"რუბინის" 23 წლის მარცხენა მცველმა ილია სამოშნიკოვმა "БИЗНЕС Online"-სთან ინტერვიუში თანაგუნდელ ხვიჩა კვარაცხელიაზე ისაუბრა.
"როგორიც იყო ხვიჩა შვებულებამდე, ისეთივედ დარჩა"
- ადვილია ხვიჩასთან ერთ ფლანგზე თამაში? თქვენ ხომ ორმაგი სამუშაოს შესრულება გიწევთ.
- სხვადასხვა მომენტები ხდება. ერთ მატჩში მის გამო მეტი სამუშაოს შესრულება მიხდება, მეორეში - ნაკლების. მას შეიძლება თამაში წაუვიდეს, როდესაც ერთმანეთის მიყოლებით 3-4 მეტოქეს ატყუებს და ადგილი აქვს საპირისპირო სიტუაციასაც. თუმცა, ეს ასეთი ფეხბურთელებისთვის ნორმალურია, რომლებიც ხშირად მიდიან დრიბლინგზე.
რაც შეეხება ურთიერთმოქმედებას, აქ ყველაფერი შესანიშნავადაა. ყოველი შეხვედრის წინ შესაძლო
- ერთმანეთთან შეთამაშებას დიდხანს მოუნდით?
- ხდება ხოლმე, რომ მე წინ შევირბენ, ის კი დრიბლინგზე მიდის. ბურთის დაკარგვისას ჩვენს ფლანგზე ცარიელი სივრცე რჩება. ახლა ერთმანეთის გვესმის, ვიცი, როდის უნდა შევირბინო და როდის - არა. ერთმანეთს საკმაოდ მალე გავუგეთ და როდესაც ბურთს იღებს, ვიცი, რასაც გააკეთებს.
- ვარჯიშებზეც ერთ ფლანგზე თამაშობთ თუ მის წინააღმდეგ?
- ჩემთვის, როგორც მცველისთვის, ტექნიკური ნიჭით დაჯილდოებული ფეხბურთელის წინააღმდეგ თამაში სასარგებლოა. გამოცდილებას იღებ, სწავლობ, როგორ შეუძლია მოქმედება. არჩევა იმისა, რომელია უკეთესი - რთულია. ჩვენ შესანიშნავი ურთიერთობა გვაქვს და სულერთია, მასთან ვითამაშებ, თუ მის წინააღმდეგ.
- არის შეგრძნება, რომ ხვიჩა ახლა წასასვლელადაა განწყობილი. ეს გუნდში შესამჩნევია?
- არა, ის როგორიც იყო, როდესაც შვებულებაში გავედით, ისეთივედ დარჩა.
- თუ მაინც გადავა სხვა კლუბში, ეს "რუბინისთვის" დიდი დანაკარგი იქნება?
- ნებისმიერი გუნდისთვის ეს დიდი დანაკარგი გახდება. ის ბევრ მომენტს ქმნის.
- ერთ ინტერვიუში თქვენ თქვით, რომ მას ზედა ჭერი არ აქვს. თქვენ თვითონ ქვედა ლიგიდან ნაკრებამდე მიხვედით. თქვენ ზედა ჭერი გაქვთ?
- რთული კითხვაა. არ შემიძლია საკუთარი თავი შევაფასო. ეს ხალხმა უნდა გააკეთოს.
![alt](/pictures/image50/50d71a1770cc41abe313d852bea2dd73.jpg ""ხვიჩას წასვლა ნებისმიერი გუნდისთვის დიდი დანაკარგი იქნება", - ამბობს "რუბინის" მცველი")
"ხვიჩა რუსეთის პრემიერლიგაში საუკეთესოა და ევროპა ელის" - ამბობს "რუბინის" მცველი
![ხვიჩას გარეშე - პსჟ-ს ისევ თამაშის შემოტრიალება მოუწია და ფინალში გავიდა [VIDEO]](/pictures/image7/c541bfbcb22caf75a9a7f44990ad4618.jpg "ხვიჩას გარეშე - პსჟ-ს ისევ თამაშის შემოტრიალება მოუწია და ფინალში გავიდა [VIDEO]")
