ბელგიის ჩემპიონატზე კვლავ გამოიჩინა თავი "ლეუვენის" ნახევარმცველმა ლევან შენგელიამ. მან ზედიზედ მეორე მატჩში გაიტანა გოლი.
შენგელია 22 აგვისტოს "ეუპენთან" წაგებულ შეხვედრაში (1:4) 70-ე წუთზე შევიდა შეცვლაზე და 83-ე წუთზე პრესტიჟის გოლი გაიტანა, დღეს კი გასვლაზე "ანტვერპენთან" 74-ე წუთზე შეუშვა მწვრთნელმა მოედანზე, 2 წუთში მეტოქის კარი დალაშქრა და თავის გუნდს ქულა მოუპოვა - 2:2. იმის გამო, რომ ლევანს სათამაშო პრაქტიკა არ ჰქონდა, მწვრთნელმა ვილი სანიოლმა არ გამოიძახა. თუმცა, არაა გამორიცხული უხმოს კიდეც. შეგახსენებთ, ის ესპანეთთან გააძევეს და კოსოვოსთან ვერ ითამაშებს.
kleinezeitung-ის
ცნობით, ოთარ კიტეიშვილმა კონფერენს ლიგის პლეი-ოფში "მურასთან" ბარძაყის
კუნთის ტრავმა მიიღო და 75-ე წუთზე შეცვალეს. ის დღეს "ადმირასთან" მატჩის განაცხადში არ არის. სავარაუდოდ მისი ტრავმა სერიოზული არაა, მწვრთნელმა დაასვენა და ნაკრებში ჩამოვა.
დავით ხოჭოლავამ შეუცვლელად ითამაშა "კოპენჰაგენის" შემადგენლობაში სტუმრად "ვეილესთან", მისმა გუნდმა ყველა ტურნირზე ზედიზედ მეშვიდე გამარჯვება მოიპოვა, ამჯერად 4:0.
![alt](/pictures/image50/146b365204745ad5133798da7c95d826.jpg "შენგელიამ ისევ გაიტანა, კიტეიშვილი ტრავმირებულია, ხოჭოლავას "კოპენჰაგენმა" ისევ გაიმარჯვა")
"ასეთია ფეხბურთი" - ლევან შენგელიამ დებიუტი შეაფასა
![ჩემპიონთა ლიგა. IV ტური: კიტეიშვილის "შტურმის" დასანანი მარცხი "დორტმუნდთან" - "რეალის" და "სიტის" სენსაციური წაგებები [VIDEO]](/pictures/image7/fdb2c62b69f1859b04419590737b7120.jpg "ჩემპიონთა ლიგა. IV ტური: კიტეიშვილის \"შტურმის\" დასანანი მარცხი \"დორტმუნდთან\" - \"რეალის\" და \"სიტის\" სენსაციური წაგებები [VIDEO]")
![ჩემპიონთა ლიგა. III ტური: "რეალის" დიდებული ქამბექი და ქართველების გუნდების მორიგი წაგებები [VIDEO]](/pictures/image7/85f031dd491ca88e3b38145aab7d675a.jpeg "ჩემპიონთა ლიგა. III ტური: \"რეალის\" დიდებული ქამბექი და ქართველების გუნდების მორიგი წაგებები [VIDEO]")
იმედი მაქვს ოთოს ტრამვა სერიოზული არ არის და ის ითამაშებს ნაკრებში ამ უმნიშვნელოვანეს შეხვედრებში ის ძალიან საჭირო ფეხბურთელია ჩვენი ნაკრებისთვის ახლა კვარა დაგვაკლდა და თუ ოთოც დაგვაკლდება მაშინ ჩემი აზრით ჩვენი შანსები ამ ორ თამაში რაიმე წარმატების მინიმუმამდე შემციდრება მეტოქებიდან გამომდინარე რაც შეეხება შენგელიას აშკარად კარგი ტრანსფერი გამოდგა მისი გადასვლა ამ კლუბში მართალია ჯერ მცირე დრო ეძლევა მაგრამ გოლები გაქვს და იმედი მაქვს კიდევ ბევრს გაიტანს.