“საბურთალოს” ერთ-ერთი ლიდერი და გუნდის კაპიტანი გიორგი კოხრეიძე, რომელიც თბილისური გუნდის აკადემიის აღზრდილია, ფრანგულ “გრენობლში” ითამაშებს.
ფეხბურთელი ხუთშაბათს გაემგზავრა ევროპაში და ახალ კლუბთან ხელშეკრულებას უკვე მოაწერა ხელი. “გრენობლმა” გიორგი ოფიციალურად უკვე წარადგინა. მხარეებს შორის 3-წლიანი ხელშეკრულება გაფორმდა.
ფრანგული კლუბი ამ დროისთვის ლიგა-2-ში ასპარეზობს. “გრენობლს” წლეულს ლიგა-1-ში აღზევება სურდა, თუმცა მიზნამდე სულ ცოტა დააკლდა.
