goal.philenews.com-ი წერს, რომ შესაძლოა, "ანორთოსისი" გუნდის ქართველმა ნახევარმცველმა ბუბა დაუშვილმა დატოვოს.
32 წლის ჩვენებურის დამატების სურვილს კიდევ ერთი კვიპროსული გუნდი "აპოელი" გამოთქვამს.
ვითარებას მხოლოდ ერთი ფაქტი ართულებს. საქმე იმაშია, რომ "აპოელი" ფინანსურ კრიზისშია, დაუშვილის სანაცვლოდ კი ფულის გადახდა არ შეუძლია, თანაც ბუბას "ანორთოსისთან" შრომითი ხელშეკრულება კიდევ 1 წლით აკავშირებს.
საყურადღებოა კიდევ ერთი ფაქტი, რომ იმ შემთხვევაში, თუ ფეხბურთელი გუნდს კონტრაქტის ორმხრივად გაწყვეტაზე შეუთანხმდება, "აპოელი" მას უფრო დიდ ხელფასს ჰპირდება.
შეგახსენებთ, რომ "ანორთოსისიდან" "აპოელში" კიდევ ერთი ქართველი ფეხბურთელის, გიორგი ქვილითაიას ტრანსფერიც
გადაწყვეტილი ამბავია.
![alt](/pictures/image50/ab20c1a814c3ee269529a21ff1898cfe.jpg "ქართველების "ანორთოსისი" შესაძლოა დაუშვილმაც დატოვოს - მას უფრო მაღალ ხელფასს სთავაზობენ")
კვიპროსული პრესა: დაუშვილის "ანორთოსისში" დარჩენა-არდარჩენის საკითხი გადაწყდა
