მიქაუტაძე: სამ დიდ გუნდთან დავმარცხდით, "ზულტე ვარეგემს" უნდა მოვუგოთ

ბელგიის ჩემპიონატის მეცხრე ტურში სტუმრად „გენკთან“ წაგებულ მატჩში (0:3) „სერენის“ თავდამსხმელმა გიორგი მიქაუტაძემ შეუცვლელად ითამაშა, შეხვედრის დასრულების შემდეგ კი კომენტარი გააკეთა.

„ბელგიის ერთ-ერთ საუკეთესო გუნდთან დავმარცხდით. მათ დამსახურებული გამარჯვება მოიპოვეს. ჩვენ კარგად ვთამაშობდით, მაგრამ ჯერ ერთი გოლი გაგვიტანეს, ცოტა ხანში - მეორე. ეს მტკივნეული იყო. საკმარისი კონცენტრაცია და გამოცდილება არ გვაქვს. სწავლა უნდა განვაგრძოთ.

თამაშში დასაბრუნებლად გოლის გატანა გვჭირდებოდა, მაგრამ მეტოქე გაცილებით უკეთესად თამაშობდა. ისინი შესანიშნავად იცნობენ ერთმანეთს, უფრო სწრაფად მოქმედებენ, ძალიან კარგი ფეხბურთელები ჰყავთ.

სამ დიდ გუნდს დავუპირისპირდით და

სამივეჯერ მარცხი განვიცადეთ. შემდეგი მატჩი „ზულტე ვარეგემთან“ უნდა მოვიგოთ“, - ციტირებს მიქაუტაძეს Voetbalkrant-ი.

„სერენი“ „ზულტე ვარეგემს“ 3 ოქტომბერს უმასპინძლებს.

alt მიქაუტაძემ ვერ გაიტანა - "სერენი" ნიგერიელმა გიგანტმა გაანადგურა