რუსეთის პრემიერლიგის მესამე ტურში "რუბინმა" სახლში 2:1 დაამარცხა "ახმატი", მატჩის საუკეთესო ფეხბურთელად კი ხვიჩა კვარაცხელია დაასახელეს.
ხვიჩას მეტოქის 2-3 ფეხბურთელი მუდმივად მეურვეობდა, რაც მის პარტნიორებს თავისუფლად მოქმედების საშუალებას აძლევდა, მეორე ტაიმში კი გააქტიურდა და თანაგუნდელები აიყოლია. sportbox-ი აღნიშნავს, რომ ქართველმა 5 დარტყმა განახორციელა, მათგან - 3 კარში, 11 ორთაბრძოლა მოიგო და მის ანგარიშზე 7 წარმატებული დრიბლინგია. "ჩემპიონატმა" ყველაზე მაღალი შეფასება (8) კვარაცხელიას, აბილგორსა და ჰაკშაბანოვიჩს დაუწერა.
გროზნოული გუნდის მწვრთნელი ანდრეი ტალალაევი კი პაველ კუკუიანის მსაჯობით აღშფოთებული დარჩა.
"მე კუკუიანისა და
კვარაცხელიას დუეტი ძალიან მომეწონა. მათ ორ სტატუეტს (მატჩის საუკეთესო მოთამაშისთვის განკუთვნილ პრიზს) გადავცემდი. "რუბინმა" მეორე ტაიმში ჩვენი 7 შეტევა მოედნის ჩვენს ნახევარზე ფოლებით შეაჩერა. მსაჯმა არც ერთი ყვითელი ბარათი არ უჩვენა, ჩვენ კი კვარაცხელიაზე ნებისმიერი წესების დარღვევისთვის ყვითელი ბარათით გვსჯიდნენ", - დაიჩივლა ტალალაევმა Матч ТВ-ის პირდაპირ ეთერში.
![alt](/pictures/image50/782cf6ecfbf962e4288af257b9b48a9c.png ""კუკუიანისა და კვარაცხელიას დუეტი მომეწონა" - გროზნოელთა მწვრთნელი აღშფოთებულია")
კვარაცხელია საუკეთესოდ აღიარეს, შელია გააძევეს, "რუბინმა" ზედიზედ მესამე გამარჯვება იზეიმა
![ხვიჩა ნაადრევად შეცვალეს - "ნაპოლიმ" "რომა" დაამარცხა და ლიდერობა დაიბრუნა [VIDEO]](/pictures/image7/240ab75a036025365d13f8e710c768a8.jpg "ხვიჩა ნაადრევად შეცვალეს - \"ნაპოლიმ\" \"რომა\" დაამარცხა და ლიდერობა დაიბრუნა [VIDEO]")
