კვირკველია ქართული დუელისთვის თოვლში ემზადება

უკრაინის პრემიერლიგის მე-17 ტურში საბა კვირკველიას "მეტალისტ 1925" ნიკა სიჭინავას "კოლოსს" უმასპინძლებს. გუნდები სატურნირო ცხრილში ერთმანეთის მეზობლად (მე-9 და მე-10 ადგილებზე) იმყოფებიან. ორივე ჩვენებურს ძირითად შემადგენლობაში ველით.

უკრაინაში უკვე ძალიან ცივა, თოვს და ნაკლებად საფეხბურთო ამინდია. კიდევ ერთი ტურის შემდეგ ჩემპიონატი 2022 წლამდე შეისვენებს. ქართველი მცველის ხარკოვულ კლუბში ჩარიცხვისთანავე, ამ გუნდის მიმართ ქართველი გულშემატკივრების ინტერესი გაზრდილია.

სამწუხაროა, რომ "მეტალისტს" 5-მატჩიანი წაგებათა სერია აქვს, საკმაოდ ბევრს უშვებს (26 მიღებული ბურთი ერთ-ერთი ყველაზე ცუდი შედეგია) და საქართველოს ნაკრების უკანახაზელისთვის პირველი წარმატების მიღწევას დიდი მნიშვნელობა აქვს.



რაც შეეხება სიჭინავას - ნიკას მიმდინარე სეზონში მხოლოდ 1 გოლი და 2 შედეგიანი პასი აქვს. შეგახსენებთ, მას "ინგულეცის" შემადგენლობაში საკმაოდ ბევრი გაჰქონდა. 27 წლის შემტევის გუნდი უკვე 3 შეხვედრაა, რაც არ დამარცხებულა. ჩემპიონატში ყველაზე ცოტა გოლი სწორედ სიჭინავას ყოფილ და ახლანდელ გუნდებს აქვთ გატანილი - 11.

OSC Metalist-ზე გასამართი შეხვედრა 4 დეკემბერს, ჩვენი დროით 21:30 საათზე დაიწყება.

კვირკველია ისევ დამარცხდა, აქტიურ ოქრიაშვილს არაფერი გამოუვიდა

ქართველების დაპირისპირება და კვირკველია გამარჯვების მოლოდინში - ჩვენებურების ორშაბათი

კვირკველია ძირითადში, 6 გაშვებული გოლი და წიტაიშვილის მოლოდინში

კვირკველია მარცხენა მცველის ნაცვლად - "მეტალისტმა" 5 გოლი გაუშვა...