გუშინ გავრცელდა ინფორმაცია, რომ "ვოლფსბერგერის" ცენტრალური მცველით, ლუკა ლოჩოშვილით, ერთბაშად ოთხი იტალიური კლუბი - "სამპდორია", "ტორინო", "ვერონა" და "უდინეზე" დაინტერესდა და მათი წარმომადგენლები ქართველის თამაშის სანახავად კლაგენფურტში ჩავიდნენ.
ავსტრიის ამ ქალაქში "ვოლფსბერგერი" ამხანაგურ მატჩში "მილანს" შეხვდა და 0:5 დამარცხდა. ლოჩოშვილმა პირველი ტაიმი ითამაშა, რომელიც 0:2 დასრულდა.
"ვოლფსბერგერი" კონფერენს ლიგის მესამე საკვალიფიკაციო ეტაპზე მალტის "გზირა იუნაიტედსა" და სერბეთის "რადნიჩკის" შორის გამარჯვებულს შეხვდება - 4 აგვისტოს სახლში, 11 აგვისტოს კი - გასვლაზე.
![alt](/pictures/image50/493d74f38cd6e8419c41a89e239c3281.jpg "ლოჩოშვილს იტალიური კლუბების წარმომადგენლები "მილანთან" მატჩში დააკვირდნენ")
სერია A-ში გადასვლის შანსი კიდევ ერთ ქართველს გაუჩნდა
