კვიპროსის ჩემპიონატის მე-14 ტურში "ანორთოსისი" ლარნაკაში "ერმისს" დაუზავდა - 1:1.
აშკარად უჭირს "ანორთოსისს" ტრავმირებული თორნიკე ოქრიაშვილის გარეშე თამაში, გასულ ტურში "დოქსასთან" 1:2 წააგო, დღეს კი მარცხისგან გიორგი ქვილითაიამ იხსნა.
ანგარიში პირველ ტაიმში მასპინძლებმა გახსნეს, 78-ე წუთზე კი საპასუხო გოლი ქვილითაიამ თავურით გაიტანა. ეს მიმდინარე ტურნირზე ჩატარებულ 10 შეხვედრაში მისი მე-7 გოლია.
ისევე როგორც ქვილითაიამ, შეუცვლელად ითამაშა გიორგი ლორიამ, ბუბა დაუშვილმა კი ეს დაპირისპირება დისკვალიფიკაციის გამო გამოტოვა.
"ანორთოსისი" 27 ქულით მესამე ადგილზეა და 18 დეკემბერს "პაფოსს" უმასპინძლებს.
![ქვილითაია შეცვლაზე შევიდა და გამარჯვების გოლი გაიტანა [VIDEO]](/pictures/image7/aadcdae6e21b47ebad0460b665f589a8.jpg "ქვილითაია შეცვლაზე შევიდა და გამარჯვების გოლი გაიტანა [VIDEO]")
