"კვარა", "ჩაკვე", "ჟორჟი" - შედეგიან კვირას ველით

გიორგი მიქაუტაძემ სასტარტო მატჩში მხოლოდ კომპენსირებული 4 წუთი ითამაშა, მეორე ტურში კი წესით, მეტი სათამაშო დრო უნდა მიიღოს. ნიანი გუნდის შეუცვლელი ფორვარდი ჩანს, სხვა პოზიციაზე კი ქართველ ფეხბურთელზე დაყრდნობა შესაძლებელია.

"გენტისა" და "მეჰელენის" მატჩის (18:00 სთ) განაცხადშია გიორგი ჩაკვეტაძე, რომელიც კონფერენს ლიგის შეხვედრაში საკმაოდ კარგად ჩაერთო. გიორგის გუნდმა ჩემპიონატი ცუდად დაიწყო და 3 შეხვედრაში მხოლოდ 1 ქულა აქვს. ასე რომ, ქართველის გუნდში გარკვეული ცვლილებებიცაა საჭირო.

ხვიჩა კვარაცხელიას "რუბინს" ევროტურნირებზე წარუმატებელი ასპარეზობის შემდეგ, ერთგვარი რეაბილიტაცია სჭირდება და ეს აუტსაიდერ "კრილიასთან"(21:00 სთ) სავსებით შესაძლებელია. ყაზანელები ცოტას უშვებენ - სამ შეხვედრაში საკუთარ კარში მხოლოდ ერთი გოლი მიიღეს. დესპოტივიჩის დანაკლისი გუნდისთვის მძიმე აღმოჩნდა, მასთან ერთად ხვიჩას იერიშებიც უფრო პროდუქტიული ხდება.



ზურიკო დავითაშვილმა დიდხნიანი პაუზის შემდეგ გაიტანა და იქნებ, ეს ფსიქოლოგიურად სერიოზული გარდამტეხი გამოდგეს. "რუბინის" შეხვედრის პარალელურად, "არსენალი" "კრასნოდარს" ესტუმრება და ქართველი შემტევის კიდევ ერთ წარმატებულ მატჩს ველით.



სხვა შეხვედრებს რაც შეეხება - დავით ხოჭოლავას "კოპენგანეს" სტუმრად "ორჰუსის" დამარცხება აუცილებლად დასჭირდება, რათა ლიდერებს არ ჩამორჩეს. შეგახსენებთ, ქართველმა მცველმა წინა ტურში "ბრონდბიუს" გაუტანა .

მიმდინარე სეზონში საგოლე ანგარიში ოთარ კიტეიშვილმაც გახსნა, რომლის "შტურმი" "ლასკს" ესტუმრება.

ქართველებით დახუნძლული 15 აგვისტო რამდენად წარმატებულ გამოდგება, ეს საღამოს გვეცოდინება...

"ხვიჩა კვარაცხელიამ კარგი პოზიციიდან ააცილა..." - "რუბინის" ექს ფეხბურთელი "რაკუვთან" მარცხს გამოეხმაურა

ესპანური მედია: გიგანტია და სწრაფად დაიმახსოვრეთ მისი გვარი - მა-მარ-დაშ-ვი-ლი