"БИЗНЕС Online"-მ წერილი გამოაქვეყნა "რუბინიდან" სხვა კლუბებში იჯარით გაშვებულ ფეხბურთელებზე და ყაზანურ გუნდში ნახევარმცველ ზურიკო დავითაშვილის დაბრუნების თემასაც შეეხო, რომელიც ამჟამად "როტორში" ასპარეზობს.
ყაზანური დიასპორა "როტორში"
"რუსეთის პრემიერლიგის ახალწვეულ ვოლგოგრადულ გუნდში "რუბინის" ბევრი ყოფილი ფეხბურთელია. იქ არიან ქართველები ბექა მიქელთაძე, ნიკა ყიფიანი და საბა კვირკველია და თვით კლუბის აღზრდილი კამილ მულინი. თუმცა, უფრო საინტერესოა, როგორ მისდით საქმეები იმ ფეხბურთელებს, რომლებიც "რუბინიდან" არიან იჯარით წასულები.
ამ სეზონში ზურიკო დავითაშვილს კორონავირუსის გამო პრობლემები ჰქონდა და ამ მიზეზით სეზონის დიდი ნაწილი გაუცდა. ახლა
კი ჯანმრთელადაა და სასტარტო შემდგენლობაში სისტემატურად აყენებენ. ოღონდ ეგაა, ახალ კლუბში გატანილი გოლით თავის გამოჩენას ვერაფრით ვერ ახერხებს.
აი, მისი პერსპექტივები "რუბინში" კი მთლად კარგი არ არის. კლუბში ფლანგებზე ძალიან სერიოზული კონკურენციაა, ამასთან ამ პოზიციაზე მხოლოდ ხვიჩა კვარაცხელია თამაშობს ისეთი, რომელსაც რუსული პასპორტი არ აქვს. სეზონის პირველ ნახევარში ზურიკომ ვერ მოასწრო დაემტკიცებინა, რომ რაღაცით დენის მაკაროვზე ან სოლტმურად ბაკაევზე ძლიერია".
ზურიკო დავითაშვილი: იმედია, მალე გატანას შევძლებ
![დავითაშვილი "სენტ ეტიენიდან" საუკეთესო იყო - "რონის დერბიში" მიქაუტაძის "ლიონმა" გაიმარჯვა [VIDEO]](/pictures/image7/3648f8518e853edeb3f5ff0d4405d123.jpg "დავითაშვილი \"სენტ ეტიენიდან\" საუკეთესო იყო - \"რონის დერბიში\" მიქაუტაძის \"ლიონმა\" გაიმარჯვა [VIDEO]")
