![](https://sportall.ge/pictures/image31/7986be92427d94ec57edccc2ea57b299.jpeg)
"რუბინის" მწვრთნელმა ლეონიდ სლუცკიმ "იუთუბის" არხზე ინტერვიუში თავისი გუნდის გასულ სეზონში ასპარეზობა წარმატებულად ჩათვალა, ფეხბურთელების და განსაკუთრებით ხვიჩა კვარაცხელიას პროგრესს გაუსვა ხაზი:
"იურა დიუპინი ეროვნულ გუნდში პირველად მოხვდა. ფეხბურთელისა და მეკარისთვის ასეთ სოლიდურ ასაკში. იმედია, ევროზე გაემგზავრება. ფილიპ ურემოვიჩი ამ სეზონში ხორვატიის ნაკრებში გამოიძახეს. კარლიც (სტასრფელდი) იხმეს. სამოხაც (სამოშნიკოვი). ზოტოვმაც, ალბათ, კარიერაში საუკეთესო სეზონი ჩაატარა. ოლი (აბილდგორი) დანიის ნაკრებში გამოიძახეს, მაგრამ იქ გიჟური კონკურენციაა და არ მგონია, ისევ უხმონ. იევტიჩმა როგორც იქნა, თავისი ზარბაზნიდან გაისროლა და გოლებით მნიშვნელოვანი ქულები მოგვაპოვებინა,
ყველა გადამწყვეტი იყო.
მაკაროვი და კვარაცხელია აქ არ განიხილებიან. დესპოტოვიჩმაც კარიერაში სტატისტიკურად საუკეთესო სეზონი ჩაატარა. ბაკაევმა, სამწუხაროდ, სეზონის წინ ტრავმა მიიღო და გამოგვაკლდა, მაგრამ კვარაცხელიას ტრავმის გამო ფორმის ფორსირება მოუწია.
ახლა ყაზანელ ფეხბურთელებს სატრანსფერო ბაზარზე აქტიურად აკვირდებიან. ყველაზე "გემრიელი ლუკმა" კვარაცხელიაა, რომლის შეძენა რამდენიმე ევროპულ ტოპს სურს".