ხვიჩა კვარაცხელიამ და "რუბინმა" პრემიერლიგა წარუმატებლად განაახლეს - ლიდერ "ზენიტთან" ლისაკოვიჩის დუბლის მიუხედავად (2:3), დამარცხდნენ. მათი შემდეგი გამოწვევა თასის გათამაშებაა, საიდანაც ევროტურნირებზე გასვლის შანსი უფრო დიდი იყო, თუმცა, მოგეხსენებათ, რუსულ კლუბებს ეს უფლება ჩამოართვეს.დღეს, 3 მარტს (20:00), ერთმატჩიან მერვედფინალურ შეხვედრაში, ყაზანელები ქართველი ფეხბურთელების ვოლგოგრადის "როტორს" უმასპინძლებენ, რომელიც პირველი დივიზიონის ერთ-ერთი აუტსაიდერია.
შეგახსენებთ, ვოლგოგრადელთა ღირსებას ილია ბერიაშვილი, ბექა ქავთარაძე, ასევე, რუსეთის მოქალაქეები - ნიკა ყიფიანი და გიორგი მახათაძე იცავენ.
ჯერჯერობით მეოთხედფინალში "სპარტაკი", ცსკა, "ალანია" და "დინამო" გავიდნენ.
რუსების დასჯის ჩვენებური ინტერესი - ხვიჩა ინგლისში, მარადიშვილი საქართველოს ნაკრებში...
![ხვიჩა შეცვლაზე შევიდა - "ნაპოლიმ" "ჯენოას" სძლია [VIDEO]](/pictures/image7/8823115fa3399d5eb0e970d0eddb43b9.png "ხვიჩა შეცვლაზე შევიდა - \"ნაპოლიმ\" \"ჯენოას\" სძლია [VIDEO]")
