ბელგიის ჟუპილერ ლიგის საგზურის პლე-ოფის პირველ მატჩში გიორგი მიქაუტაძის "სერენი" საკუთარ მოედანზე "ვაასლანდ-ბევერენს" დაუზავდა - 1:1.
შეხვედრამ ქალაქში დიდი აჟიოტაჟი გამოიწვია, გუნდს გულშემატკივრები დახვდნენ და სტადიონზე შეაცილეს. განწყობა საზეიმო გახლდათ, ფანები ფეხბურთელების ავტომობილებს აჩერებდნენ და მათ სახელებს სკანდირებდნენ.
მასპინძლები დიდ ტერიტორიულ და სათამაშო უპირატესობას ფლობდნენ, მე-15 წუთზე მიქაუტაძემ ხელსაყრელი პოზიციიდან ააცილა ბურთი კარს, 65-ე წუთზე კი გოლის გატანა მეკარე ჯეკერსმა არ დაანება, ხოლო 70-ე წუთზე ბურთი საჯარიმოში ხელზე "სერენის" მცველ ფეიეს მოხვდა და პენალტით ფრეიმ ანგარიში გახსნა.
დარჩენილ დროში "სერენი"
დიდი ძალებით გადავიდა შეტევაზე, ჯერ გიორგიმ ყვითელი ბარათი მიიღო, შემდეგ ისევ ვერ დაჯაბნა მეკარე, 90+2-ე წუთზე კი თერთმეტმეტრიანი უკვე "ვაასლანდ-ბევერენის" კარში დაინიშნა, რომელიც ჩვენებურმა გამოიყენა.
ამ გუნდების საპასუხო მატჩი 8 მაისს გაიმართება.
მიქაუტაძე: ვღელავთ, მაგრამ დაწყებული საქმე უნდა დავასრულოთ
![მიქაუტაძე შევიდა და გოლიც გაიტანა - "ლიონმა" თასზე გაიმარჯვა [VIDEO]](/pictures/image7/b768712317139864e2a8010e62614c73.jpg "მიქაუტაძე შევიდა და გოლიც გაიტანა - \"ლიონმა\" თასზე გაიმარჯვა [VIDEO]")
