე ქართულმა და კვიპროსულმა კლუბმა თანამშრომლობა შემომთავაზა. ამ დროს ჩემმა აგენტმა "როტორის" ვარიანტი შემომთავაზა, მე მაშინვე ვაცნობე კლუბს პრობლემის შესახებ და ვთქვი, რომ ვცდიდი.

ძალიან მინდა ფეხბურთის თამაში! საქართველოს ნაკრებს შემოდგომაზე ერთა ლიგის გათამაშება უნდა დაეწყო და მჯეროდა, რომ ამ დროისთვის ფორმას აღვიდგენდი,
"როტორისა" და საქართველოს ნაკრებისთვის სარგებლის მოტანას შევძლებდი.

მე ერთი პირობა მქონდა: თუ 100%-ით მზად ვიქნებოდი, მაშინ ვცდიდი თამაშს, თუ არა და კლუბისგან არაფერი მინდოდა და კონტრაქტს გავწყვეტდი. საქმე ფულში არაა, რუსეთის პრემიერლიგას კარგად ვიცნობ. ფეხბურთელად აქ ჩამოვყალიბდი და ძალიან მინდოდა დაბრუნება.

აგვისტოში გუნდს ძალიან დატვირთული გრაფიკი ჰქონდა, ხელმძღვანელობასა და სამწვრთნელო შტაბთან შეთანხმებით მოსკოვში გავემგზავრე და ინდივიდუალურად პირად მწვრთნელთან ვვარჯიშობდი. მასთან ჯერ კიდევ "სპარტაკში" თამაშისას ვთანამშრომლობდი, ვოლგოგრადში კი ასეთ პირობებს ვერავინ შემიქმნიდა. შევთანხმდით, აგვისტოს ბოლოს თუ ყველაფერი კარგად იქნებოდა, დავბრუნდებოდი და მთლიან ჯგუფს შევუერთდებოდი.

ულტრაბგერითი გამოკვლევა და მაგნიტო-რეზონანსული ტომოგრაფია ჩავიტარე და გამოჩნდა, რომ ყველაფერი არც ისე კარგადაა, როგორც მინდოდა. მუხლი ისევ მაწუხებს და შესაძლოა, ოპერაცია დამჭირდეს. კონტრაქტის გაწყვეტის შესახებ გადაწყვეტილება ამიტომ მივიღე.

დიდი მადლობა მინდა გადავუხადო სამწვრთნელო შტაბსა და კლუბის ხელმძღვანელობას, სამწუხაროდ, გუნდის დახმარება ვერ შევძელი.

ვიტყვი, რომ როგორი მხარდაჭერაც "როტორს" აქვს, ასეთი რამ ქვეყნის 4-5 კლუბში თუ მინახავს. ეს დაუჯერებელია! ძალიან მინდოდა ასეთი ტრიბუნების წინ თამაში, თუმცა არ გამოვიდა.

კიდევ ერთხელ დიდი მადლობა ყველას. იმედი მაქვს, ისევ შევხვდებით!,"- თქვა ჯანომ.

altმომღერალი ფირცხალავა: ჯანომ "მაყუთზე" უარი თქვა - ამას რომელი ფეხბურთელი გააკეთებდა?

მკითხველის კომენტარები / 9 /
ოფიციალური მილიონერი ხარ ჯანო,იყიდე ახლა რომელიმე ქალაქᲨი მიწა ააᲨენე რამოდენიმე მოედანი და გახსენი ფეხბურᲗის აკადემია.
ზურა
19:02 13-09-2020
2
მე როგორც რიგითი ქართველი ბევრჯერ აღფთოვანებულვარ შენით როგორც ფეხბურთელის და პიროვნებით მიუხედავად შენი მცირე ასაკისა
ასერომ იცოდე ჯანო ჩვენ კიდევ ველით შენ წარმატებებს სპორტში და საერთოთ ცხოვრებაში
შეგეწიოს ღმერთი
იბერიელი68
18:45 13-09-2020
0

ასევე დაგაინტერესებთ
სიახლეები პოპულარული