12 თებერვალს "გეტებორგიდან" "ფერენცვაროშში" გადასულმა 24 წლის ნახევარმცველმა გიორგი ხარაიშვილმა თავის ახალ გუნდში პირველი გოლი გაიტანა.
უნგრეთის ჩემპიონატის 27-ე ტურში "ფერენცვაროშმა" 4:0 დაამარცხა "ბუდაფოკი", გიორგი კი 71-ე წუთზე შევიდა შეცვლაზე, 90-ე წუთზე გოლი გაიტანა და საბოლოო ანგარიში დააფიქსირა.
მან ბუდაპეშტურ გუნდში მადიართა პირველობაზე მეოთხე მატჩი ჩაატარა.
საქართველოს ნაკრებიდან დაბრუნებულ ლაშა დვალს მწვრთნელმა სერგეი რებროვმა დასვენების საშუალება მისცა - ის დღევანდელ შეხვედრაში სათადარიგო იყო.
"ფერენცვაროში" 64 ქულით ლიდერია, მეორეადგილოსან "პუშკაშს" 16 ქულით უსწრებს და ამ გუნდს 10 აპრილს უმასპინძლებს.
![alt](/pictures/image50/b6f15e8112c32a163543cf8317a2eb01.jpg "ხარაიშვილმა "ფერენცვაროშში" პირველი გოლი გაიტანა")
ხარაიშვილი "ფერენცვაროშში" დვალთან გადავიდა
